ព័ត៌មានជាតិ
សមត្ថកិច្ចឃាត់ខ្លួនបុរស ២នាក់ ចូលភ្ជួរដីនៅតំបន់ ៣ ដែលជាតំបន់ហាមឃាត់
បុរស២នាក់បងប្អូនត្រូវបានសមត្ថកិច្ចកងរាជអាវុធហត្ថសហការជាមួយការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកំពង់ឆ្នាំង ឃាត់ខ្លួនកាលពីព្រឹកថ្ងៃទី ០៨ ខែឧសភា ឆ្នាំ២០២២ ខណៈដែលបុរសទាំងពីរនាក់យកគោយន្តកន្ត្រៃ ១គ្រឿងចូលភ្ជួរលើដីតំបន់៣ ដែជាតំបន់ហាមឃាត់។
លោកវរសេនីយ៍ឯក ហង្ស សុជាតិ មេបញ្ជាការរងនៃបញ្ជាការដ្ឋានកងរាជអាវុធហត្ថខេត្តកំពង់ឆ្នាំង បានបញ្ជាក់ឱ្យដឹង នៅព្រឹកថ្ងៃទី០៩ ខែឧសភា នេះថា កាលពីព្រឹកថ្ងៃទី៨ ខែឧសភា កម្លាំងអាវុធហត្ថខេត្ត មានរូបលោកផ្ទាល់ជាអ្នកដឹកនាំ និងកម្លាំងការិយាល័យប៉ូលីសសេដ្ឋកិច្ច នៃស្នងការដ្ឋាននគរបាលខេត្តកំពង់ ឆ្នាំង ដែលមានលោក ជិន សុផាត ប្រធានការិយាល័យ ដឹកនាំបានចុះ ទៅឃាត់ខ្លួនបុរសពីរនាក់និងគោ យន្តកន្ត្រៃ១គ្រឿង កំពុងធ្វើសកម្ម ភាពភ្ជួរដីក្នុងតំបន់៣ ដែលជាតំបន់ ហាមឃាត់ នៅចំណុចអូរដូនជ្រាប និងអូរកំពឹស ស្ថិតក្នុងភូមិប៉ប្រក ឃុំសំរោងសែន ស្រុកកំពង់លែង។
លោកមេបញ្ជាការរងកងរាជអាវុធ ហត្ថខេត្ត បានបញ្ជាក់ឲ្យដឹងទៀតថា ជនសង្ស័យទាំង២នាក់ដែលបានឃាត់ខ្លួនមាន ឈ្មោះ គួន ស្រេង អាយុ៣៧ឆ្នាំ និង២ ឈ្មោះគួន សុគុណ អាយុ៣០ឆ្នាំ អ្នកទាំង ២ជាបងប្អូននឹងគ្នារស់ នៅក្នុងភូមិប៉ប្រក ឃុំសំរោងសែន ស្រុកកំពង់ លែង ដោយបានយកគោយន្តកន្ត្រៃ ១គ្រឿង ចូលភ្ជួរដីក្នុងតំបន់៣អស់ចំនួនកន្លះហិចតា លើផ្ទៃដី៨ហិកតា ដែលពួកគេបានប្រគល់ជូនរដ្ឋវិញកាលពីពេលថ្មីៗកន្លងមកនេះ។
ក្នុងពេលឃាត់ខ្លួនបុរសទាំង២នាក់ខាងលើនេះកម្លាំងសមត្ថកិច្ចដកហូ តវត្ថុតាង គោយន្តកន្ត្រៃ១គ្រឿង។ ជនសង្ស័យ ទាំងពីរនាក់ត្រូវបានបញ្ជូនទៅស្នងការដ្ឋាននគរបាលខេត្តកំពង់ឆ្នាំង ដើម្បីកសាងសំណុំរឿងចាត់ការបន្ត ចំណែកវត្ថុតាងបានរក្សាទុកនៅប៉ុស្តិ៍ រដ្ឋបាលឃុំសំរោងសែន៕
អត្ថបទ៖ ឈៀងថារិទ្ធ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?