ព័ត៌មានជាតិ
មានស្ពានអាកាសថ្មើរជើង តែពលរដ្ឋនៅម្តុំផ្សារដើមគមួយចំនួននៅបន្តឆ្លងផ្លូវយានយន្ត
ទោះបីស្ពានអាកាសថ្មើរជើងផ្សារដើមគ ដែលរដ្ឋាភិបាលចំណាយថវិការាប់សិបលានស្ថាបនាដើម្បីសម្រួលការធ្វើដំណើរឆ្លងកាត់ ប៉ុន្តែពលរដ្ឋមួយចំនួននៅជុំវិញតំបន់នោះនៅបន្តដើរឆ្លងផ្លូវមិនប្រើប្រាស់ស្ពានថ្មើរជើង ដោយមិនបារម្ភពីគ្រោះថ្នាក់។
លោក អ៊ឹង ទី អាយុ៥៩ ឆ្នាំ មុខរបរជាអ្នកលក់ និងជួសជុលនាឡិកា នៅក្បែរស្ពានអាកាសថ្មើរជើងផ្សារដើមគរ បានសង្កេតឃើញថា ចាប់តាំងពីបើកដំណើរការឱ្យប្រើប្រាស់ស្ពាននេះមក ហាក់ដូចជាមិនសូវមានអ្នកប្រើប្រាស់ឡើយ។
បើតាមបុរសរូបនេះ អាចមកពីពលរដ្ឋខ្ជិលចង់ចំណាយពេលយូរ ណាមួយគិតថាផ្លូវក៏មិនសូវមានចរាចរណ៍ខ្លាំងហើយឆ្លងតាមផ្លូវធម្មតាលឿនជាង។
យ៉ាងណាបុរសដដែលបន្តថា ក៏មានពលរដ្ឋមួយចំនួនដែលប្រើប្រាស់ស្ពានថ្មើរជើងនេះ ជាពិសេសក្មេងៗដែលមានអាយុក្រោម ៤០ ឆ្នាំចុះ។
លោក សុខ ជា អាយុ ៤២ឆ្នាំ ដែលមានស្រុកកំណើតមកពីខេត្តកំពត ហើយជាសន្តិសុខនៅផ្សារដើមគបានប្រាប់ <<កម្ពុជាថ្មី>> ថា ជាធម្មតាអ្នកឆ្លងកាត់ដែលប្រើប្រាស់ផ្លូវអាកាសថ្មើរជើងនេះ មានប្រហែលជិត៥០ភាគរយនៃអ្នកធ្វើដំណើរឆ្លងផ្លូវដោយថ្មើរជើង។ ប្រហែលជិត១ម៉ោងមានអ្នកឆ្លងម្ដងនឹងមានចន្លោះពី៣ទៅ៦នាក់ មានថ្ងៃខ្លះបើផ្លូវមានការកកស្ទះចរាចរណ៍ អ្នកឆ្លងកាត់ស្ពានអាកាសថ្មើរជើងមានច្រើន។
លោកបានសង្កត់ធ្ងន់ថា អ្នកឆ្លងភាគច្រើនជាអ្នកមានវ័យក្មេងមានកម្លាំងមាំមួន ហើយមនុស្សចាស់ដោយសារតែគាត់មានបញ្ហាសន្លាក់ ឬមិនសូវមានកម្លាំងពិបាកក្នុងការឆ្លងតាមស្ពាន ដូច្នេះគាត់ច្រើនតែឆ្លងតាមផ្លូវក្រោមធម្មតា។
ស្ពានអាកាសថ្មើរជើងផ្សារដើមគនៅលើមហាវិថីម៉ៅសេទុង បានដាក់ឲ្យប្រើប្រាស់អំឡុងខែកក្កដា ឆ្នាំ២០២០។ ស្ពានថ្មើរជើងនេះមានបណ្ដោយ ២៨ ម៉ែត្រ ទទឹង ៣,៤ម៉ែត្រ ទទឹងផ្លូវដើរផ្នែកខាងក្នុង ២,៨ម៉ែត្រ កម្ពស់ ៥.៥ម៉ែត្រ។
រដ្ឋបាលសាលារាជធានីភ្នំពេញបញ្ជាក់ថា ការស្ថាបនាស្ពានអាកាសថ្មើរជើងធ្វើឡើង ដើម្បីជួយសម្រួលដល់ប្រជាពលរដ្ឋក្នុងការឆ្លងកាត់ផ្លូវប្រកបដោយសុវត្ថិភាព និងមិនមានការប្រឈមគ្រោះថ្នាក់ណាមួយកើតឡើង។
មកដល់ពេលនេះ រាជធានីភ្នំពេញមានស្ពានអាកាសថ្មើរជើងចំនួន ៥ កន្លែង ដែល ៤ កន្លែងបានដាក់ឲ្យដំណើរការគឺនៅតំបន់ផ្សារដើមគរ ០១ កន្លែង នៅជម្ពូវ័ន្តចំនួន២កន្លែង នៅចំណុចភ្លើងស្តុបនាងគង្ហីងចំនួន១កន្លែង និងនៅស្តុបសន្ធរម៉ុកដែលបានបញ្ចប់ការសាងសង់ គ្រោងសម្ពោធដាក់ឲ្យប្រើប្រាស់ក្នុងពេលឆាប់ៗនេះ៕
អត្ថបទ៖ វាសនា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល