ព័ត៌មានជាតិ
លោកបណ្ឌិត សុខ ទូច កំពុងពឹងឧកញ៉ាម្នាក់ឲ្យជួយវិនិយោគផលិត «ស្រាស» របស់ខ្មែរ
នៅក្នុងកិច្ចពិភាក្សាតុមូល ស្ដីពី «អាស៊ាននៅចម្លោះចិន និងអាមេរិកក្នុងបរិបទថ្មី» នៅព្រឹកថ្ងៃទី ១៤ ខែកក្កដា ឆ្នាំ ២០២២នេះ លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា បានលើកឡើងថា ការជំរុញកម្លាំងផលិតនៅក្នុងស្រុក ប្រសើរជាងអង្គុយរង់ចាំទិញទំនិញនាំចូលពីក្រៅប្រទេស។ ក្នុងនោះដែរ លោកបណ្ឌិត សុខ ទូច បានបង្ហាញគម្រោងចង់វិនិយោគផលិត «ស្រាស» របស់ខ្មែរ។
លោកបណ្ឌិត សុខ ទូច លើកឡើងដូច្នេះថា «ខ្ញុំកំពុងទៅថ្វាយបង្គំលោកឧកញ៉ាមួយរូប ដើម្បីធ្វើឲ្យកម្ពុជាមាន «ស្រាស» របស់ខ្លួនឯងមួយ ដូចសម័យព្រះករុណា សីហនុ»។
ការស្នើសុំវិនិយោគផលិតស្រាសនេះ ស្របពេលបច្ចុប្បន្នកម្ពុជា ក៏មានកន្លែងផលិតស្រាសខ្មែរ ជាយូរមកហើយ។ ប៉ុន្តែសម្រាប់ការផលិត មិនទាន់ស្របតាមបទដ្ឋានបច្ចេកទេស និងស្ដង់ដារត្រឹមត្រូវ ហើយគ្មាននិមិត្តសញ្ញានោះទេ។ ការផលិតស្រាសរបស់ប្រជាជនកម្ពុជា គឺជាការផលិតបែបបុរាណ ដែលពេលខ្លះ បង្កឲ្យមានករណីពុលស្លាប់ជាញឹកញាប់ ផងដែរ។
បន្ថែមពីនេះ លោកបណ្ឌិត សុខ ទូច អះអាងថា កម្ពុជាមានវត្ថុធាតុដើមយ៉ាងសំបូរបែប ដែលអាចយកមកកែច្នៃជាផលិតផលច្រើនមុខ ដើម្បីផ្គត់ផ្គង់នៅក្នុងស្រុក និងអាចឈានទៅផលិតជាផលិតផលតំណាងឲ្យប្រទេសកម្ពុជា សម្រាប់ការនាំចេញទៅកាន់ទីផ្សារអន្តរជាតិ។
បើតាមប្រធានរាជបណ្ឌិត្យសភាកម្ពុជារូបនេះ ការជំរុញផលិតកម្មនៅក្នុងស្រុក គឺពិតជាមានសារៈសំខាន់ សម្រាប់ការបង្កើនកម្លាំងផលិត និងទ្រទ្រង់កម្លាំងពលកម្ម។ លោកសង្កត់ធ្ងន់ថា បើត្រឹមជាប្រទេសលក់វត្ថុធាតដើម គឺគ្មានប្រយោជន៍ និងគ្មានប្រសិទ្ធភាពនោះទេ។ ប៉ុន្តែប្រសិនបើកម្ពុជា ក្លាយជាប្រទេស មានផលិតផលកែច្នៃសម្រាប់ផ្គត់ផ្គង់នៅទីផ្សារក្នុង និងក្រៅស្រុក ទើបជាការប្រសើរ និងមានមោទនភាពជាតិ៕
អត្ថបទ៖ ធឿន វ៉ាន់សុង
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១០ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore