ព័ត៌មានជាតិ
តើលោក កឹម សុខា បានពិភាក្សារឿងអ្វីខ្លះជាមួយសម្តេចតេជោ ហ៊ុន សែន រយៈពេលប្រមាណ ៤ ម៉ោង កាលពីម្សិលមិញ?
កាលពីថ្ងៃទី ៨ ខែឧសភាម្សិលមិញ លោក កឹម សុខា អតីតប្រធាន នៃអតីតគណបក្សប្រឆាំងសង្រ្គោះជាតិ បានដឹកនាំគណៈប្រតិភូចូលរួមគោរពវិញ្ញាណក្ខន្ធ សពសម្ដេចឧត្ដមទេពញាណ ហ៊ុន ណេង ដែលជាបងប្រុសរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្រុងកំពង់ចាម ខេត្តកំពង់ចាម ហើយនៅក្នុងឱកាសនោះលោក កឹម សុខា និងប្រតិភូត្រូវបានអនុញ្ញាតឲ្យចូលជួបសម្ដែងការគួរសម និងរំលែកទុក្ខជាមួយសម្តេចតេជោ ផងដែរ។ នេះបើតាមការឲ្យដឹងពីលោក មុត ចន្ថា នាយកខុទ្ទកាល័យលោក កឹម សុខា នៅព្រឹកថ្ងៃទី ៩ ខែឧសភានេះ ហើយលោកថា ក្នុងជំនួបនេះ មានបញ្ហាមួយចំនួនត្រូវបានលើកយកមកពិភាក្សា។
លោក មុត ចន្ថា បានថ្លែងថា ក្នុងនាមខ្មែរតែមួយ និងស្របតាមប្រពៃណីខ្មែរ ក្នុងនាមជាពុទ្ធសាសនិកជន និងជាអ្នកដឹកនាំនយោបាយ ដែលប្រកាន់យ៉ាងខ្ជាប់ខ្ជួននូវសីលធម៌ និងគុណធម៌ លោក កឹម សុខា បានដឹកនាំប្រតិភូអញ្ជើញទៅគោរពវិញ្ញាណក្ខន្ធ សពសម្តេចឧត្តមទេពញាណ ហ៊ុន ណេង កាលពីថ្ងៃអាទិត្យ ទី ៨ ខែឧសភា នៅខេត្តកំពង់ចាម។
លោកថា «យើងមានការសោកស្តាយជាទីបំផុត ចំពោះមរណភាពរបស់សម្តេចឧត្តមទេពញាណ ហ៊ុន ណេង ដែលសម្តេច គឺជាធនធានមួយរូបដែលបានធ្វើវិភាគទានមានតម្លៃ និងបានចូលរួមបម្រើ និងការពារជាតិមាតុភូមិកម្ពុជា រហូតជីវិតចុងក្រោយរបស់សម្តេច»។
បើតាមលោក មុត ចន្ថា នៅក្នុងឱកាសនោះលោក កឹម សុខា បានឧទ្ទិសបួងសួងដល់ដួងវិញ្ញាណក្ខន្ធសពសម្តេចឧត្តមទេពញាណ ហ៊ុន ណេង បានបដិសន្ធិក្នុងសុគតិភព កុំបីឃ្លៀងឃ្លាតឡើយ។ ក្នុងឱកាសដ៏ក្រៀមក្រំនេះដែរលោក កឹម សុខា បានចូលសម្តែងការគួរសម និងបានចូលរួមមរណទុក្ខដោយក្តីសោកស្តាយដោយផ្ទាល់ ជាមួយសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។
ទោះជាយ៉ាងណា លោក មុត ចន្ថា បានអះអាងថា នៅក្នុងជំនួបនោះ សម្តេចតេជោ ហ៊ុន សែន និងលោក កឹម សុខា បានផ្លាស់ប្តូរយោបល់គ្នាយ៉ាងពិស្តារ អំពីបញ្ហាជាតិចម្បងៗ មានជាអាទិ៍៖ ការប្រយុទ្ធប្រឆាំងជំងឺរាតត្បាតកូវីដ-១៩ យុទ្ធនាការបង្ការ និងការចាក់វ៉ាក់សាំងបង្ការកូវីដ-១៩ ជូនប្រជាពលរដ្ឋខ្មែរ, ការស្តារសេដ្ឋកិច្ចនៅក្រោយបរិបទជំងឺរាតត្បាតកូវីដ-១៩, ការអភិវឌ្ឍសេដ្ឋកិច្ច និងសង្គម និងការកសាងហេដ្ឋរចនាសម្ព័ន្ធជាតិសំខាន់ៗ ព្រមទាំងស្ថានការណ៍ក្នុងតំបន់ និងពិភពលោកជាដើម។ លោកថា កិច្ចសន្ទនានេះបានចំណាយរយៈពេល ៤ ម៉ោង ប្រកបដោយការស្ថាបនា និងការយោគយល់គ្នា ដែលបានបញ្ចប់ដោយអាហារសម្រន់សាមគ្គី ក្នុងមនោសញ្ចេតសប្បាយរីករាយ៕
អត្ថបទ៖ កោះកែវ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ