ព័ត៌មានជាតិ
សម្ដេច ស ខេង អះអាងថា កម្ពុជាមានឆន្ទៈយ៉ាងមុតមាំក្នុងការងារប្រឆាំងអំពើជួញដូរមនុស្ស
សម្ដេច ស ខេង រដ្ឋមន្ត្រីក្រសួងមហាផ្ទៃ អះអាងថា រាជរដ្ឋាភិបាលកម្ពុជា មានឆន្ទៈយ៉ាងមុតមាំក្នុងការងារប្រយុទ្ធប្រឆាំងអំពើជួញដូរមនុស្ស បើទោះបីជាក្រសួងការបរទេសអាមេរិកបានសម្រេចដាក់ចំណាត់ថ្នាក់កម្ពុជាថា ជាប្រទេសគ្មានឆន្ទៈក្នុងការប្រយុទ្ធប្រឆាំងអំពើជួញដូរមនុស្សនេះក៏ដោយ។ សម្ដេច អះអាងបែបនេះ នៅក្នុងកិច្ចប្រជុំផ្សព្វផ្សាយផែនការប្រតិបត្តិការបង្កើនការប្រយុទ្ធប្រឆាំងគ្រប់ទម្រង់នៃអំពើជួញដូរមនុស្ស ជួញដូរពលកម្ម និងអាជីវកម្មផ្លូវភេទ កាលពីថ្ងៃអង្គារ។
សម្ដេចក្រឡាហោម ស ខេង ថ្លែងដូច្នេះថា៖ «រាជរដ្ឋាភិបាលកម្ពុជា ដែលមានគណៈកម្មាធិការជាតិប្រយុទ្ធប្រឆាំងអំពើ ជួញដូរមនុស្ស ជាសេនាធិការ បានខិតខំប្រឹងប្រែងប្រកបដោយឆន្ទៈក្នុងការងារប្រយុទ្ធប្រឆាំងអំពើជួញដូរមនុស្ស»។ ឆ្លើយតបនឹងការរិះគន់របស់សហរដ្ឋអាមេរិកនេះ គឺសម្ដេចក្រឡាហោម បញ្ជាក់ថា បើទោះជាភាគីអាមេរិក ដាក់ចំណាត់ថ្នាក់បែបណាក៏ដោយ ប៉ុន្តែកម្ពុជា ចាត់ទុកចំណាត់ថ្នាក់នេះ ជាមូលដ្ឋានគ្រឹះមួយក្នុងការបន្តការងារប្រយុទ្ធប្រឆាំងអំពើ ជួញដូរមនុស្សរបស់ខ្លួនដែរ។
សម្ដេចសង្កត់ធ្ងន់ថា តាមរយៈការប្តេជ្ញាចិត្តរបស់រាជរដ្ឋាភិបាល និងការធ្វើពលិកម្មយ៉ាងសកម្មរបស់ក្រសួងស្ថាប័នមានសមត្ថកិច្ចគ្រប់ជាន់ថ្នាក់ បាននាំឲ្យអំពើល្មើសទាំងនេះកាត់បន្ថយ និងធ្វើឲ្យសង្គមកម្ពុជាមានសុខសុវត្ថិភាព សន្តិសុខ និងមានការវិវត្តរីកចម្រើនជឿនលឿន ដោយបានចៀសផុតពីគ្រោះថ្នាក់បង្កដោយអំពើជួញដូរមនុស្ស ជួញដូរពលកម្ម និងជួញដូរផ្លូវភេទជាបន្តបន្ទាប់។ ប៉ុន្តែទោះជាយ៉ាងនេះក្តី កម្ពុជានៅមានបញ្ហាប្រឈមសេសសល់មួយចំនួនផងដែរ ដែលបង្កឡើងដោយមហិច្ឆតារបស់ឧក្រិដ្ឋជន៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ