សន្តិសុខសង្គម
សមត្ថកិច្ចចុះបង្ក្រាបបទល្មើសនេសាទនៅស្រុកកំពង់លែងកម្ទេចស្បៃមុងជាង ២ ពាន់ម៉ែត្រ
លោក ហូរ ប៊ុនថន អភិបាលរងស្រុកកំពង់លែងនៅព្រឹកថ្ងៃទី ៣ ខែសីហា ឆ្នាំ២០២២នេះបានឱ្យដឹងថា សមត្ថកិច្ចចម្រុះនៅស្រុកកំពង់លែងបានចេញប្រតិបត្តិការបង្ក្រាបបទល្មើសនេសាទក្នុងឃុំចំនួន៣ នៅស្រុកកំពង់លែង ខេត្តកំពង់ឆ្នាំង។
ក្នុងកិច្ចប្រតិបត្តិការបង្ក្រាបបទល្មើសនេសាទ ៣គោលដៅខាងលើនេះប្រើប្រាស់កម្លាំងចម្រុះសរុបចំនួន ២២ នាក់ ក្នុងនោះមាននគរបាលប៉ុស្តិ៍ ៦ នាក់ ក្រុមប្រឹក្សាឃុំ ១នាក់ប្រជាការពារ ៦ នាក់ មន្ត្រីបរិស្ថាន ១នាក់ និងសហគមន៍នេសាទ០៦ នាក់ ដោយប្រើប្រាស់កាណូតបាឡាស្មាច់ចំនួន ០៦ គ្រឿង។
គោលដៅចុះបង្ក្រាបក្នុងឃុំសំរោងសែន ក្នុងឃុំកំពង់ហៅនៅចំណុចស្វាយរអាច្រាំងចាស់ក្នុងភូមិដូនវៀត និងឃុំផ្លូវទូកចំណុចព្រែកលួង កោះខ្ចៅ បឹងរហាល និងបឹងផ្សោត។
លទ្ធផលនៃការបង្ក្រាបបំផ្លាញចោលនៅនឹងកន្លែងរបាំងស្បៃមុង ៨ កន្លែង មានប្រវែង ២ ៥៩០ ម៉ែត្រ លបលូស្បៃមុង ២៤ លបបង្គោលរបាំងលប ៣៣៥ ដើម និងចាក់លេងកូនត្រីចំរុះចំនួន ៩៥គីឡូចូលក្នុងទន្លេធម្មជាតិវិញ។
លោក ងិន ហ៊ុន ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំង ក៏បានឱ្យដឹងដែរថាក្រោយពីមានបទបញ្ជារបស់ប្រមុខរាជរដ្ឋាភិបាល គណៈបញ្ជាការឯកភាពរដ្ឋបាលខេត្តកំពង់ឆ្នាំងបានបង្កើតទីបញ្ជាការស្រាល របស់សមត្ថកិច្ចចម្រុះចំនួន ៥ ស្រុក ក្នុងនោះមានស្រុកបរិបូណ៌ ស្រុកកំពង់លែង ស្រុកជលគិរី ស្រុកកំពង់ត្រឡាច និងក្រុងកំពង់ឆ្នាំង។
នៅក្នុងទីបញ្ជាការស្រាលនិមួយៗ មានការសហការពីកងកម្លាំងប្រដាប់អាវុធទាំង៣ប្រភេទ មន្ត្រីបរិស្ថាន មន្ត្រីជលផល ប្រជាការពារតាមមូលដ្ឋាន សហគមន៍នេសាទ និងគណៈបញ្ជាការឯកភាពស្រុក ចូលរួមដឹកនាំបង្ក្រាបបទល្មើសនេសាទនៅក្នុងភូមិសាស្ត្ររបស់ស្រុកនេះមួយៗផងដែរ។
ក្នុងនោះតាមគោលការណ៍របស់គណៈបញ្ជាការឯកភាពរដ្ឋបាលខេត្តគឺទីបញ្ជាការស្រាលដែលមានលោកអភិបាលរងខេត្តមួយរូប ត្រូវដឹកនាំកម្លាំងចម្រុះចុះបង្ក្រាបបទល្មើសជាប្រចាំដូចភ្លៀងរលឹម ដោយមិនអនុញ្ញាតឱ្យកើតមានបទល្មើសនេ សាទនៅក្នុងតំបន់ដែលខ្លួនទទួលខុសត្រូវនោះឡើយ។ តែបើមានបទល្មើសនេសាទនៅក្នុងតំបន់ណាមួយនោះ គណៈបញ្ជាការឯកភាពស្រុក និងទីបញ្ជាការស្រាលនោះត្រូវទទួលខុសត្រូវជាមួយថ្នាក់ខេត្ត និងថ្នាក់លើ៕
អត្ថបទ៖ ឈៀងថារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង