ព័ត៌មានជាតិ
រដ្ឋបាលខេត្តកែប បើកវគ្គបណ្តុះបណ្តាលតម្រង់ទិសក្រុមប្រឹក្សាឃុំ-សង្កាត់ ជាប់ឆ្នោតថ្មីអាណត្តិទី ៥
រដ្ឋបាលខេត្តកែប នៅព្រឹកថ្ងៃទី ១៦ ខែសីហា ឆ្នាំ ២០២២នេះ បានរៀបចំសិក្ខាសាលាវគ្គបណ្តុះបណ្តាលតម្រង់ទិសក្រុមប្រឹក្សាឃុំ-សង្កាត់ ជាប់ឆ្នោតថ្មីអាណត្តិទី ៥ នៃខេត្តកែប ក្រោមអធិបតីភាពលោកបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប ដោយមានការចួលរួមពីលោក-លោកស្រីអភិបាលរងខេត្តលោក-លោកស្រីប្រធានមន្ទីរអង្គភាពជុំវិញខេត្ត លោក-លោកស្រីក្រុមប្រឹក្សាឃុំ-សង្កាត់ ដែលជាប់ឆ្នោតថ្មីជាច្រើនរូបផងដែរ។
សូមជម្រាបថា ទូទាំងខេត្តកែប មានសមាជិកក្រុមប្រឹក្សាឃុំ-សង្កាត់សរុបចំនួន ៣១រូប(ស្រី ៦រូប) ក្នុងនោះ មានសមាសភាពមកពីគណបក្សប្រជាជនចំនួន ២៩រូប និងគណបក្សភ្លើងទានចំនួន ២រូប។
លោកបណ្ឌិត សោម ពិសិដ្ឋ អភិបាលខេត្តកែប បានលើកឡើងថា ចំពោះក្រុមប្រឹក្សាឃុំ-សង្កាត់ ដែលទើបជាប់ឆ្នោតថ្មី គឺតម្រូវឲ្យចូលរួមក្នុងវគ្គបណ្តុះបណ្តាលតម្រង់ទិស សម្រាប់ក្រុមប្រឹក្សាឃុំ-សង្កាត់ ក្នុងអាណត្តិថ្មីរបស់ខ្លួន ដើម្បីសម្រួលដល់ការងារនៅរដ្ឋបាលឃុំ-សង្កាត់ឲ្យបានល្អប្រសើរ។
ក្រុមប្រឹក្សាឃុំ-សង្កាត់ ត្រូវគោរពតាមតួនាទីភារកិច្ច និងបទដ្ឋានគតិយុត្តិ ដែលណែនាំសម្រាប់រដ្ឋបាលឃុំ-សង្កាត់ យកទៅអនុវត្តឲ្យបានពេញលេញ និងត្រឹមត្រូវ ទោះជាលោក-លោកស្រី ដែលបានជាប់ឆ្នោតមកពីគណបក្សណាមួយក៏ដោយ ចាំបាច់លោក-លោកស្រី ត្រូវប្រកាន់ភ្ជាប់នូវគោលនយោបាយសុខសន្តិភាព ដើម្បីជាប្រយោជន៍ដល់ប្រជាពលរដ្ឋនៅគ្រប់មូលដ្ឋាន។
លោកបណ្ឌិត បានបន្ថែមទៀតថា លោក-លោកស្រី ត្រូវមានគណនេយ្យភាពចំពោះប្រជាពលរដ្ឋ រាជរដ្ឋាភិបាលកម្ពុជា និងច្បាប់ ដែលបានប្រគល់សិទ្ធិអំណាច ធនធាន និងការសម្រេចចិត្តក្នុងកិច្ចការដឹកនាំ គ្រប់គ្រង ចាត់ចែង និងសម្រេចចិត្ត ក្នុងការអភិវឌ្ឍជូនប្រជាពលរដ្ឋឲ្យបានល្អប្រសើរ។
ម្យ៉ាងវិញទៀតមុខងារ និងធនធានជាច្រើន ត្រូវបានប្រគល់មករដ្ឋបាលថ្នាក់ក្រោមជាតិ សម្រាប់រដ្ឋបាលរាជធានី-ខេត្ត ក្រុង-ស្រុក និងឃុំ-សង្កាត់ ក្នុងការបំពេញការងារជូនប្រជាពលរដ្ឋ ជាពិសេសការផ្តល់សេវាសាធាណៈឲ្យទាន់ពេលវេលា និងរហ័សនៅកំរិតរដ្ឋបាលនីមួយៗ ជាពិសេសរដ្ឋបាលឃុំ-សង្កាត់ ដែលនៅជិតប្រជាពលរដ្ឋបំផុត។
លោកបានបន្តថា វគ្គបណ្តុះបណ្តាលតម្រង់ទិស ដែលរៀបចំដោយសាលាជាតិរដ្ឋបាលមួលដ្ឋាន នៃក្រសួងមហាផ្ទៃនេះ ពិតជាមានសារៈសំខាន់ណាស់ សម្រាប់លោក-លោកស្រី ជាសមាជិកសមាជិកា ក្រុមប្រឹក្សាឃុំ-សង្កាត់ ដែលទើបនឹងជាប់ឆ្នោតថ្មីក្នុងអាណត្តិទី ៥នេះ។ ដូចនេះសូម លោក-លោកស្រី ត្រូវយកចិត្តទុកដាក់ស្តាប់គ្រូឧទ្ទេស ដើម្បីជាពុទ្ធិក្នុងការវត្តការងារនៅរដ្ឋបាលរបស់ខ្លួន ប្រកបដោយឆន្ទៈ ការគោរពនូវតួននាទី ភារកិច្ចឲ្យបានល្អប្រសើរ៕
អត្ថបទ៖ សេង ណារិទ្ធ
-
ចរាចរណ៍៦ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៥ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ១ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៤ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានអន្ដរជាតិ៥ ថ្ងៃ ago
ក្រុមហ៊ុន Toyota នៅ ជប៉ុន ប្រមូលរថយន្ត Prius ជុំវិញពិភពលោក ចាប់ពីសេរ៊ីឆ្នាំ ២០២២ ឡើងទៅចូលរោងចក្រវិញ
-
សេចក្ដីជូនដំណឹង១ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
សន្តិសុខសង្គម៥ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ