ព័ត៌មានជាតិ
ក្នុង១ឆ្នាំៗ រាជរដ្ឋាភិបាលចំណាយថវិកាជាង៣០០ពាន់លានរៀលទៅលើអតីតយុទ្ធជន
អាជ្ញាធរស្រុកបូទុមសាគរ និយាយថា ក្នុង១ឆ្នាំៗ រាជរដ្ឋាភិបាលកម្ពុជា បានចំណាយថវិកាជាង៣០០ពាន់លានរៀលទៅលើអតីតយុទ្ធជន ដែលមានគុណបំណាច់រំដោះមាតុភូមិរហូតដល់មានការអភិវឌ្ឍន៍ពេញលេញមកទល់សព្វថ្ងៃនេះ។
ការលើកឡើងរបស់អាជ្ញាធរស្រុកបូទុមសាគរយ៉ាងដូច្នេះ ធ្វើឡើងក្នុងពិធីសួរសុខទុក្ខ និងចែកអំណោយរបស់សប្បុរសជនជូនគ្រួសារអតីតយុទ្ធជន ចាស់ជរា និងសិស្សានុសិស្សជាង៥០០នាក់ នៅក្នុងបរិវេនអគាររដ្ឋបាលស្រុក។
លោក ហាក់ ឡេង អភិបាលស្រុកបូទុមសាគរ ថ្លែងថា ការចំណាយរបស់រាជរដ្ឋាភិបាលទៅលើវិស័យអតីតយុទ្ធជនរបស់កម្ពុជាបច្ចុប្បន្ននៅមិនទាន់គ្រប់គ្រាន់នៅឡើយទេ ពោលគឺសម្តេចតេជោ កន្លងទៅក៏ជំរុញឱ្យមានចលនាថ្មីមួយទៀត គឺចលនាកសាងលំនៅដ្ឋានជូនដល់អតីតយុទ្ធជននៅក្របខណ្ឌទូទាំងប្រទេស ដើម្បីសំដៅលើកកម្ពស់ជីវភាពរស់នៅរបស់ពួកគាត់បែបសមរម្យ ក្រោមគោលនយោបាយដែលបានដាក់ចេញអនុវត្ត។
លោកអភិបាលស្រុកបូទុមសាគរសង្កត់ធ្ងន់ថា អតីតយុទ្ធជន ដែលមានគុណបំណាច់ចំពោះជាតិមាតុភូមិ ជានិមិត្តរូបនៃស្មារតីនៃការលះបង់ និងពលីកម្មគ្រប់បែបយ៉ាង ដើម្បីសង្គមកិច្ចបានសុខសន្តិភាព ក៏ដូចជាការអភិវឌ្ឍន៍ ទន្ទឹមនឹងមានប្រមុខរាជរដ្ឋាភិបាលកម្ពុជាសម្តេចតេជោដឹកនាំប្រទេសដូចបច្ចុប្បន្ន។ ហើយការលះបង់របស់អតីតយុទ្ធជន និងចាស់ជរាជំនាន់មុនៗសុទ្ធតែត្រូវបានចារិកទុកនូវគំរូវីៈភាពដ៏ឧត្តុងឧត្តមរបស់ពួកគាត់ សម្រាប់យុវជនជំនាន់ក្រោយបានដឹង និងស្វែងយល់យកគំរូតាម។
លោក ហាក់ ឡេង ក៏បានណែនាំដល់យុវជន និងសិស្សានុសិស្សដែលជាសសរទ្រូងនៃប្រទេសជាតិ គប្បីត្រូវប្រឹងប្រែងសិក្សារៀនសូត្រអោយខ្ពង់ខ្ពស់ និងធ្វើជាពលរដ្ឋល្អក្នុងសង្គមកិច្ច ទើបជាធនធានមនុស្សដ៏មានសមត្ថភាព និងចូលរួមបម្រើការងារអភិវឌ្ឍន៍បន្តទៅទៀត។ យុវជន សិស្សានុសិស្ស ចៀសវាងឱ្យឆ្ងាយពីអំពើល្មើសច្បាប់ផ្សេងៗ ពិសេសការសេពគ្រឿងញៀន ព្រោះវានឹងបំផ្លាញរូបរាងកាយ ទ្រព្យសម្បត្តិក្រុមគ្រួសារ និងកង្វះខាតធនធានមនុស្សជាដើម។
ទាក់ទិននឹងស្មារតីដឹងគុណមនុស្សជំនាន់មុនៗ លោកស្រី ពិន នង ជាសប្បុរសជនម្នាក់ដែលតែងតែគាំទ្រដល់ការអភិវឌ្ឍន៍នៅស្រុកបូទុមសាគរ បានចាត់ទុកថា អតីតយុទ្ធជន និងមនុស្សចាស់ជរា ត្រូវបានរាជរដ្ឋាភិបាលផ្តោតយកចិត្តទុកដាក់ខ្ពស់ទៅលើសុខទុក្ខរបស់ពួកគាត់គ្រប់ពេលវេលា។
លោកជំទាវ ពិន នង បន្តថា នៅពេលណាមានការលំបាក សម្តេចតេជោ ហ៊ុន សែន និងសម្តេចកត្តិព្រឹទ្ធបណ្ឌិត មិនដែលនៅស្ងប់ស្ងៀមនោះទេ ពោលគឺលោកទាំងទ្វេរ បានចាត់អាជ្ញាធរមន្រ្តីជំនាញ និងសប្បុរសជនទាំងអស់ជួយដោះស្រាយភ្លាមៗ។ ដូច្នេះអតីតយុទ្ធជន និងមនុស្សចាស់ជរា នៅតែដើរតួនាទីយ៉ាងសំខាន់បំផុតនៅក្នុងគ្រួសារ ក្នុងសហគមន៍ និងសង្គមជាតិលើកិច្ចការងារអប់រំទូន្មានអប់រំ និងចូលរួមរាល់សកម្មភាពអភិវឌ្ឍន៍ផ្សេងមិនអាចខ្វះបាន៕
អត្តបទ៖ សិរីវឌ្ឍនៈ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ