Connect with us

ព័ត៌មានជាតិ

លោក ស៊ុន ចាន់ថុល៖ ឃ្លាំងស្តុកទំនិញត្រជាក់នៅខេត្តកណ្តាល នឹងជួយគាំទ្រដល់វិស័យនាំចេញនាំចូលកម្ពុជាបន្ថែមទៀត

បានផុស

នៅ

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ថា ឃ្លាំងស្តុកទុកទំនិញត្រជាក់នៅចំណតផែកុងតឺន័រ LM17 ខេត្តកណ្ដាល នឹងជួយគាំទ្រដល់វិស័យនាំចេញ និងនាំចូល​ដែលកំពុងកើនឡើងរបស់ប្រទេសកម្ពុជា​បន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីបញ្ចុះបឋមសិលាសាងសង់ឃ្លាំងស្តុកទុកទំនិញត្រជាក់ នៅចំណតផែកុងតឺន័រ LM17 ស្ថិតនៅភូមិកណ្ដាលលើ ឃុំបន្ទាយដែក ស្រុកកៀនស្វាយ ខេត្តកណ្ដាល នៅថ្ងៃទី២២ ខែមីនានេះ លោកទេសរដ្ឋមន្ត្រីបានបន្តថា ការជួយគាំទ្រដល់វិស័យនាំចេញ និងនាំចូលដែល​កំពុងកើនឡើងរបស់ប្រទេសកម្ពុជានេះ គឺតាមរយៈសេវាស្ថានីយផ្ទេរទំនិញ និងឃ្លាំងស្តុកទំនិញត្រជាក់ ស្តង់ដារអន្តរជាតិដែលមានទីតាំង​ស្ថិត​នៅជិតកំពង់ផែភ្នំពេញ និងផ្តល់នូវសេវាតម្លៃបន្ថែមក្នុងគោលដៅជួយដល់សហគ្រាសខ្នាតតូច និងមធ្យម​ដើម្បីចូលទៅក្នុងទីផ្សារ​ពាណិជ្ជកម្ម។

លោកទេសរដ្ឋមន្ត្រីបានបន្ថែមថា ឃ្លាំងស្តុកទឹកទំនិញត្រជាក់នេះ នឹងផ្ដល់ទីតាំងទំហំជាង៣ម៉ឺន៦ពាន់ម៉ែត្រគូបបន្ថែមទៀត ដែលបំពេញ​កង្វះខាតបច្ចុប្បន្ន បានចំនួនជាង២៥ភាគរយ ដើម្បីឲ្យស្របតាមកំណើននៃតម្រូវការទីផ្សារ ដែលបម្រើដល់កសិករកម្ពុជា និងកសិករក្នុង​តំបន់ ក្រុមហ៊ុនកសិពាណិជ្ជកម្ម ក្រុមហ៊ុនកែច្នៃអាហារ ក្រុមហ៊ុនឱសថ ក្រុមហ៊ុនលក់រាយ ក៏ដូចជាក្រុមហ៊ុនសណ្ឋាគារ និងភោជនីយដ្ឋាន​ផងដែរ។

លោក ហ៊ឺ បាវី ប្រតិភូរាជរដ្ឋាភិបាលទទួលបន្ទុកជាប្រធានអគ្គនាយកកំពង់ផែស្វយ័តភ្នំពេញ បានមានប្រសាសន៍ថា ការសាងសង់​ឃ្លាំង​ស្តុកទំនិញ​ត្រជាក់នេះ​ គឺកំពង់ផែស្វយ័តភ្នំពេញសហការជាមួយក្រុមហ៊ុន ខ្មែរ ខូល ឆេន ឯ.ក ព្រោះថាគម្រោង​នេះ​នឹងផ្ដល់អត្ថប្រយោជន៍​ដល់កំពង់ផែស្វយ័តភ្នំពេញ ជាពិសេសដល់កំណើនសេដ្ឋកិច្ចកម្ពុជា តាមរយៈការចូលរួមចំណែកលើកកម្ពស់ខ្សែសង្វាក់ នៃវិស័យ​ភស្តុភារកម្មក្នុងប្រទេសកម្ពុជា។

ជាមួយគ្នានេះលោកបានបន្តថា​ វានឹងជួយជំរុញកំណើននៃចរាចរណ៍ទំនិញឆ្លងកាត់ក៏មានសន្ទុះផងដែរ តាមរយៈការផ្ដល់សេវាកម្មរក្សា​ទុកទំនិញត្រជាក់ទាំងសម្ភារៈនាំចេញនិងនាំចូល ដែលមានដូចជាត្រី សាច់ កសិផល ឱសថ គ្រឿងសម្អាង និងទំនិញជាច្រើនប្រភេទ​ទៀត។ លោកបានបន្តទៀតថា ទន្ទឹមនេះគម្រោងខាងលើ ក៏នឹងជួយបង្កើតការងារធ្វើបន្ថែម និងលើកស្ទួយកម្រិតជីវភាពរស់នៅ របស់ប្រជាពលរដ្ឋ​នៅក្នុងតំបន់នេះផងដែរ។

លោក ហ៊ឺ បាវី សង្ឃឹមជឿជាក់ថា គម្រោងវិនិយោគនេះ នឹងផ្ដល់អត្ថប្រយោជន៍ជាច្រើនទៀតដល់វិនិយោគិន ពាណិជ្ជករ អាជីវករ ធុរជន និងសាធារណជនទូទៅ ដែលមានបំណងមកប្រើប្រាស់សេវាកម្ម របស់ក្រុមហ៊ុនដើម្បីសម្រួលដល់ដំណើរការនាំចេញនាំចូលទំនិញ រវាងកម្ពុជានិងសកលលោក។

គួរបញ្ជាក់ថា យោងតាមការសិក្សា អំពីតម្រូវការរបស់ទីផ្សារ,កម្ពុជាចាំបាច់ពង្រីកទីតាំងផ្ទេរ និងស្តុកឱ្យបានទំហំ១៤ម៉ឺនម៉ែត្រគូបបន្ថែមទៀតដើម្បីបំពេញតាមតម្រូវការ ខ្សែសង្វាក់ផ្គត់ផ្គង់របស់ខ្លួន នៅត្រឹមឆ្នាំ២០៣០៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៧ នាទី មុន

រុស្ស៊ី បញ្ជាឲ្យយោធាបង្កើនប្រតិបត្តិការខ្លាំងឡើងៗនៅ អ៊ុយក្រែន

ព័ត៌មានជាតិ២៣ នាទី មុន

សន្និបាតគណបក្សប្រជាជន៖ ជោគជ័យនៃការបោះឆ្នោតឃុំសង្កាត់ ឆ្លុះបញ្ចាំងពីភាពចាស់ទុំនៃដំណើរការប្រជាធិបតេយ្យនៅកម្ពុជា

ព័ត៌មានជាតិ២៦ នាទី មុន

ក្រៅ​ពី​សាលា​វត្ត​បូព៌ល្បី​ដល់​ក្រៅ​ប្រទេស ​ដឹង​នៅ​ក្រុង​សៀមរាប​ មាន​វិទ្យាល័យ​ប៉ុន្មាន​កន្លែង?

ព័ត៌មានជាតិ៤៤ នាទី មុន

រដ្ឋមន្រី្ដការងារ ៖ និយោជកទាំងអស់ ត្រូវត្រៀមខ្លួនបង់ភាគទាន ២ភាគរយ សម្រាប់ការអនុវត្តរបបផ្នែកប្រាក់សោធន

ព័ត៌មានអន្ដរជាតិ៥៣ នាទី មុន

បាញ់ប្រហារថ្មីទៀតនៅអាមេរិក ស្លាប់ ៤នាក់ របួស ៣នាក់

Sokha Hotels

ព័ត៌មានពេញនិយម