ព័ត៌មានជាតិ
ភ្ញៀវទេសចរជាង ៤៦ម៉ឺននាក់ ទៅលេងខេត្តបន្ទាយមានជ័យនៅក្នុងពិធីបុណ្យចូលឆ្នាំថ្មីប្រពៃណីជាតិ
ភ្ញៀវទេសចរជាង ៤៦ ម៉ឺននាក់ បានដើរលេងកម្សាន្តតាមគោលដៅទេសចរណ៍នៅទូទាំងខេត្តបន្ទាយមានជ័យ ជាពិសេស នៅតំបន់ត្រជាក់ចិត្តនៃសួនមានជ័យ ទីរួមខេត្ត មានយុវវ័យលេងកម្សាន្តច្រើនជាងគេក្នុងឱកាសបុណ្យចូលឆ្នាំថ្មីប្រពៃណីជាតិខ្មែររយៈពេល៣ថ្ងៃកន្លងទៅនេះ។
របាយការណ៍របស់មន្ទីរទេសចរណ៍ខេត្តបន្ទាយមានជ័យ បានបង្ហាញឲ្យដឹងថា ក្នុងរយៈពេល៣ថ្ងៃនេះ ភ្ញៀវទេសចរ បានទៅលេងកម្សាន្តរមណីយដ្ឋានប្រាសាទបន្ទាយឆ្មា តំបន់កម្សាន្តនៅទីរួមខេត្តបន្ទាយមានជ័យ តំបន់ត្រជាក់ចិត្តនៃសួនមានជ័យ ទីក្រុងប៉ោយប៉ែត គឺមានសរុបចំនួន ៤៦៣ ២៧២ នាក់ ក្នុងនោះមានភ្ញៀវទេសចរជាតិ មានចំនួន ៤៦២ ៩៤៤នាក់ និងភ្ញៀវទេសចរបរទេសមានចំនួន ៣២៩នាក់។
ពាក់ព័ន្ធនឹងការលេងកម្សាន្តវិញ គឺគេសង្កេតឃើញភាគច្រើន មានយុវជន យុវនារីក្មេងៗបានធ្វើដំណើរពីស្រុកផ្សេងៗ មកកម្សាន្តលេងនៅសួនមានជ័យ ស្ថិតក្នុងភូមិ៣ សង្កាត់ព្រះពន្លា ក្រុងសិរីសោភ័ណ មានលេងចាក់ទឹក ប៉ាតម្សៅ និងរាំលេងយ៉ាងគគ្រឹកគគ្រេងដល់យប់ជ្រៅ។ ចំណែក នៅតាមដងផ្លូវជាតិវិញ មានការកកស្ទះចរាចរណ៍ ជាពិសេស នៅទីរួមខេត្ត និងក្រុងប៉ោយប៉ែត ដោយសារមានការលេងចាក់ទឹក និងប៉ាតម្សៅយ៉ាងសប្បាយដោយពុំមានការប្រកាន់អ្វីឡើយ។
ចំពោះតាមមូលដ្ឋានសហគមន៍ និងនៅតាមបណ្ដាវត្តអារាមនានា ក៏មានការរៀបចំល្បែងប្រជាប្រិយ និងល្បែងកម្សាន្តផ្សេងៗជាច្រើនផងដែរ ដើម្បីឲ្យពលរដ្ឋ និងភ្ញៀវទេសចរមកលេងកម្សាន្តប្រកបដោយសន្តិសុខល្អប្រសើរតាមរយៈការប្រចាំការយាមកាមតាមគោលដៅ និងជួយសម្រួលចរាចរពីសំណាក់សមត្ថកិច្ចនគរបាល កងរាជអាវុធហត្ថ និងយោធា។
និយាយជារួម នៅក្នុងឱកាសបុណ្យចូលឆ្នាំថ្មីប្រពៃណីជាតិរយៈពេល ៣ថ្ងៃបន្ទាប់ពីការខកខានរយៈពេល២ឆ្នាំមកនេះ គឺខេត្តបន្ទាយមានជ័យ មានការលេងល្បែងប្រជាប្រិយ ក៏ដូចជា ការលេងទឹកប៉ាតម្សៅ មានភាពល្អប្រសើរខុសពីបណ្ដាឆ្នាំមុនស្ទើរតែទាំងស្រុង៕
ដោយ៖ ពៅ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ