កម្លាំងចម្រុះ​ទីបញ្ជាការស្រាល​ប្រចាំឃុំផាត់​សណ្តាយ​ ចុះរុះរើបង្រ្កាប​បទល្មើសនេសាទ​របាំងញឹក​៩០០ម៉ែត្រ

លោកឧត្តមសេនីយ៍ត្រី វ៉ា ចាន់កុសល ស្នងការរងនគរបាលខេត្តកំពង់ធំ និងជាប្រធានក្រុម​ការងារ​ទទួលខុសត្រូវឃុំផាត់សណ្តាយ ​ស្រុកកំពង់ស្វាយ ខេត្តកំពង់ធំ នៅថ្ងៃទី ១៦ ខែសីហា​ដឹកនាំ​ក្រុម​ការងារ ​ចម្រុះចុះបង្រ្កាប​បទល្មើសនេសាទ​នៅក្នុងដែនសមត្ថកិច្ច។

លោកឧត្តមសេនីយ៍ត្រី បញ្ជាក់បន្ថែមថា ប្រតិបត្តិការនេះ មានសមាសភាពចូលរួមចំនួន៣៦នាក់ ប្រើប្រាស់មធ្យោបាយកាណូតចំនួន ០៩គ្រឿង។

ជាលទ្ធផល កម្លាំងបានបង្រ្កាបបាន១ករណី រុះរើបំផ្លាញចោលវត្ថុតាងនៅនិងកន្លែងមាន របាំងសាច់អួនក្រឡាញឹកចំនួន ០៣ របាំង ប្រវែង ៩០០ ម៉ែត្រ របាំងស្បៃមុង ០៥ របាំងប្រវែង ៥០០ ម៉ែត្រ ឡុក ចំនួន ១៦ គ្រឿង លប/លូ ចំនួន ២០ មាត់​បង្គោល ចំនួន ១២០០ ដើម និងចាក់លែងត្រីស្រស់ចំរុះ ចំនួន ២០ គ.ក្រ ចូលទន្លេវិញ៕

អត្ថបទ៖ ឈាង មករា