ព័ត៌មានជាតិ
មកដឹងប្រាក់ខែគ្រូបង្រៀនទាំង ៣ កម្រិត ពីបឋមដល់មហាវិទ្យាល័យ
រដ្ឋាភិបាលបានយកចិត្តទុកដាក់លើការដំឡើងប្រាក់បៀវត្សដល់គ្រូបង្រៀន ដើម្បីទ្រទ្រង់ការរស់នៅឲ្យបានសមរម្យ។ ប្រាក់បៀវត្សរបស់គ្រូបង្រៀន ត្រូវបានរៀបចំបែងចែកទៅតាមកម្រិតខុសៗគ្នា។
បើតាមឯកសារមួយបានបង្ហាញពីប្រាក់ខែគ្រូបង្រៀន សម្រាប់ក្របខណ្ឌគ្រូបង្រៀនកម្រិតឧត្តមឬហៅថាប្រភេទ (ក) ទទួលបានប្រាក់បៀវត្សអតិបរមា ២,១៦៥,០០០ រៀល និងអប្បបរមា ១,៤៦២,៥០០រៀល។ គ្រូកម្រិតមូលដ្ឋានទទួលបានប្រាក់បៀវត្សច្រើនបំផុត ១,៨៤៥,០០០រៀល និងទាបបំផុត ១,៣៤០,០០០រៀល។
ដោយឡែកសម្រាប់គ្រូកម្រិតបឋមឬប្រភេទ (គ) ទទួលបានប្រាក់បៀវត្សពី ១,២៤២,៥០០ រៀល រហូតដល់ ១,៦២៥,០០០ រៀល។
លោក រស់ សុវាចា អ្នកនាំពាក្យក្រសួងអប់រំ យុវជន និងកីឡាបានប្រាប់កម្ពុជាថ្មីកាលពីព្រឹកថ្ងៃទី១១ ឧសភា ឆ្នាំ២០២២ ថា ក្រសួងអប់រំបានបន្តលើកកម្ពស់គុណភាព និងជីវភាពគ្រូបង្រៀនឱ្យកាន់តែប្រសើរឡើងថែមទៀត។
លោកបានលើកពីប្រាក់បៀវត្ស ដោយប្រៀបធៀបប្រាក់ខែគ្រូបង្រៀននៅឆ្នាំ២០១៥ គឺមានចន្លោះត្រឹមតែជាង ៥ សែនរៀល ដល់ ១លាន២សែនរៀលប៉ុណ្ណោះ ខណៈប្រាក់បៀវត្សគ្រូបង្រៀននៅឆ្នាំ២០២២នេះ មានចន្លោះពី ១ លាន ២ សែនរៀល ដល់ ២ លាន ១ សែនរៀល។
លោកបានបន្តថា គុណភាពគ្រូបង្រៀននៅតែស្ថិតក្នុងចំណោមអាទិភាពកំពូលរបស់ក្រសួងអប់រំយុវជននិងកីឡា ដែលបានបង្កប់នៅក្នុងយុទ្ធសាស្ត្រកំណែទម្រង់វិស័យអប់រំយុវជន និងកីឡា ដែលត្រូវបានគាំទ្រដោយយុទ្ធសាស្ត្រចតុកោណដំណាក់កាលទី៤ នៃរាជរដ្ឋាភិបាលកម្ពុជាអាណត្តិទី៦៕
អត្ថបទ៖ ប៊ុណ្ណារ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ