ព័ត៌មានជាតិ
ដឹងអត់! ទាល់តែមានលុយ៥០ម៉ឺនដុល្លារជូនរដ្ឋ ទើបអាចទទួលងារជា«ឧកញ៉ា»បាន
គោរមងារ “ឧកញ៉ា” គឺជាងារមួយដែលត្រូវប្រទានដោយព្រះមហាក្សត្រ និងជាងារមួយសំដៅថា ជាអ្នកមានទ្រព្យស្តុកស្តម្ភ ឬជាសេដ្ឋី។ នាពេលបច្ចុប្បន្ននេះ ដើម្បីទទួលបានងារជា«ឧកញ៉ា»នេះ គឺបុគ្គលទាំងអស់ត្រូវមានទឹកប្រាក់ចំនួន៥០ម៉ឺនដុល្លារឧបត្ថម្ភជូនទៅរដ្ឋ។
លក្ខខណ្ឌពីមុនដែលទទួលបានគោរមងារជា«ឧកញ៉ា»ពីព្រះមហាក្សត្រ គឺចំពោះសប្បុរសជនណាដែលបានធ្វើអំណោយជូនរដ្ឋជាថវិកា ឬសម្ភារៈ ដែលមានតម្លៃលើសពី ១០ម៉ឺនដុល្លារអាមេរិកឡើងទៅ។ ប៉ុន្តែ អនុក្រឹត្យថ្មីរបស់រាជរដ្ឋាភិបាល ចុះថ្ងៃទី២០ ខែមីនា ឆ្នាំ២០១៧ ស្តីពីការកែសម្រួលចំណុចទី១ មាត្រា២ នៃអនុក្រឹត្យលេខ១៥ អនក្រ ចុះថ្ងៃទី០៥ ខែមេសា ឆ្នាំ១៩៩៤ បានសរសេរថា សប្បុរសជនណាបានផ្តល់អំណោយជូនរដ្ឋលើសពី៥០ម៉ឺនដុល្លារ ទើបអាចបានងារជាឧកញ៉ា។
សេចក្តីកែសម្រួលនោះ បានសរសេរថា ៖ «ចំណុចទី១ មាត្រា២ នៃអនុក្រឹត្យលេខ១៥ ចុះថ្ងៃទី០៥ ខែមេសា ឆ្នាំ ១៩៩៤ ត្រូវបានកែសម្រួលដូចតទៅ៖ ១ ថ្មី- សប្បុរសជន ដែលធ្វើអំណោយជូនរដ្ឋ ជាថវិកា ឬសម្ភារៈ ដែលមានតម្លៃលើសពី ១០០ ០០០ ( ដប់ម៉ឺន) ដុល្លាអាមេរិក ឡើងទៅ ត្រូវបានជូនមេដាយ ស្ថាបនាជាតិថ្នាក់លេខ ១។ សប្បុរសជន ដែលបានធ្វើអំណោយជូនរដ្ឋ ជាថវិកា ឬសម្ភារៈ ដែលមានតម្លសលើសពី ៥០០ ០០០ (ហាសិបម៉ឺន) ដុលា្លអាមេរិកឡើងទៅ ត្រូវបានរាជរដ្ឋាភិបាលស្នើសុំព្រះរាជយោបល់ដ៏ខ្ពង់ខ្ពស់ នៃព្រះករុណាជាអម្ចាស់ជីវិតតម្កល់លើត្បូង ដើម្បីទ្រង់ព្រះរាជទានគោរមងារ ជា “ឧកញ៉ា” »។
ដូច្នេះ មានន័យថា គិតតាំងពីឆ្នាំ២០១៧មកដល់ពេលបច្ចុប្បន្ននេះ អ្នកដែលចង់បានងារជា«ឧកញ៉ា» ត្រូវផ្តល់អំណោយជូនរដ្ឋចាប់ពី ៥០ម៉ឺន ដុលា្លរឡើងទៅ។ ឧកញ៉ា នេះទៀតសោត ក៏មានតាមលំដាប់លំដោយនៃឋានៈពីធំទៅតូចដែរ គឺមានបីលំដាប់។ ទី១ លោកអ្នកឧកញ៉ា មានឋានៈធំជាងគេ ទី២ អ្នកឧកញ៉ា មានឋានៈធំបន្ទាប់ និងទី៣ ឧកញ៉ា មានឋានៈតូចជាងឋានន្តរស័ក្តិពីរខាងលើ។
សូមបញ្ជាក់ថា គិតត្រឹមឆ្នាំ២០២០ អ្នកឧកញ៉ា ឧកញ៉ា នៅកម្ពុជា មាន ១០៧០នាក់ហើយ។ ក្នុងនោះមាន អ្នកឧកញ៉ាជិត២០នាក់ ក៏ប៉ុន្តែនៅកម្ពុជានៅមិនទាន់មានលោកអ្នកឧកញ៉ានៅឡើយទេ។ ជាមួយគ្នានេះ ក៏មិនទាន់មានឯកសារណាមួយច្បាស់លាស់ដែលបង្ហាញពីចំនួនទឹកប្រាក់ដែលអ្នកឧកញ៉ាទាំងជិត២០រូបនេះ បរិច្ចាគប្រាក់ជូនរដ្ឋប៉ុន្មាន ទើបបានគោរមងារជា «អ្នកឧកញ៉ា»នេះឡើយ៕
ដោយ ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង