Connect with us

ព័ត៌មានជាតិ

​​“ផ្ទះបាយអង្គរ” ជាផ្នែកមួយ​​​នៃការទូត​សេដ្ឋកិច្ច ​​​បើក​សម្ពោធ​​ ដោយសារ ជោគជ័យ ៣ យ៉ាង

បានផុស

នៅ

​លោក​ឧបនាយករដ្ឋមន្ត្រី ប្រាក់ សុខុន ​រដ្ឋមន្ត្រីការបរទេស និងសហប្រតិបត្តិការអន្ដរជាតិកម្ពុជា និងលោក​ស្រី ខេង សំវ៉ាដា ប្រធានកិត្តិយស នៃសមាគមនារីអាស៊ានកម្ពុជា នៅថ្ងៃទី០៣ ខែឧសភា ឆ្នាំ​២០២២ ​​បាន​​អញ្ជើញ​​ចូល​រួម​ជា​អធិបតីក្នុងពិធីសម្ពោធ “ផ្ទះបាយអង្គរ” ដោយមានការចូលរួមពីថ្នាក់ដឹកនាំក្រសួង ​ឯកអគ្គរដ្ឋទូត ឯកអគ្គ​រាជទូត នៃបណ្តាប្រទេស​អាស៊ាន និងតំណាងប្រទេស​ដៃគូអាស៊ានចូលរួមផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“ផ្ទះបាយអង្គរ” នេះត្រូវបានរៀបចំឡើង​ក្រោមហេតុផលចំបងចំនួន៣ គឺ៖

ទី១ សៀវភៅមុខម្ហូប “រសជាតិអង្គរ-The Taste of Angkor” របស់ក្រសួងការបរទេស បានទទួលជ័យលាភីជា “សៀវភៅមុខម្ហូបអាស៊ីដែលល្អផ្តាច់គេ-The Best Asian Cookbook” នៅក្នុងការប្រកួត Gourmand World Cookbook Awards ប្រចាំឆ្នាំ២០២១ នៅទីក្រុងបារីស ដោយសារសៀវភៅនេះមានរូបមន្តធ្វើម្ហូប និងបង្អែមខ្មែរចំនួន ៣៨ មុខ ដែលលម្អិត និងងាយស្រួលធ្វើតាម។ អាស្រ័យហេតុនេះ ក្រសួងនឹងប្រើប្រាស់សៀវភៅនេះជាឧបករណ៍គន្លឹះដើម្បីលើកស្ទួយ និងផ្សព្វផ្សាយវិស័យការទូតអាហារកម្ពុជា តាមរយៈមិត្តភក្តិបរទេសនៅទូទាំងពិភពលោក ជាឧទាហរណ៍មិត្តភក្តិអាស៊ានរបស់យើងនៅក្នុងថ្ងៃនេះ។

ទី២ ក្រសួងការបរទេសតាមរយៈវិទ្យាស្ថានជាតិការទូត និងទំនាក់ទំនងអន្តរជាតិ គ្រោងនឹងរៀបចំកម្មវិធីបណ្តុះបណ្តាលស្តីពី “ការទូតអាហារ” ដល់មន្រ្តីការទូតកម្ពុជា ជាពិសេសភរិយាឯកអគ្គរាជទូត ដើម្បីពង្រឹងសមត្ថភាពពួកគាត់ឱ្យស្វែងយល់ពីមូលដ្ឋានគ្រឹះនៃរូបមន្ត និងវិធីចម្អិនម្ហូបខ្មែរ។ បន្ទាប់មក ពួកគាត់នឹងប្រើប្រាស់ចំណេះដឹង ដែល​ទទួលបានពីវគ្គបណ្តុះបណ្តាលនេះដើម្បីពន្យល់ពីប្រវត្តិម្ហូបខ្មែររាប់ពាន់ឆ្នាំ និងលើកស្ទួយអត្តសញ្ញាណជាតិខ្មែរដល់មិត្តភក្តិបរទេស។

ទី៣ បន្ទាប់ពីម្ហូបខ្មែរត្រូវបានទទួលស្គាល់ និងមានភាពល្បីល្បាញហើយ យើងទាំងអស់គ្នាជឿជាក់ថានឹងមានឱកាសវិនិយោគលើវិស័យផ្សេងៗដូចជា ឧស្សាហកម្មទេសចរណ៍ ឧស្សាហកម្មអាកាសចរណ៍ ផលិតផលកសិកម្ម និងការពង្រីកចំនួនភោជនីយដ្ឋាន និងសណ្ឋាគារជាដើម។ ជាលទ្ធផល វានឹងរួមចំណែកក្នុងកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការប្រែក្លាយកម្ពុជាទៅជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានប្រាក់ចំណូលកម្រិតខ្ពស់នៅឆ្នាំ២០៥០។

គួរបញ្ជាក់ថា ការបង្កើត “ផ្ទះបាយអង្គរ” នេះគឺជាការកែទម្រង់ផ្ទៃក្នុង ដែលផ្តួចផ្តើមឡើងដោយ​លោកឧបនាយករដ្ឋមន្រ្តី ប្រាក់ សុខុន និងជាផ្នែកមួយ​នៃការទូតអាហារ ដែល​មានចែងនៅក្នុងយុទ្ធសាស្រ្តការទូតសេដ្ឋកិច្ច​២០២១-២០២៣ របស់ក្រសួង ព្រមទាំង​ទទួល​បានការ​គាំទ្រទាំងស្រុង​ពីសម្តេចអគ្គមហា​សេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម២៤ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម