Connect with us

ព័ត៌មានជាតិ

អាស៊ាន​ត្រូវ​រួប​រួម​គ្នា​រក្សា​ភាព​រឹងមាំ​របស់ខ្លួន ខណៈ​តំបន់​ទាំងមូល​កំពុង​ប្រឈម​នឹង​ការប្រកួតប្រជែង​ភូមិសាស្ត្រ​នយោបាយ

បានផុស

នៅ

​នេះ​ជា​ការ​បញ្ជាក់​របស់​សម្ដេច​ពិជ័យ​សេនា ទៀ បាញ់ ឧបនាយក​រដ្ឋ​មន្តី រដ្ឋមន្ត្រី​ការពារជាតិ នៃ​ព្រះរាជាណាចក្រ​កម្ពុជា​បាន​កិច្ចប្រជុំ​រដ្ឋមន្ត្រី​ការពារជាតិ​អាស៊ាន លើក​ទី​១៦ (16th ADMM) ដែល​កម្ពុជា​ធ្វើជា​ម្ចាស់ផ្ទះ នា​ព្រឹក​ថ្ងៃទី​២២ ខែមិថុនា ឆ្នាំ​២០២២​នេះ​។

ប្រមុខ​ការពារជាតិ​រូបនោះ​បានបញ្ជាក់​យ៉ាង​ដូច្នេះ​ថា “​អាស៊ាន​ត្រូវ​រួបរួមគ្នា រក្សា​ភាពរឹងមាំ និង​ភាព​ធន់​របស់ខ្លួន នៅពេលដែល​តំបន់​ទាំងមូល​កំពុង​ប្រឈម​នឹង​សម្ពាធ ដែល​កើតចេញពី​ការ​កើន ឡើង​នៃ​ការប្រកួតប្រជែង​ភូមិសាស្ត្រ​នយោបាយ ឧក្រិដ្ឋកម្ម​ឆ្លងដែន អំពើ​ភេរវកម្ម សន្តិសុខ​បច្ចេកវិទ្យា ការប្រែប្រួល​អាកាសធាតុ គ្រោះមហន្តរាយ និង​ជំងឺឆ្លង​រាតត្បាត ជាដើម​។ ការអនុវត្ត​បាន​នូវ​ការប្តេជ្ញាចិត្ត​នេះ នឹង​ជួយ​ជំរុញ​ដំណើរ​ទៅមុខ​រួមគ្នា​ឆ្ពោះទៅរក​សន្តិភាព សន្តិសុខ និង​វិបុលភាព ប្រកបដោយ​ចីរភាព​”​។

​បើតាម​សម្ដេច​ពិជ័យ​សេនា ទៀ បាញ់ ការប្រកួតប្រជែង​ភូមិសាស្ត្រ​នយោបាយ នៅជាប​ញ្ហា​ប្រឈម​ធំ​បំផុត​នៅក្នុង​តំបន់​របស់​យើង​។ ភាព​តានតឹង​រវាង​មហាអំណាច​នេះ បើ​ពុំមាន​ការគ្រប់គ្រង​ឱ្យបាន​ត្រឹមត្រូវ​ទេនោះ វា​អាច​នឹង​បង្ក​ជា​ហានិភ័យ និង​មហន្តរាយ​ដល់​សន្តិភាព ស្ថិរភាព និង​វិបុលភាព​របស់​តំបន់ និង​សកលលោក​ទាំងមូល​។ លោក​យល់ថា មានតែ​ការពង្រឹង​តួនាទី​ពហុភាគី​និយម ការគោរព​នូវ​ច្បាប់​អន្តរជាតិ ការគោរព​ផលប្រយោជន៍​គ្នា​ទៅវិញទៅមក ការអត់ធ្មត់​ជា​អតិបរិមា និង​ការដោះស្រាយ​បញ្ហា​ដោយ​សន្តិវិធី ទើប​ជា​ជម្រើស​ដ៏​ត្រឹមត្រូវ ក្នុងការ​បញ្ចៀស​នូវ​ហានិភ័យ​ណាមួយ ដែល​អាច​កើតឡើង​ដោយ​សារភាព​តានតឹង​នេះ​។

​ទាក់ទង​ដល់​កិច្ចប្រជុំ​រដ្ឋមន្ត្រី​ការពារជាតិ​អាស៊ាន (ADMM) និង​កិច្ចប្រជុំ​រដ្ឋមន្ត្រី​ការពារជាតិ​អាស៊ាន​-​បូក (ADMM-Plus) សម្ដេច​ពិជ័យ​សេនា ទៀ បាញ់ បាន​អះអាងថា ចាប់តាំងពី​ការកកើតឡើង កិច្ចប្រជុំ​នេះ​បាន​ដើរតួនាទី​យ៉ាងសំខាន់​សម្រាប់​ការពិគ្រោះ​យោបល់ និង​ជំរុញ​កិច្ចសហប្រតិបត្តិការ​ការពា​រ​ជាតិ​ខ្ពស់បំផុត​នៅក្នុង​តំបន់ ដោយមាន​គោលបំណង​លើកកម្ពស់​ភាពជឿជាក់ និង​ទំនុកចិត្ត​ទៅវិញទៅមក តាមរយៈ​តម្លាភាព និង​ការបើកចំហ​។ កិច្ចប្រជុំ​នេះ ក៏​ជា​វេទិកា​ដ៏​មាន​ប្រសិទ្ធភាព​សម្រាប់​កិច្ចសហប្រតិបត្តិការ​ជាក់ស្តែង​ក្នុង​តំបន់ ដើម្បី​ជំនះ​នូវ​រាល់ បញ្ហា​ប្រឈម ដែល​កំពុង​កើតមាន ហើយ​វា​ក៏​ផ្ដល់នូវ​សារសំខាន់ ដើម្បី​បន្ត​កិច្ចការងារ ដែល​បានធ្វើ​រួមគ្នា​កន្លង​មកឱ្យ​កាន់តែ​រឹងមាំ​ផងដែរ​៕

ដោយ ៖ កោះ​កែវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម