ព័ត៌មានជាតិ
ទូតឥណ្ឌូនេស៊ី ចុះឈ្វេងយល់ពី សក្ដានុពល និងឱកាសវិនិយោគ ក្នុងខេត្តស្វាយរៀង
លោក Sudirman Haseng ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឥណ្ឌូនេស៊ី ប្រចាំព្រះរាជាណាចក្រកម្ពុជា បានចុះស្វែងយល់អំពី សក្ដានុពល និងឱកាសវិនិយោគ ក្នុងខេត្តស្វាយរៀង ដើម្បីប្រមូលព័ត៌មានផ្សេងៗជូនដល់អ្នកវិនិយោគឥណ្ឌូនេស៊ីសិក្សា ពីឱកាសវិនិយោគនៅក្នុងខេត្តមួយនេះ។
នៅក្នុងជំនួបសម្តែងការគួសម និងពិភាក្សាការងារជាមួយ លោក ម៉ែន វិបុល អភិបាលខេត្តស្វាយរៀង នៅថ្ងៃទី១៧ ខែមិថុនានេះ លោកឯកអគ្គរដ្ឋទូតឥណ្ឌូនេស៊ី បានថ្លែងអំណរគុណចំពោះលោកអភិបាលខេត្ត ដែលបានជួយសម្របសម្រួលដល់ដំណើរទស្សនកិច្ចរបស់លោកក្នុងរយៈពេល ៣ថ្ងៃមកនេះ ក្នុងទឹកដីខេត្តស្វាយរៀង ដែលលោក និងក្រុមការងារ ទទួលបាននូវធាតុចូលជាច្រើនពាក់ព័ន្ធនឹងការអភិវឌ្ឍ ស្ថានភាពវិនិយោគ និងសក្ដានុពលសំខាន់នានារបស់ខេត្តស្វាយរៀង ហើយលោកនឹងនាំយកព័ត៌មានទាំងនេះជូនដល់អ្នកវិនិយោគឥណ្ឌូនេស៊ី ដើម្បីសិក្សាពីឱកាស វិនិយោគក្នុងខេត្តស្វាយរៀង។
ជាមួយនេះ ឯកអគ្គរដ្ឋទូតឥណ្ឌូនេស៊ី ថ្លែងអំណរគុណចំពោះ លោកអភិបាលខេត្តដែលបានផ្ដល់នូវការយកចិត្តទុកដាក់ និងការពារយ៉ាងល្អប្រសើរដល់ប្រជាជនឥណ្ឌូនេស៊ី ដែលកំពុងធ្វើការក្នុងខេត្តស្វាយរៀង និងសំណូមដល់អាជ្ញាធរខេត្តជួយការពារបន្តទៀត។
លោក លោក ម៉ែន វិបុល អភិបាលខេត្តស្វាយរៀង គាំទ្រចំពោះគម្រោងវិនិយោគនានាដែលឥណ្ឌូនេស៊ីមានបំណងចង់មកបណ្តាក់ទុននៅខេត្តស្វាយរៀង នាពេលខាងមុខ ហើយចំពោះជនបរទេសទាំងអស់ រួមទាំងប្រជាជនឥណ្ឌូនេស៊ីផងដែលកំពុងស្នាក់នៅ និងបម្រើការងារក្នុងខេត្តស្វាយរៀង គឺអាជ្ញាធរខេត្តយកចិត្តទុកដាក់បំផុត គាំពារ និងការពារ សន្តិសុខសុវត្ថិភាពជូនពួកគាត់ជានិច្ច។
ទន្ទឹមនេះ លោកអភិបាលខេត្ត ក៏មានសេចក្ដីសង្ឃឹមជឿជាក់ថា បន្ទាប់ពីជំនួបជាមួយឯកអគ្គរដ្ឋទូតនៅថ្ងៃនេះ វិនិយោគិនឥណ្ឌូនេស៊ី នឹងអញ្ជើញមកវិនិយោគនៅក្នុងខេត្តស្វាយរៀង ខណៈដែលកន្លងមកមិនទាន់មានអ្នកវិនិយោគ ឥណ្ឌូនេស៊ីនៅក្នុងខេត្តស្វាយរៀងនៅឡើយទេ។
លោកអភិបាលខេត្តបានបញ្ជាក់ជូន លោកទូតអំពីស្ថានភាពភូមិសាស្ត្រ តំបន់សក្ដានុពលសំខាន់ៗ និងសមិទ្ធផលដែលរដ្ឋបាលខេត្តសម្រេចបានរួមមាន វិស័យសេដ្ឋកិច្ចឧស្សាហកម្ម ពាណិជ្ជកម្ម និងកសិកម្មជាដើម ជាពិសេសខេត្តបានក្លាយជាប្រភពការងារជូនដល់ប្រជាពលរដ្ឋទាំងក្នុងខេត្ត និងក្រៅខេត្ត ប្រមាណ ១០ ម៉ឺននាក់ លើវិស័យឧស្សាហកម្ម រោងចក្រ និងសេវាកម្មនានាជាច្រើនទៀត៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ