Connect with us

ព័ត៌មានជាតិ

រដ្ឋបាលរាជធានី​ចាត់ទុក​សកម្មភាព​ប្រមូលផ្ដុំតវ៉ារបស់​អតីតបុគ្គលិកណាហ្គាជាង​ ៩០ នាក់ធ្វើឡើង​ដោយខុសច្បាប់

បានផុស

នៅ

​ក្រុមបាតុករដែលជា ​អតីតបុគ្គលិក ​និងបុគ្គលិកក្រុមហ៊ុនណាហ្គា វើលដ៏ ប្រមាណជា ៩០នាក់ បន្តប្រមូល​ផ្តុំធ្វើបាតុកម្មខុសច្បាប់នៅកណ្តាលមហាវិថីសម្តេចសុធារសដោយធ្វើដំណើរលើទ្រូងផ្លូវ​ ចាប់​ពីមុខ​ចំណុចផ្សារទំនើបអ៊ីអន១ មកដល់ចំណុចសួនច្បារមុខសកលវិទ្យាល័យបៀលប្រាយ ហើយ​បានបំផ្លាញប៉ារាសជិត២០ផ្ទាំង រហូតមានការប៉ះទង្គិចគ្នាតិចតួចជាមួយសមត្ថកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​នៅយប់ថ្ងៃទី ១១ ខែសីហា ឆ្នាំ២០២២នេះ អ្នកនាំពាក្យរដ្ឋបាលរាជធានីភ្នំពេញ បានចេញសេចក្តី​ប្រកាស​ព័ត៌មានមួយ ពាក់ព័ន្ធ ការប្រមូលផ្តុំតវ៉ាដោយខុសច្បាប់របស់អតីតបុគ្គលិកក្រុមហ៊ុនណាហ្គាវើលដ៏នេះ និងបានអំពាវនាវបញ្ឈប់ធ្វើសកម្មភាពខុសច្បាប់នាំឱ្យប៉ះពាល់ដល់សន្តិសុខ សណ្តាប់ធ្នាប់ និងរបៀបរៀបរយសាធារណៈ។

​នៅក្នុងសេចក្តីប្រកាសព័ត៌មាននេះ​បានបង្ហាញថា​នៅរសៀលថ្ងៃទី១១ ខែសីហា ឆ្នាំ២០២២​ វេលាម៉ោង ១៤៖០០នាទី ​ក្រុមបាតុករជាអតីតបុគ្គលិក និងបុគ្គលិក ក្រុមហ៊ុន ណាហ្គា វើលដ៏​ ប្រមាណជា ៩០នាក់ បានបន្តមកប្រមូលផ្តុំគ្នាធ្វើបាតុកម្មខុសច្បាប់​នៅកណ្តាលមហាវិថី​សម្តេច​សុធារស។

​ដូចសព្វមួយដង ក្រោមការរៀបចំផែនការរួចជាស្រេចរបស់ក្រុមមនុស្ស​មួយក្តាប់តូចដែល​នៅពីក្រោយ​ការរៀបចំឈុតឆាកសម្តែង ក្នុងន័យបង្កើតរូបភាពអវិជ្ជមាន បង្កការប៉ះពាល់ដល់​មុខមាត់អាជ្ញាធរគ្រប់ជាន់ថ្នាក់ ក្រុមនេះបានបន្តធ្វើសកម្មភាពអាណាធិបតេយ្យ​យ៉ាងគគ្លើនជា​ដដែលៗ។ ជាក់ស្តែងនៅវេលាម៉ោង ១៥៖១៥នាទី ពួកគេបានរៀបចំបង្កើតឱ្យមានព្រឹត្តិការណ៍​ផ្សេងៗ​ដើម្បីទម្លាក់កំហុសមកលើអាជ្ញាធរអនុវត្តច្បាប់ (ថាបានប្រើអំពើហិង្សាលើបាតុករ)។

ក្រុមនេះក៏បានធ្វើសកម្មភាពញុះញង់ ដុតកម្តៅ បញ្ឆេះកំហឹង បន្តការជេរប្រមាថម​កលើមន្រ្តី​សាធារណៈ ហើយថែមទាំងជាន់កម្ទេចបំផ្លាញប៉ារាស ធ្វើឱ្យខូចខាតជិត ២០ផ្ទាំង ហើយសមត្ថកិច្ច​នៅតែបន្តស្រាក់ដៃគ្នាធ្វើជាប៉ារាសការពារដើម្បីរក្សាសណ្តាប់ធ្នាប់សាធារណៈ ប៉ុន្តែពួកគេបាន​ប្រើហិង្សាថែមទៀត មកលើសមត្ថកិច្ច រហូតដល់មានការប៉ះទង្គិចគ្នាបន្តិចបន្តួច។ ដូចផែនការដែលបានគ្រោងទុក ក្រុមអគតិមួយក្តាប់តូចបានធ្វើការបង្ហោះ ចែកចាយនូវរូបភាព​ដែលបានចងក្រងទុកជាមុន ក្នុងន័យទម្លាក់កំហុសមកលើសមត្ថកិច្ច។

ចំពោះព្រឹត្តិការណ៍ថ្ងៃនេះ តាមរយៈភស្តុតាងដែលមានស្រាប់នានា អាជ្ញាធរមានសមត្ថកិច្ចនឹងចងក្រងកសាង​សំណុំរឿង​បញ្ជូន​ទៅស្ថាប័នតុលាការ ដើម្បីនាំជនដៃដល់ មកផ្តន្ទាទោស តាមច្បាប់នូវសកម្មភាព​បំផ្លិចបំផ្លាញ​ទ្រព្យសម្បត្តិ សាធារណៈ ប្រើអំពើហិង្សាមកលើអាជ្ញាធរមានសមត្ថកិច្ច ក៏ដូចជាប្រមាថមកលើ​មន្រ្តីរាជការកំពុងបំពេញភារកិច្ច។

រដ្ឋបាលរាជធានីភ្នំពេញ សូមគូសបញ្ជាក់បន្ថែមទៀតថា រៀងរាល់លើកដែលមានសកម្មភាពធ្វើបាតុ​កម្មខុសច្បាប់របស់ក្រុមបាតុករជាអតីតបុគ្គលិក និងបុគ្គលិកក្រុមហ៊ុន ណាហ្គា វើលដ៏ មិនដែលមាន​ព្រឹត្តិការណ៍កើតទ្បើងដូចថ្ងៃនេះទេ ប្រសិនបើក្រុមបាតុករមិនធ្វើការបុកទម្លុះប៉ារាស និងបង្កអំពើហិង្សា​មកលើសមត្ថកិច្ច។

អ្នកនាំពាក្យរដ្ឋបាលរាជធានីភ្នំពេញ នៅតែទទូចសូមធ្វើការអំពាវនាវដល់ក្រុម​បាតុករជាអតីត​បុគ្គលិក និងបុគ្គលិកក្រុមហ៊ុន ណាហ្គា វើលដ៏ មួយចំនួនតូចដែល នៅសេសសល់ សូមបញ្ឈប់​ការធ្វើសកម្មភាពខុសច្បាប់ផ្សេងៗ រួមទាំងការប្រមូលផ្តុំធ្វើបាតុកម្ម​នៅតាមទីសា​ធារណៈ ដែលនាំឱ្យប៉ះពាល់ដល់សន្តិសុខ សណ្តាប់ធ្នាប់ និងរបៀបរៀបរយសាធារណៈ ហើយងាកមកចូលរួមអនុវត្តយន្តការដោះស្រាយតាមច្បាប់គ្រប់ជាន់ថ្នាក់៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៨ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ២៦ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ៣៨ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៥៣ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ១ ម៉ោង មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម