ព័ត៌មានជាតិ
កម្ពុជា គ្រោងនឹងបញ្ជូនក្រុមគ្រូពេទ្យស្ម័គ្រចិត្តទៅចាក់វ៉ាក់សាំងបង្ការជំងឺកូវីដ នៅប្រទេសជិតខាង
កម្ពុជា គ្រោងនឹងបញ្ជូនក្រុមគ្រូពេទ្យស្ម័គ្រទៅចាក់វ៉ាក់សាំងបង្ការជំងឺកូវីដ១៩ នៅប្រទេសជិតខាងក្រោយពីទទួលបានជោគជ័យ ក្នុងការចាក់វ៉ាក់សាំងជំងឺនេះដល់ប្រជាពលរដ្ឋរួចមក។
លោក សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលបានមានប្រសាសន៍ ក្នុងឱកាសចុះពិនិត្យមើលអគារកម្ពស់ ៨ ជាន់នៅពេទ្យអង្គឌួងកាលពីថ្ងៃទី០១ កញ្ញាថា« ការងារបញ្ជូនក្រុមគ្រូពេទ្យទោចាក់វ៉ាក់សាំងនៅប្រទេសជិតខាងនេះ យើងកំពុងពិភាក្សា និងពិគ្រោះយោបល់គ្នានៅក្រសួងការបរទេស និងសហប្រតិបត្តិការអន្តរជាតិនៅឡើយទេអត់ទាន់ដឹងថា យ៉ាងមិចទេ»។
លោករដ្ឋមន្ត្រីបានបន្តថា ការងារនេះជាការងារអន្តរជាតិត្រូវពិគ្រោះ និងសុំគោលការណ៍ពីសំណាក់សម្តេចតេជោនាយករដ្ឋមន្ត្រី។ នៅពេលសួរថា តើគ្រោងនឹងបញ្ជូនគ្រូពេទ្យស្ម័គ្រចិត្តទៅចាក់វ៉ាក់សាំងនៅប្រទេសណា លោករដ្ឋមន្ត្រីបានបញ្ជាក់ថា នៅមិនទាន់ដឹងទេ ព្រោះការងារនេះខាងក្រសួងការបរទេសកំពុងពិភាក្សា។
ទាក់ទិននឹងការចាក់វ៉ាក់សាំងនៅក្នុងស្រុកវិញ លោករដ្ឋមន្ត្រីបានលើកទឹកចិត្តដល់ប្រជាពលរដ្ឋបន្តចាក់វ៉ាក់សាំងដូសជំរុញទី ៣ ទី ៤ និងទី ៥ ជាបន្តទៀតឱ្យបនាច្រើន ដើម្បីបញ្ចៀស និងកាត់បន្ថយការឈឺធ្ងន់ធ្ងរ និងចូលសម្រាកពេទ្យក៏ដូចជាកាត់បន្ថយការស្លាប់ផងដែរ។លោករដ្ឋមន្ត្រីបានបញ្ចាក់ថា បច្ចុប្បន្នកម្ពុជានៅតែមានការឆ្លងជំងឺកូវីដ១៩ បន្តិចបន្តួចនៅឡើយ ក្នុងសហគមន៍តែមានសភាពស្រាលទេ ដោយពួកគាត់ព្យាបាលនៅតាមផ្ទះទាំងអស់ ដែលទាំងនេះដោយសារការចាក់វ៉ាក់សាំងបានច្រើនលើសលប់ធ្វើឱ្យមានភាពស៊ាំទប់ទល់នឹងជំងឺកូវីដ១៩។ ប៉ុន្តែបើមានឆ្លងក៏ស្ថិតក្នុងកម្រិតស្រាលៗដែរ។
ជាថ្មីម្តងទៀត លោករដ្ឋមន្ត្រីអំពាវនាវដល់ប្រជាពលរដ្ឋចាក់វ៉ាក់សាំងដូសជំរុញឱ្យបានគ្រប់ៗគ្នា និងបន្តអនុវត្តវិធានការ ៣ កុំ និង ៣ ការពារឱ្យបានខ្ជាប់ខ្ជួន ដើម្បីទប់ស្កាត់ការឆ្លងរាលដាលជំងឺនេះ ទ្រង់ទ្រាយធំក្នុងសហគមន៍។ គួរបញ្ជាក់ថា គិតត្រឹមថ្ងៃទី ០១ ខែកញ្ញា ឆ្នាំ ២០២២ នេះ កម្ពុជាបានចាក់វ៉ាក់សាំងបានចំនួន៩៤,៨២% ធៀបនឹងចំនួនប្រជាជនសរុប ១៦ លាននាក់ ៕
អត្ថបទ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ