Connect with us

ព័ត៌មានជាតិ

រកឃើញ​អ្នក​ឆ្លង៣នាក់​ ថែមទៀត ម្នាក់​ឆ្លង​ក្នុង​សហគមន៍រស់នៅ​​សង្កាត់និរោធ

បានផុស

នៅ

មាន​ការ​ឆ្លង​ថែម ០៣ នាក់​ទៀត ប្រកាស​ដោយ​ក្រសួង​សុខាភិបាលនៅ​ព្រឹកនេះ។ ពីរនាក់​ជា​ករណី​នាំ​ចូល និង​ម្នាក់​ជា​ការ​ឆ្លងក្នុង​សហគមន៍​ពាក់ព័ន្ធ​ព្រឹត្តិការណ៍ ២៨ វិច្ឆិកា។

ស្រ្តី​ជនជាតិ​ខ្មែរ​អាមេរិក អាយុ ៦៦ ឆ្នាំ​បាន​ធ្វើ​ដំណើរ​ដោយ​បន្ត​ហោះហើរ​តាម​ប្រទេស​កូរ៉េ​ខាងត្បូង​មក​ដល់ប្រទេស​កម្ពុជា​នៅ​ថ្ងៃ ១៣ ធ្នូ ២០២០។ លទ្ធផល​មាន​វិជ្ជមាន​កូវីដ ១៩ និង​កំំពុង​សម្រាកព្យាបាល​នៅមណ្ឌល​សុខភាព​ចាក់អង្រែ។

ស្រ្តី​ជនជាតិជប៉ុន​អាយុ ៣៤ ឆ្នាំ បន្ត​ជើង​ហោះហើរ​តាមប្រទេស​កូរ៉េ​ខាងត្បូង​បានមក​ដល់​ប្រទេស​កម្ពុជា​នៅ​ថ្ងៃ ១៣ ធ្នូ បាន​តេស្តវិជ្ជមានកូវីដ ១៩ និងកំពុង​សម្រាកព្យាបាល​នៅ​មន្ទីរពេទ្យ​មិត្តភាព​ខ្មែរ​សូវៀត។

កុមារាអាយុ ០១ ឆ្នាំ ជា​ករណី​ឆ្លង​ក្នុង​សហគមន៍​ជាប់ពាក់ព័ន្ធព្រឹត្តិការណ៍ ២៨ វិច្ឆិកា។ ជនរងគ្រោះ​ជា​កូន​ប្រុស​របស់​ស្រ្តី​អាយុ ៣០ ឆ្នាំ​ដែល​តេស្តមាន​វិជ្ជមានកូវីដ ១៩ នៅថ្ងៃ ២៩ វិច្ឆិកា។ កុមារ​ារងគ្រោះ​នេះ​តេស្ត​លើកទី ៣ ទើប​រកឃើញ​មេរោគ និងកំពុង​សម្រាកព្យាបាល​នៅមន្ទីរពេទ្យ​មិត្តភាព​ខ្មែរ​សូវៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម