Connect with us

ព័ត៌មានជាតិ

រាជរដ្ឋាភិបាល ទម្លាក់ការព្យាករណ៍កំណើន​សេដ្ឋកិច្ចពី៥.៦% មក ៥.២% នៅឆ្នាំ ២០២២

បានផុស

នៅ

ដោយសារសង្គ្រាមរុស្ស៊ី និងអ៊ុយក្រែន បានធ្វើឲ្យកម្ពុជាទម្លាក់ការព្យាករណ៍កំណើនសេដ្ឋកិច្ចពី ៥.៦ភាគរយ មកនៅត្រឹម ៥.២ភាគរយ សម្រាប់ឆ្នាំ២០២២នេះ។ នេះបើតាមប្រសាសន៍សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅថ្ងៃទី១២ ខែឧសភា ឆ្នាំ២០២២ ក្នុងឱកាសអញ្ជើញជួបសំណេះសំណាលជាមួយប្រជាពលរដ្ឋ​ខ្មែររស់នៅសហរដ្ឋអាមេរិក និងកាណាដាប្រមាណជា២ពាន់នាក់ នៅរដ្ឋធានីវ៉ាស៊ីនតោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់សម្ដេចតេជោ ហ៊ុន សែន គឺយោងតាមការវាយតម្លៃរបស់ធនាគារអភិវឌ្ឍន៍អាស៊ី។

សម្តេចថ្លែងដូច្នេះថា «ឆ្នាំនេះ យើងរំពឹងថា នឹងមានកំណើនសេដ្ឋកិច្ច ៥.៦ភាគរយ ប៉ុន្ដែដោយសារតែឥទ្ធិពល នៃសង្គ្រាមរវាងរុស្ស៊ី និងអ៊ុយក្រែន សេដ្ឋកិច្ចសាកលបានទម្លាក់ជាបន្ដបន្ទាប់ ដូច្នេះសេដ្ឋកិច្ចកម្ពុជា ក៏ត្រូវបានធនាគារអភិវឌ្ឍន៍អាស៊ី វាយតម្លៃថា មានកំណើនត្រឹមតែ ៥.២ភាគរយប៉ុណ្ណោះ»។

ទោះបីជាកំណើនសេដ្ឋកិច្ចកម្ពុជា សម្រាប់ឆ្នាំ២០២២នេះ ត្រឹម ៥.២ភាគរយក៏ដោយ ក៏វាមិនអាក្រក់នោះដែរ។ នេះជាការអះអាងរបស់សម្តេចតេជោ។

សម្ដេចតេជោ ហ៊ុន សែន បានរំលឹកថា កាលពីចាប់ផ្ដើមមានកូវីដ-១៩ បានមកដល់ នៅឆ្នាំ២០២០ សេដ្ឋកិច្ចកម្ពុជា បានធ្លាក់ពី៧ភាគរយ នៅឆ្នាំ២០១៩ រហូតដល់ដក ២.១ភាគរយ ដែលនេះជាការធ្លាក់ចុះដ៏អាក្រក់ ប៉ុន្ដែកម្ពុជាបានខិតខំឡើងវិញនៅឆ្នាំ២០២១។

សូមបញ្ជាក់ថា ធនាគារពិភពលោក (World Bank) បានព្យាករណ៍ថា សេដ្ឋកិច្ចកម្ពុជានឹងកើនឡើងវិញ ៤.៥% នៅឆ្នាំ២០២២នេះ កើន ៥.៨% នៅឆ្នាំ២០២៣ និងកើនឡើង ៦.៦% នៅឆ្នាំ២០២៤។ ចំណែកធនាគារអភិវឌ្ឍន៍អាស៊ី (ADB) ព្យាករណ៍ថា សេដ្ឋកិច្ចកម្ពុជា នឹងកើនឡើង ៥.៣% នៅឆ្នាំ២០២២ និង៦.៥% នៅឆ្នាំ២០២៣។

ក្នុងរយៈពេល៤ខែ ឆ្នាំ២០២២នេះ ការប្រមូលពន្ធដារ សម្រេចបានប្រមាណ៥៣ភាគរយ គិតជាសាច់ប្រាក់ជាង ២ពាន់លានដុល្លារ។ បើតាមការបញ្ជាក់របស់សម្តេចតេជោ ហ៊ុន សែន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទី មុន

កម្ពុជា នឹងទទួលបន្ទុកការចំណាយទាំងអស់ ប្រសិនបើមានការចរចាសម្រេច COC នៅភ្នំពេញ

ព័ត៌មានជាតិ២២ នាទី មុន

សម្ដេចតេជោ​ អំពាវនាវ​ឱ្យពលរដ្ឋ​ និង​គណបក្សនយោបាយ​​ឃោសនា​រកសំឡេង​ឆ្នោត​ដោយថ្លៃថ្នូរ​ គ្មានអំពើហិង្សា

ព័ត៌មានអន្ដរជាតិ៤២ នាទី មុន

លោក Zelensky ៖ ពិភពលោកកំពុងគិតខុសលើ អ៊ុយក្រែន ថានឹងត្រូវ រុស្ស៊ី កម្ទេចរយៈពេល ៣ ថ្ងៃ

ព័ត៌មានអន្ដរជាតិ៤៦ នាទី មុន

អាមេរិក​​ហៅ​​​ដំណើរ​​ទស្សន​កិច្ច​​របស់​​ប្រធាន​​សិទ្ធិ​មនុស្ស​ UN​ ទៅ​​ចិន​​​ជា​​កំហុស​​ឆ្គង

ព័ត៌មានជាតិ៤៨ នាទី មុន

សម្ដេចតេជោ ហ៊ុន សែន ត្រៀមចាកចេញពីប្រទេសស្វីស វិលត្រឡប់មក កម្ពុជា នៅថ្ងៃនេះ

Sokha Hotels

ព័ត៌មានពេញនិយម