សម្ដេចតេជោ ហ៊ុន សែន​៖ ​ការគ្រប់គ្រងសំរាម​ ក្នុង​ពេល​បុណ្យ​ចូលឆ្នាំ​មាន​ភាព​ល្អប្រសើរ​ជាង​ឆ្នាំ​មុនៗ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថា បញ្ហាសំរាមក្នុងពេលបុណ្យចូលឆ្នាំខ្មែរ សង្កេតឃើញ ខុសប្លែកពីឆ្នាំមុនៗ មិនថាទីក្រុងភ្នំពេញ គ្រប់ទីកន្លែងទាំងអស់ មានការគ្រប់គ្រងល្អ។

​សម្ដេចតេជោ ហ៊ុន សែនមានប្រសាសន៍ថា​ “ការបោះចោលសំរាម ទី១ ប្រជាជនមានការភ្ញាក់រឭក ដែលគាត់​មាន​ការអៀនខ្លួនដែរ កាលពីមុន ធុងនៅជិតគាត់ អត់មានបើកធុងដាក់ទៅបោះក្រៅធុង តែឥឡូវនេះប្រជាពល​រដ្ឋរបស់យើង​ចាស់ទុំ​ជាងមុន យល់ដឹងជាងមុន ដែលគាត់ចូលរួម អនាម័យ អំពីបញ្ហាសំរាម ការបោះចោលសំរាមនេះ“។

សម្ដេចតេជោ ហ៊ុន សែន ក៏ថ្លែងបញ្ជាក់ពីមូលហេតុ នៃការគ្រប់គ្រងសំរាមបានល្អនេះដែរថា អាជ្ញាធរគ្រប់ទីកន្លែងទាំងអស់ យកបញ្ហាអនាម័យនេះ ជាគោលដៅមួយ ក្នុងចំណោមគោលដៅ ដែលខ្លួនត្រូវធ្វើ ជាថ្នាក់ខេត្ត ក្រុង ភូមិ យកបញ្ហានិង។ ក្រៅពីនេះ គឺក្រុមហ៊ុនប្រមូលសំរាម បានបង្កើនការយកចិត្តទុកដាក់ លើការប្រមូលសំរាមក្នុងពេលបុណ្យទាន៕