ព័ត៌មានជាតិ
ប្រមុខរាជរដ្ឋាភិបាល ៖ បើសិនកុំមានសង្រ្គាមឆ្នាំ ១៩៧០ វិស័យកីឡាកម្ពុជារីកចម្រើនជាងនេះឆ្ងាយណាស់
នៅក្នុងពិធីជួបសំណេះសំណាល និងផ្តល់អនុសាសន៍មួយចំនួនដល់កីឡាករ-កីឡាការិនី និងអត្តពលិក មុនពេលចាកចេញទៅប្រកួតកីឡាស៊ីហ្គេម (SEA Game) លើកទី ៣១ នៅប្រទេសវៀតណាម នាព្រឹកថ្ងៃទី ២៨ ខែមេសានេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអះអាងថា បើកុំមានសង្រ្គាមឆ្នាំ ១៩៧០ កីឡាកម្ពុជារីកចម្រើនជាងនេះឆ្ងាយណាស់ ដោយសារព្រះករុណា ព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋ ព្រះអង្គយកចិត្តទុកដាក់ខ្លាំង លើវិស័យកីឡានេះ។
សម្ដេចតេជោនាយករដ្ឋមន្ត្រី មានប្រសាសន៍ថា «ខ្ញុំនិយាយដដែល បើសិនកុំមានសង្គ្រាម កីឡារបស់កម្ពុជាអាចលឿនទៅពីនេះឆ្ងាយ ពីព្រោះពេលនោះ ព្រះករុណា ព្រះបិតា ព្រះអង្គយកព្រះទ័យទុកដាក់ខ្លាំងណាស់។ ខ្ញុំឃើញរូបភាពព្រះអង្គ បានបំពាក់មេដៃផ្ទាល់តែម្ដង ទោះបីប្រាក់ក៏ដោយ សំរិទ្ធក៏ដោយ ព្រះអង្គបំពាក់មេដាយផ្ទាល់តែម្ដង ព្រះអង្គយកព្រះទ័យទុកដាក់ទៅលើវិស័យកីឡានេះ។ អប់រំជាតិ និងវិស័យកីឡានេះ គឺថាព្រះអង្គយកព្រះទ័យទុកដាក់ខ្លាំងណាស់។ ហេតុដូច្នេះទើបរៀបចំហ្គាដេហ្វូ រៀបចំស្តាតអូឡាំពិក ទុកជាកេរមរតកឲ្យយើងដោយសព្វថ្ងៃ»។
សម្ដេចតេជោ បានបន្ថែមថា ក្នុងនោះ ពហុកីឡាដ្ឋាននៅតាមបណ្ដាខេត្តនានា ក៏មានគ្រប់កន្លែងទាំងអស់ បានបន្សល់ទុកឲ្យយើងបានប្រើប្រាស់ រហូតដល់សព្វថ្ងៃ មានកន្លែងទាត់បាល់ មានកន្លែងហែលទឹក ដែលព្រះអង្គបានធ្វើសម្រាប់កូនចៅជំនាន់ក្រោយ ហើយយើងធ្វើនៅពេលនេះ ក៏សម្រាប់កូនចៅរបស់យើងទៅថ្ងៃក្រោយផងដែរ។
បើតាមសម្ដេចតេជោ ហ៊ុន សែន ប្រទេសយើងកាលនោះ គឺជាប្រទេសមួយដែលរីកចំរើនផ្នែកកីឡាក្នុងចំណោមប្រទេសនៅក្នុងតំបន់ផងដែរ។ ប៉ុន្តែដោយសារសង្គ្រាមឆ្នាំ ១៩៧០ ត្រូវខ្ទេចខ្ទីទាំងអស់ សូម្បីតែទីក្រុងភ្នំពេញ ក៏គ្មានមនុស្សនៅដែរ៕
អត្ថបទ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង