ព័ត៌មានជាតិ
មន្ត្រីជាន់ខ្ពស់អប់រំ លើកទឹកចិត្តសិស្សរៀន ស្ទែម ឱ្យបានច្រើន ដើម្បីដើរទាន់ពិភពលោក
មន្ត្រីជាន់ខ្ពស់ ក្រសួងអប់រំ យុវជន និងកីឡា បានលើកទឹកចិត្តឱ្យសិស្សានុសិស្សខិតខំសិក្សារៀនមុខវិជ្ជាស្ទែមឱ្យបានច្រើនបន្ថែមទៀត ដើម្បីឆ្លើយតបទៅនឹងការរីកចម្រើនរបស់ពិភពលោក ពិសេសដើម្បីឈានទៅសម្រេចទិសដៅរបស់រដ្ឋាភិបាលដែលបានកំណត់ប្រទេកម្ពុជាជាប្រទេសមានប្រាក់ចំណូលមធ្យមកម្រិតខ្ពស់ នៅឆ្នាំ២០៣០ខាងមុខ។
ក្នុងពិធីចុះហត្ថលេខាលើអនុស្សារណៈ រវាងសាលារៀនជំនាន់ថ្មី នៃវិទ្យាល័យព្រះសីសុវត្តិ និងសាលារៀនសុវណ្ណភូមិ នៅព្រឹកថ្ងៃទី៥ ខែកញ្ញានេះ លោក អឹម កុច រដ្ឋលេខាធិការ ក្រសួងអប់រំ យុវជន និងកីឡា បានមានប្រសាសន៍ ថាការសិក្សាមុខវិជ្ជាស្ទែមដែលផ្តោតលើវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យាដើម្បីឱ្យសិស្សនិស្សិតមានជំនាញ និងសមត្ថភាពគ្រប់គ្រាន់ ឆ្លើយតបទៅនឹងទីផ្សារការងារនាពេលបច្ចុប្បន្ន និងឆ្លើយតបទៅនឹងការវិវត្ត នៃបដិវត្តឧស្សាហកម្ម ៤.០។
លោក អឹម កុច បានបន្តថា ជាងនេះទៀតដើម្បីឈានទៅសម្រេចទិសដៅរបស់រដ្ឋាភិបាលដែលបានកំណត់ប្រទេកម្ពុជាជាប្រទេសមានប្រាក់ចំណូលមធ្យមកម្រិតខ្ពស់ នៅឆ្នាំ២០៣០ និងជាប្រទេសមានប្រាក់ចំណូលខ្ពស់ នៅឆ្នាំ២០៥០ ខាងមុខ។
លោករដ្ឋលេខាធិការបានបន្តទៀតថា នៅពេលយុវជនចាប់អារម្មណ៍សិក្សាលើមុខវិជ្ជាស្ទែមកាន់តែច្រើន នឹងធ្វើឱ្យពួកគេចេះត្រឹះរិះពិចារណាច្នៃប្រឌិត សហប្រតិបត្តិការ និងទំនាក់ទំនង ចេះវិភាគព័ត៌មាន ព្រមទាំងចេះបត់បែននៃផ្នត់គំនិត ភាពជាអ្នកដឹកនាំ គំនិតផ្តួចផ្តើម ផលិតភាព និងទំនាក់ទំនងសង្គម។
លោក បានបន្តឱ្យដឹងទៀតថា ដើម្បីឆ្លើយតបទៅនឹងការរីកចម្រើននៃបច្ចេកវិទ្យានេះ ក្រសួងអប់រំបាន និងកំពុងអនុវត្តកម្មវិធីអភិវឌ្ឍយុវជន ដូចជា ការអប់រំសហគ្រិនភាពភាពជាអ្នកដឹកនាំ ការបណ្តុះបណ្តាលជំនាញយុវជន និងកុមារដោយផ្សារភ្ជាប់នឹងសង្គមការអប់រំអាកប្បកិរិយា ការចូលរួមសកម្មភាពសង្គម ការផ្លាស់ប្តូរទំនាក់ទំនងយុវជនជាតិ និងអន្តរជាតិ ការបណ្តុះបណ្តាលជំនាញវិជ្ជាជីវៈ និងជំនាញខ្លីៗ វេទិកាការសិក្សាការផ្តល់ព័ត៌មានទីផ្សារការងារ និងហាត់ការនៅតាមសហគ្រាសរដ្ឋ និងឯកជនជាដើម៕
អត្ថបទ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល