ព័ត៌មានជាតិ

អាជ្ញាធររាជធានី កំពុងស្តារអាងស្តុកទឹក៥កន្លែងនៅក្រោមសួនច្បារមាត់ទន្លេ បាន៨០% គ្រោងបញ្ចប់នៅសប្តាហ៍ក្រោយ

បានផុស

៤ years មុន

នៅ

ថ្ងៃពុធ ១៦ មីនា ២០២២

ដោយ

ភ្នំពេញ ៖ អាជ្ញាធររាជធានីភ្នំពេញ បាននឹងកំពុងធ្វើសកម្មភាព ស្តារ អាងស្តុកទឹកទាំង៥កន្លែងនៅក្រោមសួនច្បារមាត់ទន្លេ ដែលគិតមកដល់ថ្ងៃ១៦ មីនា២០២២នេះ ក្រុមការងាររបស់អង្គភាពលូទឹក បូមទឹកនៃមន្ទីរសាធារណការនិងដឹកជញ្ជូនរាជធានីភ្នំពេញ បានស្តារសម្រេចបានប្រមាណ៨០%ហើយ ដោយគ្រោងនឹងស្តារបញ្ចប់នៅសប្តាហ៍ក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកម៉ែន សុខខេន ប្រធានអង្គភាពលូទឹក បូមទឹកនៃមន្ទីរសាធារណការនិងដឹកជញ្ជូនរាជធានីភ្នំពេញបានឲ្យដឹងនៅរសៀលថ្ងៃទី១៦មីនានេះថា ដោយមានការណែនាំនិងចង្អុលបង្ហាញពីលោកឃួង ស្រេង អភិបាលរាជធានីភ្នំពេញ មន្ទីរសាធារណការនិងដឹកជញ្ជូនរាជធានីភ្នំពេញ បានធ្វើសកម្មភាពស្តារអាងស្តុកទឹកទាំងអស់ចំនួន៥អាង ដែលក្នុងនោះ នៅក្រោមសួនច្បារមាត់ទន្លេមាន៤អាង(ក្រោមសួនច្បារមុខផ្សាចាស់,ផ្សារកណ្ដាល,ព្រះគម្លង់,ក្នុងសាលចតុមុខ) និងនៅក្រោមសួនច្បារមុខរដ្ឋសភាចាស់១អាង ។

លោកម៉ែន សុខខេន បានបញ្ជាក់ផងដែរថា ជាទូទៅការងារស្តារអាងស្តុកទាំង៥នេះ ប្រើ រយៈពេលពី៤ទៅ៦សប្ដាហ៍ ពោលគឺអាស្រ័យទៅតាមបរិមាណភក់ដែលមាននៅក្នុងអាង។ លោកបន្តទៀតថា ការិយាល័យលូទឹក បានចាប់ផ្ដើមស្តារ អាងទាំង៥នេះ កាលពីថ្ងៃ ១០កុម្ភៈ២០២២ ហើយបើគិត មកដល់ថ្ងៃ១៦ មីនា២០២២នេះ សម្រេចបាន៨០% ហើយនិងគ្រោងស្តារបញ្ចប់នៅសប្តាហ៍ក្រោយ៕

ដោយ ៖ ស្រីរ័ត្ន