ព័ត៌មានជាតិ
ព្រះចៅអធិការវត្តពាមជំនីក ស្នើសុំអាជ្ញាធរជួយដោះស្រាយរឿងមានគេចង់រំលោភយកដីវត្ត
ព្រះចៅអធិការ និងពុទ្ធបរិស័ទចំណុះជើងវត្ត ពាមជំនីក នៅក្នុងស្រុកពញាឮ ខេត្តកណ្តាល បានស្នើដល់អាជ្ញាធរខេត្តនេះ ជួយរកដំណោះស្រាយ ដោយមានពលរដ្ឋនៅក្បែរមួយរូបចង់យកដីវត្តទៅធ្វើកម្មសិទ្ធផ្ទាល់របស់ខ្លួន។ មិនតែប៉ុណ្ណោះ បុគ្គលរូបនោះ ថែមទាំងចង់លុបផ្នូរដូនតារបស់ប្រជាពលរដ្ឋដែលរស់នៅក្បែរវត្តនោះចោលទៀតផង។
ព្រះចៅអធិការ និងពុទ្ធបរិស័ទចំណុះជើងវត្ត ពាមជំនីក បានបញ្ជាក់ឲ្យដឹងកាលពីថ្ងៃទី១៩ ខែមិថុនា ឆ្នាំ២០២២ថា អ្នកដែលចង់បានដីរបស់វត្តនេះ មានឈ្មោះថា សៀង រ៉េន រស់នៅភូមិក្បែរវត្ត។ រូបគាត់ ចង់យកដីគរុភ័ណ្ឌរបស់វត្តទៅធ្វើជាកម្មសិទ្ធរបស់ខ្លួន ខណៈដីនេះត្រូវបានព្រះចៅអធិការវត្តអនុញ្ញាតឲ្យពុទ្ធបរិស័ទសម្រាប់ធ្វើដំណើរ និងទីបញ្ចុះសពរបស់ពុទ្ធបរិស័ទចំណុះជើងវត្ត។ បើតាមព្រះចៅធិការវត្ត គឺបុគ្គលខាងលើចង់លុបផ្នូររបស់ដូនតាគេចោល ហើយចង់យកធ្វើជាកម្មសិទ្ធ(ធ្វើផ្លូវ)ទៅកាន់ដីរបស់ខ្លួនផ្ទាល់ទៅវិញ។
ព្រះចៅអធិការ និងពុទ្ធបរិស័ទចំណុះជើងវត្ត ពាមជំនីក បានឲ្យដឹងទៀតថា បន្ទាប់ពីចង់បានដីរបស់វត្ត ហើយត្រូវបានព្រះចៅអធិការ និងពុទ្ធបរិស័ទតវ៉ា ស្ត្រីខាងលើនេះ បានបង្កើតរឿងអាស្រូវដល់ព្រះចៅអធិការ ដោយចោទព្រះអង្គថា មានស្រីមានកូនទៅវិញ ដោយសារតែខឹង ព្រះចៅអធិការមិនព្រមធ្វើតាមខ្លួនដែលចង់លុបផ្នូរ ដូនតារបស់ពុទ្ធបរិស័ទចំណុះជើងវត្ត។ បើតាមព្រះចៅអធិការ និងពុទ្ធបរិស័ទចំណុះជើងវត្ត ស្រ្តីរូបនោះថែមទាំងប្តឹងព្រះចៅអធិការ ទៅសាលាដំបូងខេត្តកណ្តាលពីបទបរិហាកេរ្តិ៍ថែមទៀត។
ចំពោះរឿងនេះ មេឃុំកំពង់ហ្លួង បានប្រាប់អ្នកសារព័ត៌មានថា លោកស្រីមិនសូវដឹងស៊ីជម្រៅនោះទេពាក់ព័ន្ធនិងរឿងដីនេះ។ លោកស្រីមេឃុំកំពង់ហ្លួង បានអះអាងថា លោកស្រី មិនទាន់ដឹងច្បាស់ថាដីនោះ ជារបស់គរុភ័ណ្ឌវត្ត ឬរបស់បុគ្គលដែលបានអះអាងខាងលើនោះទេ ដោយទុកករណីនេះឲ្យថ្នាក់លើដោះស្រាយ។យ៉ាងណាក៏ដោយ ព្រះចៅអធិការវត្ត និងពុទ្ធបរិស័ទ បានស្នើឲ្យអាជ្ញាធរស្រុក ខេត្ត ជួយរកយុត្តិធម៌ដល់ព្រះអង្គ និងពួកគាត់ផងជុំវិញករណីនេះ។
មកដល់ពេលនេះ សារព័ត៌មាន«កម្ពុជាថ្មី» មិនទាន់អាចស្វែងការទាក់ទងសុំការបំភ្លឺ និងបកស្រាយពីសំណាក់អ្នកស្រី សៀង រ៉េន ដែលត្រូវបានព្រះចៅអធិការ និងនិងពុទ្ធបរិស័ទចំណុះជើងវត្ត ពាមជំនីក បាននៅឡើយទេ៕
ដោយ៖ វណ្ណ សុគន្ធា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ