ព័ត៌មានជាតិ
រង្វង់មូលវិថី សាយ ភូថង ត្រូវបានថែទាំ និងលើកកម្ពស់សោភ័ណភាពបរិស្ថានជាប្រចាំ
រង្វង់មូលវិថីលោកតាព្រឹទ្ធាចារ្យ សាយ ភូថង ត្រូវបានអាជ្ញាធស្រុកបូទុមសាគរ ផ្តោតការយកចិត្តទុកដាក់ថែទាំ និងលើកកម្ពស់សោភ័ណ្ឌភាពអនាម័យបរិស្ថានជាប្រចាំ តាមរយៈសកមុ្មភាពលាងសម្អាត រើសសំរាម ដំឡើងអំពូលសូឡា និង តុបតែងលម្អផ្កា ជាដើម។
![](https://www.kampucheathmey.com/wp-content/uploads/2022/09/01-20.jpg)
ថ្លែងក្រោយដឹកនាំមន្រ្តីក្រោមឱវាទដុះលាង និងសម្អាតអនាម័យបរិស្ថាន នៅចំណុចរង្វង់មូលវិថី សាយ ភូថង នៅព្រឹកថ្ងៃទី ៧ ខែកញ្ញានេះ លោក ហាក់ ឡេង អភិបាល អភិបាលស្រុកបូទុមសាគរ បានឲ្យដឹងថា ឥស្សរៈជនសំខាន់ៗ បច្ចុប្បន្ន រួមគ្នាកសាងរង្វង់នេះឡើង ក្នុងគោលបំនងដើម្បីរំលឹកគុណចងចាំ នៃប្រវត្តិស្នាដៃសកម្មភាពលះបង់តស៊ូ រំដោះភ្លើងសង្រ្គាមរបស់លោកតាព្រឹទ្ធាចារ្យ សាយ ភូថង ដើម្បីបុព្វហេតុជាតិមាតុភូមិ និងប្រជាជន។
![](https://www.kampucheathmey.com/wp-content/uploads/2022/09/02-19-1024x768.jpg)
លោកអភិបាលស្រុក បន្ថែមដែរថា រង្វង់មូលវិថីព្រឹទ្ធាចារ្យ សាយ ភូថង ក៏ជាទីកន្លែងមួយ សម្រាប់គោរពបូជារបស់ប្រជាពលរដ្ឋ អ្នកទេសចរណ៍មកលេងកម្សាន្ត និងថតរូបទុកជាអនុស្សាវរីយ៍រាល់ពេលមានអ្នកដំណើរឆ្លងកាត់ទីរួមស្រុកបូទុមសាគរ។ ដូច្នេះទើប លោកតែងតែបំផុសចលនាធ្វើអនាម័យថែទាំសម្អាតរង្វង់មូលវិថី សាយ ភូថង នេះជាប្រចាំ។ លោកស្នើដល់មនុស្សជំនាន់ក្រោយៗ បន្តចងចាំពីគុណបំណាច់របស់លោកតាព្រឹទ្ធាចារ្យ និងរួមគ្នាថែរក្សាសោភ័ណ្ឌភាពនៅទីនេះ។
![](https://www.kampucheathmey.com/wp-content/uploads/2022/09/03-16-1024x768.jpg)
យោងតាមប្រវតិ្តសិលាចរិត លើក្រោមរូបសំណាក់រង្វង់មូលវិថីរបស់លោកតាព្រឹទ្ធាចារ្យ សាយ ភូថង បង្ហាញថា លោក សាយ ភូថង កើតឆ្នាំ ១៩២០ នៅភូមិឆ្មាបាត់ សង្កាត់ស្ទឹងវែង ក្រុងខេមរភូមិន្ទ ខេត្តកោះកុង លុះដល់ឆ្នាំ ២០១៦បានស្លាប់។ នៅឆ្នាំ ១៩៤៦ ដល់ឆ្នាំ ១៩៥៣ លោកតាបានដឹកនាំចលនាតស៊ូនៅខេត្តកោះកុង ប្រឆាំងនឹងអាណានិគមនិយមបារាំង។ ឆ្នាំ ១៩៧០ដល់ឆ្នាំ ១៩៧៤ លោកតា សាយ ភូថង បន្តដឹកនាំចលនាតស៊ូប្រឆាំងនឹងចក្រពត្តិនិយមអាមេរិក។
![](https://www.kampucheathmey.com/wp-content/uploads/2022/09/04-15-1024x768.jpg)
ដោយឡែកនៅអំឡុងឆ្នាំ ១៩៧៤ ដល់ឆ្នាំ ១៩៧៨ ដឹកនាំចលនាតស៊ូនៅខេត្តកោះកុង ក្រោកឡើងចាប់អាវុធប្រឆាំងនឹងរបប ប៉ុល ពត។ ចាប់ពីឆ្នាំ ១៩៧៩ ដល់ឆ្នាំ ២០១៦ មានតួនាទីជាអនុប្រធានក្រុមប្រឹក្សារដ្ឋ និងជាឧត្តមប្រឹក្សាផ្ទាល់ព្រះមហាក្សត្រ៕
អត្តបទ៖ សិរីវឌ្ឍនៈ
![](https://www.kampucheathmey.com/wp-content/uploads/2022/09/05-13-768x1024.jpg)
![](https://www.kampucheathmey.com/wp-content/uploads/2022/09/06-8-1024x768.jpg)
![](https://www.kampucheathmey.com/wp-content/uploads/2022/09/07-5-1024x768.jpg)
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ