ព័ត៌មានជាតិ
រដ្ឋាភិបាលកូឡំប៊ីបញ្ជូនសិក្ខាកាម១៥នាក់ មករៀនជំនាញដោះមីនពីកម្ពុជា
រដ្ឋាភិបាលកូឡំប៊ី បានបញ្ជូនសិក្ខាកាមចំនួន ១៥រូប មកសិក្សារៀនសូត្រវិស័យសកម្មភាពមីននៅកម្ពុជា ដើម្បីយកជំនាញទាំងនេះ ទៅបោសសម្អាតមីន និងគ្រប់គ្រងនៅប្រទេសរបស់ខ្លួនប្រកប ដោយប្រសិទ្ធភាព និងគុណភាពខ្ពស់។
លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់ បានឱ្យដឹងនៅក្នុងវគ្គបណ្តុះបណ្តាលនៅព្រឹកថ្ងៃទី ៣០ ខែឧសភា ថា ក្រោយស្ថានភាពជំងឺកូវីដ-១៩ មានភាពល្អប្រសើរ រដ្ឋាភិបាលកូឡុំប៊ីបានសម្រេចចាត់បញ្ជូនសិក្ខាកាមចំនួន១៥រូបមកទទួលការហ្វឹកហ្វឺនជាមួយអង្គភាព CMACនៅខេត្តសៀមរាប។
លោកអគ្គនាយកស៊ីម៉ាក់បានបន្តថា វគ្គហ្វឹកហ្វឺននេះ ផ្តោតលើប្រធានបទស្តីអំពីការគ្រប់គ្រងគុណភាព និងបទដ្ឋានប្រតិបត្តិការ” មានរយៈពេល២សប្តាហ៍ គិតចាប់ពីថ្ងៃទី៣០ ឧសភា ដល់ថ្ងៃទី ០៩ ខែមិថុនា ឆ្នំា ២០២២។
លោកអគ្គនាយកស៊ីម៉ាក់បានបន្តទៀតថា ក្នុងចំណោមសិក្ខាកាមចំនួន១៥រូបមានស្រ្តីចំនួន២រូប ក្នុងនោះ មានទ័ពជើងគោក១០នាក់ ទ័ពជើងទឹក២នាក់ ទ័ពអាកាស១នាក់ និងតំណាងស្ថាប័នផ្នែករក្សាសន្តិភាពក្នុងវិស័យកម្ចាត់ចំនួន២នាក់ មកពីក្រសួងការពារជាតិ និងការិយាល័យបេសកកម្មរក្សាសន្តិភាពជាន់ខ្ពស់។
លោក ហេង រតនា បានរំលឹកថា ប្រទេសកូឡុំប៊ី គឺជាប្រទេសដំបូងគេ ដែលទទួលការហ្វឹនហ្វឺន សហប្រតិបត្តិការ ត្បូង-ត្បូង ក្នុងវិស័យសកម្មភាពមីនជាមួយអង្គភាពស៊ីម៉ាក់ ដែលគិតមកដល់ពេលនេះ មានសិក្ខាកាមសរុបចំនួន ១៧៣នាក់ និងវគ្គហ្វឹកហ្វឺនសរុបចំនួន ១០វគ្គ។
សូមបញ្ជាក់ថា គម្រោងផ្តល់ការហ្វឹកហ្វឺនត្បូង-ត្បូងនេះ គាំទ្រដោយរដ្ឋាភិបាលជប៉ុនតាមរយ:ទីភ្នាក់ងារសហប្រតិបតិ្តការអន្តរជាតិជប៉ុន (JICA)៕ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល