ព័ត៌មានជាតិ
កសិករនៅខេត្តកោះកុង រកប្រាក់ចំណេញបាន ១ពាន់ ទៅ ២ពាន់ដុល្លារក្នុងមួយឆ្នាំពីការធ្វើកសិកម្ម
តំណាងអង្គការសង្រ្គោះកុមារ ហៅកាត់ថា Save the Children បានវាយតម្លៃជាមធ្យមពីការប្រមូលផលកសិកម្ម របស់ប្រជាកសិករខេត្តកោះកុងក្នុងមួយឆ្នាំៗ អាចរកប្រាក់ចំណេញបានពី ១៤០១ដុល្លារ ទៅ ២១១៨ដុល្លារ។
នេះជាការសន្និដ្ឋាន និងវាយតម្លៃរបស់លោកស្រី ប៊ីយ៉ាងកា ខលីយ័រ នាយិកាស្តីទីអង្គការ Save the Children ប្រចាំនៅកម្ពុជា ក្នុងវេទិកា ស្តីពី ភស្តុតាងសម្រាប់កម្មវិធីលើកកម្ពស់ជីវភាពប្រជាពលរដ្ឋ តាមរយៈការពង្រឹងផលិតកម្ម និងទីផ្សារ ក្រោយពីកសិករនៅខេត្តកោះកុង អនុវត្តគម្រោងស្ទៀររយៈពេល ៣ឆ្នាំកន្លងទៅ។
លោកស្រី ប៊ីយ៉ាងកា ពន្យល់នៅថ្ងៃទី ១៤ ខែមិថុនា ឆ្នាំ ២០២២ថា ពាក់កណ្តាលនៃការអនុវត្តគម្រោងស្ទៀរនៅស្រុកថ្មបាំង ស្រុកស្រែអំបិល និងស្រុកបូទុមសាគរ ក្រុមការងាររកឃើញថា ចំណូលរបស់កសិករ អ្នកលក់ធាតុចូល និងអ្នកប្រមូលទិញ គឺកើនឡើងពី ១ឆ្នាំ ទៅ ១ឆ្នាំ។ រីឯ ២៤ភាគរយ នៃអ្នកលក់ផលកសិកម្មជាមួយដៃគូអភិវឌ្ឍន៍ សម្រេចបាន ៨០ភាគរយ នៃផែនការចំណូលប្រចាំឆ្នាំរបស់ពួកគាត់។
លោកស្រីនាយិកាអង្គការសង្រ្គោះកុមារ បន្ថែមទៀតថា ស្រ្តីមានការចូលរួមច្រើនបង្កបង្កើនផល ទិញ និងលក់ផលកសិកម្ម ដែលអនុវត្តបានពី ១៧ ទៅ ៣១ភាគរយ។ តាមរយៈគម្រោងស្ទៀរនេះដែរ ក៏រកឃើញថា កុមារកុមារ ២០ភាគរយ ត្រូវបានកាត់បន្ថយពីផលប៉ះពាល់ ឬភាពងាយរងគ្រោះ។
គួរជម្រាបថា គម្រោងស្ទៀរនេះ មានបំណងធ្វើយ៉ាងណាសេដ្ឋកិច្ចគ្រួសារ និងផ្តល់ភាពធន់ដល់ប្រជាកសិករ តាមរយៈវិធីសាស្រ្តរកទីផ្សារលក់ផលិតកម្មកសិកម្ម។ ជាក់ស្តែង ៣ឆ្នាំកន្លងទៅនេះ អង្គការ Save the Children វិធីសាស្រ្តសំខាន់ទាក់ទង នឹងការផ្តល់ប្រាក់ចំណូលបែកកសិកម្មវៃឆ្លាត និងសមភាពយេនឌ័រដល់កុមារ។ ក្នុងនោះខេត្តកោះកុង បានអនុវត្តគម្រោងពីខែឧសភា ឆ្នាំ ២០១៨ដល់ខែមេសា ឆ្នាំ ២០២២។
អ្នកស្រី នុត ដានី និងលោក ញឹម សាវុធ តំណាងប្រជាកសិករមកពីឃុំឬស្សីជ្រុំ ស្រុកថ្មបាំង ដែលរកប្រាក់ចំណូលបានច្រើន ពីចូលរួមសិក្សាវគ្គបណ្តុះបណ្តាលជំនាញបច្ចេកទេសកសិកម្ម របស់គម្រោងស្ទៀរ លើកឡើងថា ជីវភាពរបស់ពួកគាត់ហាក់ប្រែប្រួលច្រើន និងមានប្រាក់ចំណូលចាយវាយផ្គត់ផ្គង់គ្រួសារឥតដាច់ឡើយ។ នេះដោយសារតែមានចំណេះដឹងជំនាញធ្វើកសិកម្ម តាមរយៈគម្រោងស្ទៀររបស់អង្គការសង្រ្គោះកុមារ ក្នុងមូលដ្ឋានរយៈកាល ២ឆ្នាំមកនេះ។
តំណាងកសិករ ឱ្យដឹងដែរថា ពួកគាត់ដាំដុះឪឡឹកពណ៌លឿង ចេក ត្រសក់ត្រើង ឆៃថាវ ខាត់ណា និងស្ពៃក្តោប ពិតជាមានផលច្រើនមិននឹកស្មានហើយមានទីផ្សារលក់ចេញមិនចាំបាច់បារម្ភអ្វីនោះទេ។ ធៀបនឹងការដាំដុះបែបបូរណពុំសូវមានទិន្នផល និងចំណូលច្រើនឡើយ។ កសិករ ផ្តាំផ្ញើដល់កសិករដ៏ទៃទៀតដែរថា ចូលបានទិន្នផលច្រើន លុះត្រាតែឧស្សហ៍ព្យាយាមបង្កបង្កើនផល និងមានចំណេះដឹងបច្ចេកទេសច្បាស់លាស់។
តំណាងកសិករគំរូនៅស្រុកថ្មបាំង ទាំងពីរនាក់នេះ ថ្លែងអរគុណដល់អង្គការសង្រ្គោះកុមារ រដ្ឋបាលស្រុក និងមន្រ្តីការិយាល័យកសិកម្មដែលយកចិត្តទុកដាក់អប់រំពីវិធីសាស្រ្តធ្វើកសិកម្មទទួលបានផលដូចនេះ។ ហើយពួកគាត់នឹងចែករំលែកចំណេះដឹង បទពិសោធន៍ការធ្វើកសិកម្មទទួលបានផលនេះទៅកាន់ប្រជាកសិករក្នុងមូលដ្ឋានដ៏ទៃទៀតផងដែរ។
លោក សំឃិត វៀន អភិបាលរងខេត្តកោះកុង បង្ហាញគាំទ្រ និងជំរុញលើកទឹកចិត្តដល់មន្ទីរជំនាញ អង្គការស្ថាបនាដៃគូអភិវឌ្ឍន៍នានា បន្តពង្រីក និងកិច្ចសហការគ្នាឱ្យកាន់តែប្រសើរឡើងថែមទៀតលើវិស័យកសិកម្មនេះ ដើម្បីជាឧត្តមប្រយោជន៍ដល់ពលរដ្ឋ និងកុមារ ទាំងបច្ចុប្បន្ន និងទៅអនាគត។
លោកអភិបាលរងខេត្ត ក៏ចាត់ទុកថាវត្តមានអង្គការដៃគូអភិវឌ្ឍន៍វិស័យកសិកម្ម ពិតជាមានសារៈសំខាន់ក្នុងការផ្តល់កំណើនសេដ្ឋកិច្ចដល់ប្រជាកសិករនៅខេត្តកោះកុង ព្រោះបង្ហាញពីភាពជាម្ចាស់ការ ការទទួលខុសត្រូវ និងតម្លាភាព។ រាជរដ្ឋាភិបាលនៅតែជាវិស័យកសិកម្ម ជាវិស័យអាទិភាពសម្រាប់ជំរុញកំណើនសេដ្ឋកិច្ចប្រជាពលរដ្ឋ និងសេដ្ឋកិច្ចជាតិុ។ជាពិសេសក្នុងបរិបទកូវីដ១៩ អង្គការសង្គមស៊ីវិល វិស័យឯកជន និងអាជ្ញាធរដែនដីសហការរួមគ្នាដោះស្រាយ ដើម្បីឱ្យវិស័យកសិកម្មក្នុងខេត្តកាន់តែល្អប្រសើរឡើង៕
អត្តបទ៖ សិរីវឌ្ឍនៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)