ពលរដ្ឋ ប្រទះឃើញគ្រាប់មីន អណ្តែតឡើងមកលើដីក្បែផ្ទះ

នៅខេត្តបាត់ដំបង មានគ្រាប់មីន១គ្រាប់ដែលនៅមានគុណភាព ត្រូវបានប្រជាពលរដ្ឋប្រទះឃើញអណ្តែតឡើងមកលើដីក្បែផ្ទះ បន្ទាប់ពីមានភ្លៀងធ្លាក់មួយមេរួចមក ដែលបង្កឲ្យមានការភិតភ័យឥតឧបមា។

ហេតុការណ៍នេះបានកើតឡើង នាថ្ងៃទី ២៦ ខែមីនា ឆ្នាំ២០២២ វេលាម៉ោង ៧ និង ១៥ នាទី ព្រឹកដោយមានប្រជាពលរដ្ឋ ឈ្មោះ ហែម សេរី ភេទស្រី មានទីលំនៅបច្ចុប្បន្ន ផ្ទះលេខ៣៩៩ ក្រុម៨ ភូមិប្រគាប ឃុំរូងជ្រៃ ស្រុកថ្មគោល ខេត្តបាត់ដំបង បានប្រទះឃើញគ្រាប់មីនមួយគ្រាប់បានផុសមកលើដីក្រោយពេលភ្លៀងធ្លាក់ ដែលគ្រាប់នៅស្ថិតនៅក្បែនិងផ្ទះរបស់គាត់តែម្តង។

ក្រោយពេលរាយការណ៍ដើម្បីឲ្យសមត្ថកិច្ចចុះមកពិនិត្យរួចមក ទើបបានដឹងថា គ្រាប់មីននេះម៉ាកMBV78A1 ផលិតនៅប្រទេសរុស្ស៊ី(សម័យសហភាពសូវៀត) ហើយមិនទាន់ផ្ទុះនៅឡើយ បច្ចុប្បន្ន ប៉ុស្តិ៍បានហ៊ុមព័ទ្ធជាសញ្ញាគ្រោះថ្នាក់ ដើម្បីឲ្យកងឯកភាពកំចាត់មីន យកទៅកម្ទេចចោល  ព្រមទាំងបានអំពាវនាវដល់ប្រជាពលរដ្ឋទាំងអស់ ត្រូវរាយការណ៍ជាបន្ទាន់នៅពេលឃើញវត្ថុអ្វីម្យ៉ាងដែលមានការសង្ស័យ ៕

ដោយ ៖ សោ និយមរ័ត្ន