ព័ត៌មានជាតិ
មន្ត្រី និងអ្នកជំនាញអំពាវនាវឲ្យអ្នកសារព័ត៌មានប្រកាន់ខ្ជាប់នូវក្រមសីលធម៌
មន្ត្រី និងអ្នកជំនាញ៣រូបខាងវិស័យសារព័ត៌មានបានផ្តាំផ្ញើដល់អ្នកសារព័ត៌មានគ្រប់រូបឲ្យមានការប្រកាន់ខ្ជាប់នូវក្រមសីលធម៌ជានិច្ច ដើម្បីរក្សាពីវិជ្ជាជីវៈ តម្លៃ និងគុណភាពរបស់ខ្លួនឲ្យកាន់តែមានភាពល្អប្រសើរឡើង។
កាលដែលអ្នកជំនាញទាំង៣រូបនេះ ធ្វើការផ្តាំផ្ញើដល់អ្នកសារព័ត៌មានបែបនេះ ក្រោយពីអ្នកកាសែតមួយចំនួន ជាពិសេសគឺអ្នកធ្វើការ Live ជាសាធារណៈតែម្តង ដែលមិនបានគោរពតាមគោលការនៃក្រមសីលធម៌វិជ្ជាជីវៈរបស់ខ្លួនបានត្រឹមត្រូវឡើយ។ បុគ្គលមួយចំនួនបានបង្កជាជម្លោះ និងហិង្សាជាទីសាធារណៈ ប្រើប្រាស់ពាក្យសម្តីមិនសមរម្យ និងបង្កើតឲ្យមានចលាចលនានា ដែលជាហេតុធ្វើឲ្យជះឥទ្ធិពលមិនល្អដល់អ្នកសារព័ត៌មានឯទៀត។
លោក មាស សុភណ្ឌ អ្នកនាំពាក្យក្រសួងព័ត៌មានបានស្នើឲ្យអ្នកសារព័ត៌មានគោរពឲ្យបានខ្ជាប់ខ្ជួនតាមច្បាប់សារព័ត៌មាន និងត្រូវខិតខំពង្រឹងសមត្ថភាពផ្ទាល់ខ្លួនឲ្យកាន់តែប្រសើរប្រកាន់ខ្ជាប់នូវក្រមសីលធម៌វិជ្ជាជីវៈរបស់ខ្លួនជានិច្ច ព្រោះវិជ្ជាជីវៈអ្នកកាសែតគឺជាអាវក្រោះដ៏សំខាន់មួយ។
លោក ម៉ៃ ទិត្យថារ៉ា សាស្ត្រាចារ្យសារព័ត៌មានក៏បានផ្តាំផ្ញើដល់អ្នកដែលធ្វើការផ្សាយផ្ទាល់ (Live) ឲ្យមានការគិតគូរជាថ្មី នូវអ្វីដែលគួរ Live ផ្ទាល់ជាព័ត៌មាន និងអ្វីដែលមិនគួរ។ មួយវិញទៀត ពួកគេគួរគោរពដល់ឯកជនភាពជាធំ និងរំលឹកពីវិជ្ជាជីវៈរបស់ខ្លួនឲ្យជាប់លាប់ ដើម្បីផ្តល់តម្លៃដល់ខ្លួនឯង។
ចំណែកលោក ប៉ែន បូណា ប្រធានក្លិបអ្នកកាសែតកម្ពុជាបានលើកជាសារផ្តាំផ្ញើទៅកាន់ពួកគេនូវចំណុចសំខាន់ៗដូចជា អ្នកកាសែតត្រូវតែចងចាំ និងយល់ឲ្យច្បាស់ពីក្រមសីលធម៌ និងវិជ្ជាជីវៈរបស់ខ្លួនដើម្បីងាយស្រួលយកទៅអនុវត្ត។ លោកថាអ្នកកាសែតគ្រប់រូបគួរព្យាយាមអភិវឌ្ឍខ្លួនទៅដើរទៅមុខជារើយៗ ដោយក្រលេកមើលបញ្ហានយោបាយ សេដ្ឋកិច្ច និងរឿងសំខាន់ៗក្នុងប្រទេសជំនួសវិញ ដើម្បីឲ្យសមត្ថភាពមានភាពរីកចម្រើនជាជាងការរាយការណ៍ព័ត៌មានណាដែលមិនសូវផ្តល់ជាប្រយោជន៍ដល់ខ្លួនឯង និងសង្គម។
ជាចុងក្រោយគឺប្រជាជននេះហើយ ដែលជាផ្នែកមួយដែលមានឥទ្ធិពលខ្លាំងលើអ្នកសារព័ត៌មាន ត្រូវមើលឲ្យបានវែងឆ្ងាយពីបញ្ហាប្រទេសជាតិគ្រប់វិស័យ ជាជាងតាមដានតែរឿងរបស់បុគ្គលល្បីៗ ដែលមិនបានអ្វីសោះជាការអភិវឌ្ឍខ្លួនឯង៕
ដោយ៖ អុន ស្រីមាន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ