ព័ត៌មានជាតិ
ប្រមុខរាជរដ្ឋាភិបាល ដាក់បទបញ្ជាឲ្យស្ថាប័នពាក់ព័ន្ធ គាំទ្រប្រមូលចំណូលពន្ធជូនរដ្ឋ
មានប្រសាសន៍នៅក្នុងពិធីបិទសន្និបាតបូកសរុបការងារឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ នារសៀលថ្ងៃទី២៣ ខែកុម្ភៈ ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រាប់ឲ្យស្ថាប័នពាក់ព័ន្ធទាំងអស់ រួមគ្នាគាំទ្រការប្រមូលចំណូលពន្ធជូនរដ្ឋ ពីព្រោះបើប្រមូលចំណូលមិនបានវាជាមហន្តរាយសម្រាប់ប្រទេសជាតិ។
សម្តេចតេជោ ហ៊ុន សែន លើកឡើងយ៉ាងនេះថា “ត្រូវតែរួមគ្នា ដើម្បីធ្វើយុទ្ធនាការ គាំទ្រដល់ស្ថាប័នប្រមូលចំណូល ដូចជាអង្គភាពគយ និងអង្គភាពពន្ធដារជាដើម”។ សម្ដេចថា ប្រសិនបើយើងប្រមូលចំណូលមិនបាន ហើយបែរជាបណ្ដែតបណ្ដោយឲ្យវប្បធម៌អត់ពន្ធ បន្តរស់តទៅទៀត គឺវាជាគ្រោះមហន្តរាយមួយ សម្រាប់ប្រទេសជាតិរបស់យើង។
សម្តេចតេជោបានលើកឡើងថា កន្លងមកសម្ដេចធ្លាប់បានលើកឡើងនូវបទបញ្ជាដាច់ខាត មិនត្រូវឱ្យមានឡានអត់ពន្ធ ឡានចង្កូតស្ដាំ នៅលើដងផ្លូវទៀត។ សម្តេចបន្តថា យើងប្រមូលចំណូលពីឡានដែលអត់ពន្ធ មានចំនួន៥៩៩៣ គ្រឿង ស្មើនឹង៥១លាន៦០ម៉ឺនដុល្លារ (គិតត្រឹមថ្ងៃពីម្សិលមិញ ២២.០២.២០២២) ដូច្នេះតាមប៉ាន់ស្មាន នៅសល់រថយន្តពាក់កណ្ដាលទៀត ដែលមិនទាន់បង់ពន្ធ ដែលមានប្រមាណជាង១០០លានដុល្លារ។
សម្តេចតេជោ ហ៊ុន សែន បានបញ្ជាក់ថា ចាប់តាំងពីការដាក់វិធានការតឹងរ៉ឹងរហូតមកដល់ពេលនេះ យើងប្រមូលចំណូលបានពីរអ្នកលួចពន្ធចំនួន៥១លានដុល្លារ ហើយនេះ វាគ្រាន់តែបញ្ហារថយន្តនៅមានបញ្ហាផ្សេងទៀត។
ជាមួយគ្នានោះ សម្តេចបានស្នើឲ្យមន្ត្រី ក៏ដូចជាអ្នកដែលមានប្រាក់ទិញ រថយន្ត ឬម៉ូតូ ប្រើប្រាស់ ត្រូវមានចំណែកសម្រាប់បង់ពន្ធជូនរដ្ឋ យើងមិនអាចធ្វេសប្រហែសលើបញ្ហានេះបានទេ។ បើរដ្ឋគ្មានចំណូល គ្មានអ្វីសម្រាប់ចំណាយទេ “អញ្ចឹងទេសូមឱ្យទាំងអស់គ្នា ទាំងកងកម្លាំងប្រដាប់អាវុធ ទាំងនគរបាល ទាំងកងទ័ព ទាំងអាវុធហត្ថ ទាំងមន្ត្រីយើងទាំងអស់ហ្នឹង ពីព្រោះអត់មានអ្នកក្រណាមួយ ដែលមានលុយ ទិញឡានទេ អាហ្នឹងនិយាយឱ្យត្រង់តែម្ដង។ អ្នកដែលមានលុយជិះឡានធំៗ ឡានថ្លៃៗ មានលុយទិញហើយ បែរជាបន្លំជ្រកនៅក្រោម ផ្លាកលេខនគរបាល ផ្លាកលេខកងទ័ព ផ្លាកលេខរដ្ឋសភា ផ្លាកលេខព្រឹទ្ធសភា”។
សម្តេចតេជោនាយករដ្ឋមន្ត្រីបញ្ជាក់ថា នេះជាការចេញបញ្ជា ដើម្បីធ្វើការងារឲ្យបានសម្រេច។ ប្រសិនបើគ្មានការចូលរួមពីអ្នកពាក់ព័ន្ធទេ មិនអាចសម្រេចបាននូវការប្រមូលចំណូលជូនរដ្ឋនោះទេ៕
ដោយ ៖ កោះកែវ
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៣ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៥ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៧ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS