ព័ត៌មានជាតិ
លោក ប្រាក់ សុខុន ៖ កម្ពុជាមិនអាចបង្គាប់បញ្ជា តែមីយ៉ាន់ម៉ាអាចយកបទពិសោធន៍សន្តិភាពពីកម្ពុជាបាន
ថ្លែងប្រាប់អ្នកសារព័ត៌មាន ខណៈពេលដឹកនាំប្រតិភូចេញទៅបំពេញទស្សនកិច្ចនៅមីយ៉ាន់ម៉ា នាព្រឹកថ្ងៃទី ២៩ ខែមិថុនានេះ លោកឧបនាយករដ្ឋមន្ត្រី ប្រាក់ សុខុន ក្នុងនាមប្រេសិតពិសេសរបស់ប្រធានអាស៊ាន ស្តីពី មីយ៉ាន់ម៉ា បានមានប្រសាសន៍ថា ក្នុងនាមប្រេសិតពិសេសរបស់ប្រធានអាស៊ាន មិនអាចបង្គាប់បញ្ជាទៅមីយ៉ាន់ម៉ាឲ្យអនុវត្តតាមកម្ពុជាឡើយ។ ប៉ុន្តែមីយ៉ាន់ម៉ា អាចដកបទពិសោធន៍សន្តិភាពពីកម្ពុជា ដើម្បីអនុវត្តការបង្រួបបង្រួម និងស្ថិរភាពក្នុងប្រទេសរបស់ខ្លួន។
ទាក់ទងដល់ដំណើរទស្សនកិច្ច លោកឧបនាយករដ្ឋមន្រ្តី ប្រាក់ សុខុន បានបញ្ជាក់ថា ដំណើរទស្សនកិច្ចនាពេលនេះ មានគោលដៅចំនួន ៣ រួមមាន៖ ១.កាត់បន្ថយអំពើហិង្សា ឬគោរពដល់ការអនុវត្តបទឈប់បាញ់, ២. បញ្ហាជំនួយមនុស្សធម៌, ៣.ការកសាងទំនុកចិត្តគ្នា ដើម្បីឆ្ពោះទៅរកការចចារថ្នាក់ជាតិ។
សេចក្តីប្រកាសព័ត៌មានពីក្រសួងការបរទេស បានឲ្យដឹងដែរថា ដំណើរការទស្សនកិច្ច របស់លោកឧបនាយករដ្ឋមន្រ្តី ប្រាក់ សុខុន លើកនេះ មានគោលបំណង តាមដានវឌ្ឍនភាពនៃការអនុវត្តការព្រមព្រៀងជាឯកច្ឆន្ទ ៥ ចំណុច និងលទ្ធផលនៃកិច្ចប្រជុំពិគ្រោះយោបល់ ស្តីពី ជំនួយមនុស្សធម៌របស់អាស៊ានសម្រាប់មីយ៉ាន់ម៉ា ដែលបានប្រព្រឹត្តិទៅកាល ពីថ្ងៃទី ៦ ខែឧសភា ឆ្នាំ ២០២២ នៅរាជធានីភ្នំពេញ និងដើម្បីរួមចំណែកដល់ការបង្កើតបរិយាកាសអំណោយផល សម្រាប់ដំណើរការសន្ទនានយោបាយប្រកបដោយបរិយាប័ន្ន តាមរយៈការជួបពិភាក្សាជាមួយគ្រប់ភាគីពាក់ព័ន្ធ។
គួររំលឹកថា រយៈពេល ២ថ្ងៃមុនការបំពេញទស្សនកិច្ចការងារនៅមីយ៉ាន់ម៉ានាពេលនេះ លោកឧបនាយករដ្ឋមន្ត្រី ប្រាក់ សុខុន បានផ្ញើលិខិតទៅកាន់ក្រសួងការបរទេសមីយ៉ាន់ម៉ា ដោយបានទទូចឲ្យក្រុមប្រឹក្សារដ្ឋបាលរដ្ឋមីយ៉ាន់ម៉ា បញ្ជូនលោកស្រី អោងសាន ស៊ូជី ត្រឡប់ទៅកាន់លំនៅដ្ឋានវិញ ខណៈបច្ចុប្បន្នលោកស្រីត្រូវបានស្ថិត នៅក្នុងពន្ធនាគារទីក្រុងណៃពិដោ ប្រទេសមីយ៉ាន់ម៉ា៕
អត្ថបទ៖ កោះកែវ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា