ព័ត៌មានជាតិ
ទឹកជំនន់ចាប់ផ្តើមជន់លិចផ្លូវសំខាន់ៗមួយចំនួនក្នុងក្រុងស្ទឹងសែន
លោក ជូ កុល្លា ប្រធានមន្ទីរសាធារណៈការនិងដឹកជញ្ជូន ខេត្តកំពង់ធំ ប្រាប់នៅព្រឹកថ្ងៃទី៣ ខែកញ្ញា ឆ្នាំ២០២២ ថា ផ្លូវមួយចំនួនគ្រប់គ្រង ថែទាំ និងសាងសង់ដោយមន្ទីរសាធារណៈការ នៅក្នុងក្រុងស្ទឹងសែន ចាប់ផ្តើមលិចជាបណ្តើរៗ ខណៈដែលផ្លូវខ្លះ ត្រូវបានជំនន់ទឹកស្ទឹងសែនជន់លិច។
លោកបន្តថា ការជន់លិចនេះដោយសារតែផ្លូវក្នុងក្រុងកំពុងរៀបចំ និងជួសជុលប្រព័ន្ធ ADB មិនទាន់រួចរាល់ ហើយស្ថានភាពទឹកស្ទឹងសែន បានហូរចេញតាមច្រកព្រែក និងតាមប្រព័ន្ធលូនៅតាមបណ្តោយក្រវ៉ាត់មាត់ស្ទឹងសែន រួមជាមួយស្ថានភាព ទឹកភ្លៀងដែលមានស្រាប់នៅតាមបណ្តាវាលស្រែ ធ្វើឲ្យទឹកស្ទឹងសែនហូរលឿនទៅកាន់តំបន់ទំនាបជាង។
ល្បឿននៃលំហូរ នឹងធ្វើឲ្យផ្លូវក្នុងមួយចំនួលិចក្នុងរយៈពេលខ្លីជាបន្តបន្ទាប់ បើទោះបីជាទឹកស្ទឹងសែនចាប់ផ្តើមច្រកចុះតិចតួចក្តី ប៉ុន្តែផ្លូវមួយខ្សែទៀត ដូចជាផ្លូវភ្ជាប់ផ្លូវជាតិលេខ៦ ទៅកាន់ភូមិរលួស អាចជនលិចមួយរយៈពេលខ្លីផងដែរ។ ទន្ទឹមនេះ ប្រសិនទឹកទន្លេសាបនៅតែបន្តហក់ឡើង ផ្លូវជាតិមួយខ្សែទៀត គឺផ្លូវលេខ (50 C) ភ្ជាប់ពីខេត្តកំពង់ធំ ទៅកាន់ខេត្តកំពង់ឆ្នាំង អាចជនលិច ព្រោះផ្លូវមួយខ្សែនេះ មានកម្ពស់ទាបស្របពេលដែលផ្លូវនេះ នៅផ្នែកខេត្តកំពង់ឆ្នាំង ត្រូវទឹកទន្លេជន់លិច និងបណ្តាលឲ្យដាច់ផ្លូវជាបណ្តើរៗ។
យោងលើរបាយការណ៍របស់មន្ទីរធនធានទឹក និងឧតុនិយមខេត្តកំពង់ធំ បញ្ជាក់ថា ជំនន់ទឹកស្ទឹងសែន នៅស្ថានីយ៍ស្រុកសណ្តាន់នៅថ្ងៃទី២ ខែកញ្ញា ឆ្នាំ២០២២ មានកម្ពស់ទឹក ១៨,៥២ម៉ែត្រ ធៀបនឹងថ្ងៃទី១ ខែកញ្ញា ច្រកចុះ ០,១៨ម៉ែត្រ, នៅស្ថានីយ៍កំពង់ធំ មានកម្ពស់១៣,៦២ម៉ែត្រ ធៀបនឹងថ្ងៃទី១ ខែកញ្ញា ច្រកចុះ០,០២ម៉ែត្រ។
ការស្រកចុះនេះ នឹងបន្តស្រកចុះបន្តទៀត ប្រសិនបើផ្នែកខាងលើ នៅខេត្តព្រះវិហ៊ា មិនមានភ្លៀងធ្លាក់ខ្លាំង, ប៉ុន្តែទឹកទន្លេសាប អាចជន់ឡើងបន្តទៀត៕
អត្ថបទ៖ ឈាង មករា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ