ព័ត៌មានជាតិ
ប.ស.ស ចាប់ផ្តើមបណ្តុះបណ្តាលគ្រូបង្គោល ត្រៀមបើកយុទ្ធនាការផ្សព្វផ្សាយផ្នែកប្រាក់សោធនដល់កម្មករ
បេឡាជាតិសន្តិសុខសង្គម(ប.ស.ស.)បានចាប់ផ្តើមបើកវគ្គបណ្តុះបណ្តាលផ្ទៃក្នុងស្តីពី “របបសន្តិសុខសង្គមផ្នែកប្រាក់សោធន”ដល់បងប្អូនកម្មរនិយោជិតនាពេលខាងមុខ។
ក្រសួងការងារ និងបណ្តុះបណ្តាលវិជ្ជាជីវៈ បានដាក់ឱ្យអនុវត្តរបបសន្តិសុខសង្គមផ្នែកប្រាក់សោធននៅថ្ងៃទី ១ ខែកក្កដា ឆ្នាំ ២០២២ ។ ប៉ុន្តែក្រសួងទុករយៈពេល ៩០ ថ្ងៃ គឺចាប់ពីខែកក្កដា ដល់ដំណាច់ខែកញ្ញាឆ្នាំ ២០២២ ដើម្បីបើកយុទ្ធនាការផ្សព្វផ្សាយរបបសន្តិសុខសង្គមផ្នែកប្រាក់សោធន នៅតាមបណ្តាតំបន់សេដ្ឋកិច្ចពិសេស សួន ឧស្សាហកម្មរោងចក្រ សហគ្រាសគ្រឹះស្ថាន ទូទាំងរាជធានី ខេត្ត ក្រុង ស្រុកខណ្ឌ ដើម្បីឱ្យភាគីពាក់ព័ន្ធបានយល់ដឹងពីកាតព្វកិច្ចនិងផលប្រយោជន៍ដែលទទួលបានពីប្រាក់សោធននេះ។
ថ្លែងបើកវគ្គបណ្តុះបណ្តាលផ្ទៃក្នុងស្តីពី “របបសន្តិសុខសង្គមផ្នែកប្រាក់សោធន”កាលពីថ្ងៃទី ១៣កក្កដា លោក ហេង សុផាន់ណារិទ្ធ អគ្គនាយករង នៃបេឡាជាតិសន្តិសុខសង្គម បានមានប្រសាសន៍ថា វគ្គបណ្តុះបណ្តាលផ្ទៃក្នុងនេះធ្វើឡើង ក្នុងគោលបំណង ពង្រឹងសមត្ថភាព ឲ្យកាន់តែយល់ច្បាស់ពីរបបសន្តិសុខសង្គមផ្នែកប្រាក់សោធន ដើម្បីត្រៀមចុះយុទ្ធនាការផ្សព្វផ្សាយរបបសន្តិសុខសង្គមផ្នែកប្រាក់សោធន សម្រាប់បុគ្គលទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារនាពេលខាងមុខនេះជូនដល់គ្រូបង្គោល ដែលជាថ្នាក់ដឹកនាំ និងបុគ្គលិកនៃការិយាល័យអប់រំផ្សព្វផ្សាយ។
លោក ហេង សុផាន់ណារិទ្ធ បានលើកទឹកចិត្តដល់មន្ត្រី និងបុគ្គលិកជំនាញ ប.ស.ស.ប្រមាណជា ២៧ នាក់ ដែលនឹងក្លាយជាគ្រូបង្គោលទាំងអស់យកចិត្តទុកដាក់ក្នុងការរៀនសូត្រ ហើយប្រសិនបើមានកន្លែងណាដែរមិនច្បាស់ សូមកុំមានការខ្មាសអៀន និងត្រូវហ៊ានសួរ និងឆ្លើយទៅកាន់លោកគ្រូឧទ្ទេស ដើម្បីឲ្យវគ្គបណ្តុះបណ្តាលផ្ទៃក្នុងរបស់យើងដែលមានរយៈពេលដ៏ខ្លីនេះ ទទួលបាននូវគុណតម្លៃ និងប្រកបដោយគុណភាព ដើម្បីយកចំណេះដឹងដែលទទួលបាន ចុះទៅផ្សព្វផ្សាយដល់សាធារណជន ក៏ដូចជានិយោជក និងកម្មករនិយោជិតឲ្យយល់ច្បាស់ពីរបបសន្តិសុខសង្គមផ្នែកប្រាក់សោធន។
លោកបណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈរំពឹងថា នៅក្នុងរយៈពេល ៣ ខែមុន នឹងអនុវត្តជាផ្លូវការនៅខែតុលាខាងមុខនេះ ក្រុមការងារផ្សព្វផ្សាយរបស់បសសនឹងខិតខំធ្វើយ៉ាងណាបញ្ជ្រាបពីរបបសន្ដិសុខសង្គមផ្នែកសោធននេះដល់កម្មករនិយោជិតឱ្យបានយ៉ាងហោចណាស់ ៨០ ភាគរយដែរ ដើម្បីឱ្យការអនុវត្តរបបសន្តិសុខផ្នែកសោធននេះប្រកបដោយលូន៕
អត្ថបទ៖ សំអឿន
-
ព័ត៌មានជាតិ៧ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៤ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានអន្ដរជាតិ១៨ ម៉ោង agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានជាតិ១ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានជាតិ៦ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានអន្ដរជាតិ៧ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ៦ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៧ ថ្ងៃ agoខ្លាំងដូចការប្ដេជ្ញាមែន! ក្រុមបាល់ទះបឋមសិក្សាខេត្តព្រៃវែង ឈ្នះមេដាយមាស និងបិទដៃគូឲ្យបានតែជាង ១០ពិន្ទុប៉ុណ្ណោះ