ព័ត៌មានជាតិ

ច្រកទ្វារតំបន់ម៉ាឡៃព្រំដែនកម្ពុជា-ថៃត្រូវបើកដំណើរការឡើងវិញតែអនុវត្តតាមវិធានការក្រសួងសុខាភិបាលទាំងពីរ

បានផុស

៤ years មុន

នៅ

ថ្ងៃអង្គារ ៩ សីហា ២០២២

ដោយ

បន្ទាយមានជ័យ ៖ អាជ្ញាធរស្រុកម៉ាឡៃ ខេត្តបន្ទាយមានជ័យ និងស្រុកអារញ្ញប្រាថេត ខេត្តស្រះកែវ ប្រទេសថៃក្នុងជំនួបស្តីពីការកំណត់ស្តីពីវិធានការបើកច្រកតំបន់សេដ្ឋកិច្ច ភូមិណងព្រី~ម៉ាឡៃ(បើកច្រកចេញចូលកម្ពុជា-ថៃ ចំណុចព្រំដែនម៉ាឡៃ) និងបញ្ហាផ្សេងៗនៅសាលាស្រុកម៉ាឡៃ កាលពីរសៀលថ្ងៃទី០៩ ខែសីហា ឆ្នាំ២០២២ម្សិលមិញនេះបានសម្រេចបើកឡើងវិញចាប់ពីកិច្ចប្រជុំចប់តែអនុវត្តតាមវិធានការក្រសួងសុខាភិបាលនៃប្រទេសទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស សំណាងប្រធានស្នាក់ការច្រកទ្វារ តំបន់ម៉ាឡៃ បានឱ្យដឹងថា ក្រោយពីកិច្ចប្រជុំទ្វេភាគីរវាងអាជ្ញារធរ ស្រុកម៉ាឡៃជាមួយអាជ្ញារធរស្រុកអារញប្រទេសថៃ ទីតាំងទីបានឯកភាពគ្នាបើកឲ្យដំណើរការច្រកតំបន់តម្លៃនេះឡើងវិញ បន្ទាប់ពីកិច្ចប្រជុំចប់តែម្ដង លក្ខខណ្ឌក្នុងការបើកឲ្យដំណើរការឡើងវិញនេះពុំមានលក្ខខណ្ឌអ្វីដែលពិបាកនិងស្មុគស្មាញក្នុងការឆ្លងដែនរបស់ប្រជាពលរដ្ឋទាំងពីរឡើយគឺរក្សាភាពដើមមានន័យថាពីមុនច្រកតំបន់ម៉ាឡៃជាមួយថៃដំណើរការអោយចេញចូលយ៉ាងនោះវិញ។

សូមបញ្ជាក់ថា ច្រកទ្វារតំបន់ម៉ាឡៃបានបិទដំណើរការមិនឲ្យពលរដ្ឋទាំងប្រទេសចេញចូលចាប់តាំងពីការផ្ទុះនៃជំងឺកូវីដ១៩អនុញាតអោយតែរថយន្តដឹកទំនិញចេញចូលប្រមាណជាពីឆ្នាំមកហើយ។ ហើយក្នុងមួយរយៈកន្លងមកនេះ ច្រកនេះជាច្រកមួយដ៏សំខាន់ក្នុងការនាំទំនិញចេញចូលរវាងប្រទេសទាំងពីរពិសេសពីកម្ពុជានាំកសិផលមានដំឡូង ពោតជាដើម។ ឯថៃនាំទំនិញគ្រប់បែបយ៉ាងចូលមកកម្ពុជា៕

ដោយ ៖ អ.ពៅ