ព័ត៌មានជាតិ
សម្តេចក្រឡាហោម ស ខេង សម្រេចបង្កើតក្រុមការងារដោះស្រាយសំណើរបស់មហាជនក្នុង Facebook
សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេចបង្កើតក្រុមការងារតាមដានការដោះស្រាយសំណើ សំណូមពរ និងមតិយោបល់របស់មហាជន ដែលបានលើកឡើងនៅក្នុង Facebook Page ដែលក្នុងនោះមានអនុរដ្ឋលេខាធិកាក្រសួងមហាផ្ទៃ ជាប្រធាន។ នេះបើយោងតាមសេចក្តីសម្រេច ដែលបណ្តាញព័ត៌មានយើងទទួលបាន នៅព្រឹកថ្ងៃទី ២០ ខែកក្កដា ឆ្នាំ ២០២២នេះ។
បើតាមសេចក្តីសម្រេចនោះ ក្រុមការងារនេះដឹកនាំដោយលោកនាយឧត្តមសេនីយ៍ ជា សុគន្ធា អនុរដ្ឋលេខាធិការក្រសួងមហាផ្ទៃ និងជានាយករងខុទ្ធកាល័យសម្តេចក្រឡាហោម ស ខេង ជាប្រធាន, នាយឧត្តមសេនីយ៍ កែវ វណ្ណថន អគ្គនាយករងអន្តោប្រវេសន៍ ជាអនុប្រធាន និងឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ ជាអនុប្រធាន និងមានអនុប្រធាន និងសមាជិកសរុបចំនួន ២៣រូបទៀត។
ក្រុមការងារនេះ មានភារកិច្ច៖ ទទួលគ្រប់គ្រងការងារបច្ចេកទេស នៃទំព័រហ្វេសប៊ុករបស់សម្ដេចក្រឡាហោម ស ខេង, ផ្សព្វផ្សាយព័ត៌មានតាមបណ្ដាញទំនាក់ទំនងសង្គម (ហ្វេសប៊ុក វេបសាយ កម្មវិធីលើទូរស័ព្ទដៃ និងបណ្ដាញអនឡាញ) នូវរាល់សកម្មភាពការងាររបស់សម្ដេចក្រឡាហោម ក្នុងបេសកម្មបម្រើប្រទេសជាតិ និងប្រជាជន ស្របតាមកម្មវិធីនយោបាយរបស់រាជរដ្ឋាភិបាល, ដកស្រង់សំណើសំណូមពរ និងមតិយោបល់របស់មហាជន ពាក់ព័ន្ធនឹងសមត្ថកិច្ចរបស់ក្រសួងមហាផ្ទៃក្នុង Facebook ដើម្បីគោរពជូនសម្ដេចក្រឡាហោមជ្រាប និងពិនិត្យផ្ដល់មតិ, បញ្ជូនឯកសារតាមចំណារដ៏ខ្ពង់ខ្ពស់របស់សម្ដេចក្រឡាហោម ទៅបណ្ដាអគ្គនាយកដ្ឋាន អង្គភាពពាក់ព័ន្ធ រដ្ឋបាលរាជធានី-ខេត្ត ដើម្បីពិនិត្យ និងដោះស្រាយតាមសមត្ថកិច្ច ហើយឆ្លើយតប នៃការដោះស្រាយទៅម្ចាស់គណនីវិញ តាមគោលការដឹកនាំដ៏ខ្ពង់ខ្ពស់របស់សម្ដេចក្រឡាហោម៕
អត្ថបទ៖ កោះកែវ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)