Connect with us

ព័ត៌មានជាតិ

កម្ពុជា ទទួលបានហិរញ្ញប្បទានពីដៃគូអភិវឌ្ឍ​ជាមធ្យម ២១៥លានដុល្លារ ក្នុងមួយឆ្នាំ

បានផុស

នៅ

​​ជាមធ្យមកម្ពុជា ទទួលបានហិរញ្ញប្បទានពីដៃគូអភិវឌ្ឍប្រមាណ ២១៥លានដុល្លារអាមេរិក ក្នុងមួយឆ្នាំ សម្រាប់គាំទ្រការអនុវត្តគោលនយោបាយអភិវឌ្ឍវិស័យឧស្សាហកម្មកម្ពុជា (IDP) ដោយក្នុងនោះវិធានការគន្លឹះបួនជាក់ស្តែង (ការបញ្ចុះតម្លៃអគ្គិសនី ការរៀបចំផែនការមេអភិវឌ្ឍប្រព័ន្ធដឹកជញ្ជូន និងភស្តុភារកម្ម ការពង្រឹងទីផ្សារពលកម្ម និងការរៀបចំផែនការមេអភវិឌ្ឍខេត្តព្រះសីហនុឱ្យក្លាយជា​តំបន់សេដ្ឋកិច្ចពិសេសគំរូពហុបំណង) ទទួលបានការគាំទ្រច្រើនជាងគេ ប្រមាណ ៩៣៨,៥លានដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រព័ន្ធទិន្នន័យស្តីពីហិរញ្ញប្បទានសហប្រតិបត្តិការកម្ពុជាបង្ហាញថា ក្នុងចន្លោះឆ្នាំ២០១៥-២០២០ ដៃគូអភិវឌ្ឍន៍បានផ្តល់ហិរញ្ញប្បទានប្រមាណ ១.២៨៧,២លានដុល្លារអាមេរិក។ នេះបើតាមការបង្ហាញរបស់ក្រុមប្រឹក្សាអភិវឌ្ឍន៍កម្ពុជា (ក.អ.ក.) ដែលបានរៀបចំសិក្ខាសាលាផ្សព្វផ្សាយ​របាយការណ៍វាយតម្លៃពាក់កណ្តាល​អាណត្តិនៃការអនុវត្តគោលនយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ២០១៥-២០២៥ (IDP MTR) តាមប្រព័ន្ធអនឡាញ ក្រោមអធិបតីភាពលោក ជិន ប៊ុនស៊ាន ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធាន ក.អ.ក. នៅថ្ងៃទី ១១ ខែ ឧសភា។

សិក្ខាសាលាផ្សព្វផ្សាយនេះត្រូវបានរៀបចំឡើងក្នុងគោលបំណងផ្សព្វផ្សាយ និងជម្រាបជូនដៃគូអភិវឌ្ឍន៍​និងវិស័យឯកជន អំពី ខ្លឹមសារសំខាន់ៗនៃរបាយការណ៍វាយតម្លៃពាក់កណ្តាលអាណត្តិនៃការអនុវត្តគោលនយោបាយ IDP ដែលត្រូវបានអនុម័តដោយរាជរដ្ឋាភិបាលក្នុងសម័យប្រជុំពេញអង្គគណៈរដ្ឋមន្ត្រី នាថ្ងៃទី១៦ ខែធ្នូ ឆ្នាំ២០២១ និងបច្ចុប្បន្នភាពនៃការកែសម្រួលឯកសារគោលនយោបាយ IDP ក្រោមការដឹកនាំរបស់ឧត្ដមក្រុមប្រឹក្សាសេដ្ឋកិច្ចជាតិ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម