ព័ត៌មានជាតិ

អាជ្ញាធរខិតខំស្វែងរកដំណោះស្រាយរឿងរ៉ាវ១៨ឆ្នាំ មកត្រឹមសម្របសម្រួលគ្មានអ្នកចាញ់និងឈ្នះ

បានផុស

៥ years មុន

នៅ

ថ្ងៃចន្ទ ២១ ធ្នូ ២០២០

ដោយ

រឿងរ៉ាវទំនាស់ដីធ្លីដ៏យូរអង្វែងអស់រយៈពេល១៨ឆ្នាំមកហើយ ប៉ុន្តែក្នុងនោះអាជ្ញាធរខណ្ឌច្បារអំពៅ បានព្យាយាមរកដំណោះស្រាយយ៉ាងយកចិត្តទុកដាក់ ដោយសារភាគីទាំងសងខាងមិនចង់ឲ្យរឿងនេះ ទៅដល់ស្ថាប័នតុលាការហើយទីបំផុតបានសម្រេចមែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រសាសន៍លោក ហ៊ត គឹមនី អភិបាលរងខណ្ឌច្បារអំពៅ បានឲ្យដឹងនៅរសៀលថ្ងៃទី២១ខែធ្នូនេះថា រឿងរ៉ាវទំនាស់ដីធ្លីនេះ គឺស្ថិតនៅភូមិដើមចាន់១សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

លោកអភិបាលរងខណ្ឌបន្តថា ធាតុពិតរឿងរ៉ាវនេះ កើតឡើងអស់រយៈពេល១៨ឆ្នាំមកហើយដោយសារតែបែងចែកដីគ្នាមិនត្រឹមត្រូវ ហើយសុខចិត្តអូយបន្លាយរហូតដល់ពេលលោក ចេង មុនីរ៉ា អភិបាលខណ្ឌច្បារអំពៅមក លោកអភិបាលខណ្ឌបានសម្រេចឲ្យភាគីទាំងសងខាងមករកដំណោះស្រាយ នៅសាលាខណ្ឌចំនួន៤លើក ទើបគូរទំនាស់ស្ម័គ្រចិត្តយកដំណោះស្រាយពីលោកអភិបាលខណ្ឌ ព្រោះបើពុំដូច្នោះមិនដឹងជាឆ្នាំណាទើបដោះស្រាយចប់។ លោកអភិបាលរងខណ្ឌបានបញ្ជាក់ថា រាល់ពេលអាជ្ញាធរកោះអញ្ជើញគូភាគីទាំងពីរមកដោះស្រាយ គឺអាជ្ញាធរតម្រូវឲ្យយកឯកសារកាន់កាប់ដីមកដាក់លើតុ ដើម្បីជជែកគ្នារកខុសរកត្រូវ។ ប៉ុន្តែដីដែលកំពុងមានទំនាស់ គឺមានអ្វីជាសំអាងបើភាគីទាំងសងខាងមិនមានការឯកសារបញ្ជាក់ការកាន់កាប់ដីដោយស្របច្បាប់នោះ។ ដូច្នេះតម្រូវឲ្យពួកគាត់ត្រូវសម្របសម្រួលគ្នាទើបបានរកម្ចាស់កម្មសិទ្ធិកាន់កាប់ដីធ្លីបានពិតប្រាកដ។

ទាក់ទិនទៅនិងការរកដំណោះស្រាយបានជោគជ័យខាងលើនេះ ភាគីទាំងសង្ខាងបានសំដែងការត្រេកអរ ព្រោះបានរកដំណោះស្រាយបញ្ចប់ត្រឹមសាលាខណ្ឌច្បារអំពៅ ខណៈដែលរឿងរ៉ាវរបស់ពួកគាត់កើតមានទំនាស់ដ៏រ៉ាំរ៉ៃអស់រយៈពេល១៨ឆ្នាំមកហើយ៕

អត្ថបទ៖ នរា

Related Topics:ខណ្ឌច្បារអំពៅ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា