ព័ត៌មានជាតិ
សម្តេចតេជោ ហ៊ុន សែន៖ មកដល់ពេលនេះ ផ្លូវដែលគាំទ្រដោយចិនមានចំនួន ២៩ខ្សែ និងស្ពានធំៗចំនួន ៩
នៅក្នុងពិធីបើកសម្ពោធដាក់ឲ្យប្រើប្រាស់ជាផ្លូវការ កំណាត់ផ្លូវជាតិលេខ ៣ ប្រវែងជិត១៣៥ គីឡូម៉ែត្រ ចាប់ពីរាជធានីភ្នំពេញ ដល់ក្រុងកំពត នាព្រឹកថ្ងៃទី ២ ខែមីនា ឆ្នាំ ២០២២ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍ថា រហូតមកដល់ពេលនេះ សាធារណរដ្ឋចិនបានផ្ដល់នូវការគាំទ្រ សម្រាប់ការអភិវឌ្ឍនៅកម្ពុជាយ៉ាងច្រើន។ ក្នុងនោះ មានស្ពានថ្នល់ និងហេដ្ឋារចនាសម្ព័ន្ធផ្សេងៗ។
បើតាមសម្ដេចតេជោ ហ៊ុន សែន មកដល់ពេលនេះ ផ្លូវដែលបានសាងសង់រួចហើយ និងបានដាក់ឲ្យប្រើប្រាស់មានចំនួន ២៩ខ្សែ មានប្រវែងជាង ៣ពាន់គីឡូម៉ែត្រ ហើយគម្រោងដែលកំពុងសាងសង់មានចំនួន ៣ខ្សែ ប្រវែង ៣៦៣ គីឡូម៉ែត្រ។ ចំណែកស្ពានធំៗ ដែលបានសាងសង់រួច មានចំនួន ៩ស្ពាន ប្រវែង ៨៥៦៥ ម៉ែត្រ ហើយស្ពានដែលកំពុងសាងសង់ នៅសល់មួយទៀត គឺស្ពានឆ្លងកាត់ទន្លេបាសាក់ ដែលតភ្ជាប់ផ្លូវខ្សែក្រវ៉ាត់ក្រុងទី ៣ ចំនួន ៩៩៦ម៉ែត្រ មានតម្លៃ ៥៦លានដុល្លា។
សម្ដេចតេជោ ហ៊ុន សែន បានបញ្ជាក់ថា សមិទ្ធផល ដែលបាននិងកំពុងកើតឡើង នៅលើទឹកដីនៃព្រះរាជាណាចក្រកម្ពុជា បានកើតចេញមកពីកិច្ចសហប្រតិបត្តិការរបស់យើង ជាមួយដៃគូអភិវឌ្ឍន៍ទាំងអស់ ជាពិសេសជាមួយសាធារណរដ្ឋប្រជាមានិតចិន។
សូមបញ្ជាក់ថា កំណាត់ផ្លូវជាតិលេខ ៣ សាងសង់ឡើងក្រោមហិរញ្ញប្បទានសម្បទាន របស់រដ្ឋាភិបាលចិន និងបដិភាគរបស់រដ្ឋាភិបាលកម្ពុជា។ ការស្ថាបនា និងកែលំអរកំណាត់ផ្លូវជាតិលេខ ៣នេះ ត្រូវបានចែកជាពីរដំណាក់កាល ដោយដំណាក់កាលទី ១ ពីចោមចៅ រាជធានីភ្នំពេញ ទៅបែកគុស ខេត្តតាកែវ ប្រវែង ៧០គីឡូម៉ែត្រ ពង្រីកទទឹងតួផ្លូវរហូតដល់ ២៤.៥ម៉ែត្រ ជាប្រភេទផ្លូវបេតុងកៅស៊ូ (AC) កម្រាស់ ៩ សង់ទីម៉ែត្រ ចែកចេញជា ៤គន្លង (២គន្លងទៅ ២គន្លងមក)។ ដំណាក់កាលទី ២ ពីបែកគុស ទៅក្រុងកំពត ប្រវែង ៦៤.៨គីឡូម៉ែត្រ ជាប្រភេទផ្លូវ AC កម្រាស់ ៧សង់ទីម៉ែត្រ ពង្រីកទទឹងតួផ្លូវ រហូតដល់ ១២ម៉ែត្រ ចែកជា ២គន្លង។
គម្រោងនេះ ចំណាយថវិកាសរុបប្រមាណ ២១៩,៩១១,០០០ដុល្លារអាមេរិក ជាហិរញ្ញប្បទានសម្បទានពីសាធារណរដ្ឋប្រជាមានិតចិន រួមជាមួយនឹងថវិកាបដិភាគ របស់រាជរដ្ឋាភិបាលកម្ពុជា សាងសង់ដោយក្រុមហ៊ុនសាជីវកម្មស្ពាន និងថ្នល់ចិន និងត្រួតពិនិត្យបច្ចេកទេស ដោយក្រុមហ៊ុនទីប្រឹក្សាបច្ចេកទេសសំណង់ ក្វាងចូវ វ៉ានអាន ប្រើប្រាស់រយៈពេលសាងសង់ ៤៨ខែ៕
អត្ថបទ៖ កោះកែវ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ