Connect with us

ព័ត៌មានជាតិ

មនុស្ស ២៥ នាក់ ត្រូវបានឃុំខ្លួនពាក់ព័ន្ធនឹងបទល្មើសនេសាទ​បឹងទន្លេសាប​​

បានផុស

នៅ

មន្ត្រីក្រសួងកសិកម្ម រុក្ខាប្រមាញ់ និងនេសាទ ​បានឱ្យដឹងថា ករណីបទល្មើសនេសាទ​នៅបឹង​ទន្លេ​សាប​សមត្ថកិច្ច​បង្ក្រាបបានស្ទើតែទាំងស្រុង ខណៈមនុស្សចំនួន ២៥ នាក់ត្រូវបានឃុំខ្លួន និងរឹបអូសឧបរណ៍នេសាទជាច្រើនប្រភេទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពុំ សុថា ប្រធានរដ្ឋបាលជលផល នៃក្រសួងកសិកម្ម បានឱ្យដឹងនៅក្នុងសន្និសីទសារព័ត៌មានស្ដីពី សមិទ្ធផលសម្រេចបានរយៈពេល ៥ឆ្នាំ របស់ក្រសួងកសិកម្មនៅថ្ងៃទី ១៩ ខែកក្កដានេះថា រដ្ឋបាលជលផល​បាន​សហ​ការជាមួយកម្លាំងសមត្ថកិច្ចចម្រុះ បានធ្វើការចុះបង្ក្រាបបទល្មើសនេសាទជាប្រចាំ ដែលបច្ចុប្បន្នកំពុង​ឈរ​ជើងនៅ២ទីតាំងលើផ្ទៃបឹងទន្លេសាប ស្ថិតនៅភូមិជ្រោយស្ដី ខេត្តពោធិ៍សាត់ និងកំពង់ភ្លុក​ខេត្ត​សៀម​រាប។

លោក ពុំ សុថា «ឧបករណ៍អួន ឧបករឆក់ក្ដៅ នៅក្នុងបឹងទន្លេសាបយើងបង្ក្រាបបានសឹងតែទាំងស្រុង ឥឡូវនេះនៅតែរបាំងដែលប្រជានេសាទប្រើ ប៉ុន្តែប្រឈមនឹងក្រឡាតូច»។ លោកសុំឱ្យប្រជានេសាទចូលរួមគិតកុំធ្វើក្រឡារបាំងតូច ខណៈដែននេសាទកាន់តែរួមតូចដោយសារបម្រែបម្រួលអាកាសធាតុ និងតម្រូវការទឹកប្រើច្រើនធ្វើឱ្យកម្ពស់ទឹកកាន់តែទាប ធ្វើឱ្យធនធានជលផលកាន់តែថយចុះ។

លោក ពុំ សុថាបន្តថា «ឥឡូវនេះប្រជានេសាទសំណូមពរធ្វើក្រឡារបាំងឱ្យតូចត្រឹ ១.៥០ សង់ទីម៉ែត្រ ខណៈតាមច្បាប់តម្រូវឱ្យប្រើសាច់អួន ក្រឡា ៣ សង់ទីម៉ែត្រ»។ លោក ពុំ សុថា អះអាងថាការសំណូមពរនេះ គឺក្រឡាតូចណាស់ត្រីមិនអាចធំទាន់ក្នុងការចាប់ទេ។

ការបង្ក្រាបបទល្មើសនេសាទនៅបឹងទន្លេសាបអាជ្ញាធររឹបអូសឧបករអួនទឹកសាបចំនួន ៤០ វង់ ម៉ាញ់ ១៤ វង់ ឆក់ត្រជាក់ ឆក់ក្ដៅ ១២៨៨ គ្រឿង ឈិបយួន ២១ គ្រឿង អួនហ៊ុម ១៩ វង់ ស្បៃមុង និងសាច់អួន ២៣៦ ៣២៩ ម៉ែត្រ ក្នុងនោះមានលូ ឬលប ២ ២៦១ និងបង្គោលជិត ១៥ ម៉ឺនដើម កាណូត ១០៥ គ្រឿង ម៉ាស៊ីន ៧៧គ្រឿង បានបញ្ជូនសំណូមរឿងទៅតុលាការ ៥០ ករណី ចេញដីការកោះ ១៩ នាក់ និងឃុំខ្លួន ២៥ នាក់៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ១៨ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ៣០ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤៥ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ៥៩ នាទី មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម