ព័ត៌មានជាតិ
បុណ្យអុំទូក ៣ ថ្ងៃ ខេត្តបាត់ដំបង ទទួលបានភ្ញៀវទេសចរជិត ១០ ម៉ឺននាក់
នៅក្នុងឱកាសព្រះរាជពិធីបុណ្យអុំទូក អកអំបុក បណ្ដែតប្រទីប និងសំពះព្រះខែ រយៈពេល ៣ ថ្ងៃ ដែលជាថ្ងៃឈប់សម្រាករបស់មន្ត្រីរាជការ ខេត្តបាត់ដំបង បានទទួលភ្ញៀវទេសចរចូលមកកម្សាន្ត ចំនួនជិត ១ សែននាក់។
គួរបញ្ជាក់ថា ចាប់តាំងពីថ្ងៃទី ៧ ដល់ថ្ងៃទី ៩ ខែវិច្ឆិកា ឆ្នាំ ២០២២ កន្លងទៅថ្មីៗនេះ គឺជាថ្ងៃប្រារព្ធពិធីបុណ្យអុំទូក អកអំបុក បណ្ដែតប្រទីប និងសំពះព្រះខែ ដែលជាប្រពៃណីខ្មែរតាំងពីយូរលង់ណាស់មកហើយ ដូច្នេះគ្រប់មន្ត្រីរាជការ និងក្រុមហ៊ុនឯកជនធំៗ ត្រូវបានអនុញ្ញាតឲ្យឈប់សម្រាក។ ហេតុដូច្នេះហើយទើបគេសង្គេតឃើញថា មានមនុស្សម្នាជាច្រើន បាននាំគ្នាដើរកម្សាន្តទៅគ្រប់ច្រកល្ហក។
ជាក់ស្ដែងនៅតាមតំបន់រមណីយដ្ឋានធម្មជាតិជាច្រើនក្នុងខេត្តបាត់ដំបង ក៏មានភ្ញៀវទេសចរយ៉ាងច្រើនកុះករចូលទៅកម្សាន្តផងដែរ ព្រោះនៅក្នុងខេត្តទាំងមូល មានតំបន់កម្សាន្តរាប់មិនអស់ ដែលភាគច្រើនជាតំបន់រមណីយដ្ឋានធម្មជាតិពិតៗតែម្ដង។
លោក អ៊ុច អ៊ុំភីនីហ្សារ៉ា ប្រធានមន្ទីរទេសចរខេត្ត បានបញ្ជាក់អំពីតួលេខ នៃភ្ញៀវទេសចរដែលចូលមកកម្សាន្តរយៈពេល ៣ ថ្ងៃ ចាប់ពីថ្ងៃទី ៧ ដល់ថ្ងៃទី ៩ វិច្ឆិកា គឺភ្ញៀវទេសចរជាតិមានចំនួន ៩៨.៣៨៨ នាក់ ភ្ញៀវទេសចរអន្តរជាតិ (ទេសចរផ្ទៃក្នុង) ២៦៧ នាក់ ចំនួនភ្ញៀវទេសចរសរុប ៩៨.៦៥៥ នាក់។ ប៉ុន្តែទោះបីជាភ្ញៀវទេសចរមានចំនួនតិច ឬច្រើនក៏ដោយ ក៏មន្ត្រីរបស់លោក នៅតែបន្តការណែនាំដល់ម្ចាស់រមណីយដ្ឋានទាំងអស់ ត្រូវបង្កើននូវការប្រុងប្រយ័ត្នជានិច្ចអំពីជំងឺកូវីដ-១៩៕
អត្ថបទ ៖ សោ និយមរ័ត្ន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ