Connect with us

ព័ត៌មានជាតិ

អភិបាល​ខេត្ត​កំពង់ចាម ធ្លាប់​​ធ្វើ​ជា​គ្រូបង្រៀន​​ជាង ៣ ឆ្នាំ​នៅ​ខេត្តព្រៃវែង​​ មុន​ឡើង​តំណែង​បន្ត​បន្ទាប់

បានផុស

នៅ

តាម​ជីវប្រវត្តិ​បាន​បញ្ជាក់​ថា លោក អ៊ុន ចាន់ដា ដែល​បច្ចុប្បន្ន​ជា​អភិបាល​ខេត្ត​កំពង់ចាម ធ្លាប់​ធ្វើ​ជា​គ្រូ​បង្រៀន​រយៈ​ពេល ៣ ឆ្នាំ​នៅ​ខេត្ត​ព្រៃវែង អំឡុង​ឆ្នាំ​២០០០ ដល់ ២០០៣។ លោក​ក៏​ធ្លាប់​ជា​មន្រ្តី​បម្រើការ​​ងារនៅ​ទីស្ដីការ​គណៈរដ្ឋមន្ត្រី​ មុន​ទទួល​តំណែង​ជា​បន្តបន្ទាប់​មក​ដល់​បច្ចុប្បន្ន​នេះ។

លោក អ៊ុន ចាន់ដា កើតនៅថ្ងៃទី១១ ខែកក្កដា ឆ្នាំ ១៩៧៦ នៅ​ភូមិ​ចំរេះ ឃុំ​គោល ស្រុក​សណ្ដាន់ ខេត្ត​កំពង់ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បាន​បញ្ចប់​ការ​សិក្សា​មធ្យម​សិក្សា​កម្រិត II នៅ​ឆ្នាំ​១៩៩៤ និង​នៅ​ឆ្នាំ ១៩៩៩ បញ្ចប់​ថ្នាក់​បរិញ្ញាប័ត្រ​វិទ្យាសាស្រ្តគីមី នៅសាកលវិទ្យាល័យភូមិន្ទភ្នំពេញ។ បន្ត​មក​នៅ​ឆ្នាំ ២០០៦ បាន​បញ្ចប់​ថ្នាក់​បរិញ្ញាបត្រ​ជាន់ខ្ពស់​ពាណិជ្ជសាស្រ្ត នៅ​សាកលវិទ្យាល័យ​ជាតិ​គ្រប់គ្រង។

នៅ​ឆ្នាំ ២០១៤ លោក​បាន​ចូល​ជាកម្មសិក្សាការីជាន់ខ្ពស់នៅសាលាភូមិន្ទរដ្ឋបាល និង​នៅ​​ឆ្នាំ ២០១៦ បាន​ទទួល​វិញ្ញាបនបត្រ​បញ្ជាក់​ការសិក្សា​ជំរុញកំណែទម្រង់​អភិបាលកិច្ចល្អ​សម្រាប់​មន្ត្រីរាជការ​នៅ​សាលា​ភូមិន្ទរដ្ឋបាល។

ទាក់ទង​ប្រវត្តិ​ការងារ​វិញ​ អំឡុង​ឆ្នាំ​២០០០ ដល់ ២០០៣ លោក​បង្រៀន​កម្រិត​​មធ្យមសិក្សា​ទុតិយភូមិនៅ​វិទ្យាល័យ​ពាមរក៍​ខេត្ត​ព្រៃវែង។ បន្ត​មកពីឆ្នាំ២០០៣ ដល់​ឆ្នាំ ២០១១ ជា​ប្រធាន​ផ្នែក​កាត់បន្ថយភាព​ក្រីក្រនៅទីស្ដីការគណៈរដ្ឋមន្ត្រី។

នៅ​ខែ​កក្កដា ឆ្នាំ២០១១ លោក​បាន​​ទទួល​ការ​តែងតាំង​ជាអភិបាលរង​ខេត្តព្រះវិហារ និង​ខែ​សីហា​ឆ្នាំ២០១៦ បាន​ឡើង​ជា​អភិបាលខេត្តព្រះវិហារ។ ក្រោយ​មក​លោក​ត្រូវ​បានផ្ទេរ​មក​កាន់តំណែង​ជាអភិបាលខេត្តកំពង់ចាម នៅ​ខែមិថុនា ឆ្នាំ២០១៩ ជំនួស​លោក គួច ចំរើន ដែល​ផ្ទេរភារកិច្ច​ទៅដឹកនាំនៅ​ខេត្តព្រះសីហនុ។

ដោយ​ឡែក​ក្នុង​ចំណង​​គ្រួសារ​វិញ លោក​បាន​រៀប​អាពាហ៍ពិពាហ៍​ជាមួយ​លោកជំទាវ ញូង ចរិយា ដែល​បច្ចុប្បន្ន​ជា​ប្រធានកិត្តិយស សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកំពង់ចាម៕


 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

ភ្ញៀវទេសចរជាង១ម៉ឺននាក់ បានមកទស្សនាព្រឹត្តិការណ៍ថ្ងៃរះចំកំពូលកណ្តាលប្រាសាទអង្គរវត្ត

ជីវិតកម្សាន្ដ៤ នាទី មុន

តារាចម្រៀង ណូយ វណ្ណា ក្លាយជាជនរងគ្រោះក្នុងការទិញដីឡូត៍គម្រោងទី ៣០ ម៉ន ដានី ខេត្តកំពត

ព័ត៌មានជាតិ១៣ នាទី មុន

អគ្គនាយកអន្តោប្រវេសន៍ ប្រាប់មន្ត្រីជួយសម្រួលដល់ពលករដែលត្រឡប់ពីថៃឱ្យបានល្អ នាឱកាសចូលឆ្នាំខ្មែរ

ព័ត៌មានអន្ដរជាតិ១៨ នាទី មុន

គ្រូពេទ្យភ្ញាក់ផ្អើល ក្រោយវះកាត់ឃើញដូងមួយផ្លែក្នុងរន្ធគូថបុរស តៃវ៉ាន់

ព័ត៌មានជាតិ២៣ នាទី មុន

ការដាក់ឱ្យដំណើរការរបបសន្តិសុខសង្គម ជាប្រវត្តិសាស្ត្រថ្មីមួយបន្ថែមទៀតសម្រាប់កម្ពុជា

Sokha Hotels

ព័ត៌មានពេញនិយម