Connect with us

ព័ត៌មានជាតិ

ផ្លូវប្របមាត់សមុទ្រពីកំពង់ផែកោះទន្សាយ មកផ្លូវជាតិលេខ ១៣-៣២ សម្រេចបានជិត ៥០%

បានផុស

នៅ

ផ្លូវនៅប្របមាត់សមុទ្រចាប់ពីកំពង់ផែទេសចរណ៍កោះទន្សាយ រហូតទៅដល់ក្លោងទ្វារវត្តអង្កោល តភ្ជាប់ផ្លូវជាតិលេខ១៣-៣២ ដែលមានប្រវែងប្រមាណជាង ១២ គីឡូម៉ែត្រ ត្រូវបានសម្រេចការសាងសង់បានជាង ៤៥ ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីមន្ទីរក្រសួងសាធារណៈការ និងដឹកជញ្ជូន ខេត្តកែប នៅថ្ងៃទី១០ ខែវិច្ឆិកា ឆ្នាំ២០២២នេះ បានឱ្យដឹងថា ផ្លូវប្របមាត់សមុទ្រប្រវែងប្រមាណជាង ១២ គីឡូម៉ែត្រនេះ ជាគម្រោងសាងសង់ចំណាយទឹកប្រាក់ប្រមាណ ១០,៥ លានដុល្លារ ក្រោមឥណទានរបស់ធនាគារអភិវឌ្ឍន៍អាស៊ី (ADB) កំពុងដំណើរការស្ថាបនាបានសម្រេចជាង ៤៥ភាគរយ។ ផ្លូវប្របមាត់សមុទ្រមួយខ្សែនេះ បានចាប់ផ្ដើមសាងសង់ពីកំពង់ផែកោះទន្សាយរហូតទៅដល់ភូមិអង្កោល ឃុំអង្កោល ស្រុកដំណាក់ចង្អើល ខេត្តកែប រដើម្បីតភ្ជាប់ទៅផ្លូវជាតិលេខ ១៣-៣២។

លោក វ៉ៅ សុខា អភិបាលរងខេត្តកែប បានបញ្ជាក់ឱ្យដឹងថា នាពេលកន្លងមកនេះ បើគិតទៅតាមរយៈពេលការសាង​សង់​ក្នុងកិច្ចសន្យានៃគម្រោង ផ្លូវប្របមាត់សមុទ្រមួយខ្សែនេះនឹងអាចបញ្ចប់ទៅតាមការគ្រោងទុក ឬនៅមុនពាក់កណ្តាលឆ្នាំ ២០២៣ នាពេលខាងមុខ។ ការកសាងផ្លូវនេះ ដើម្បីជំរុញកំណើនភ្ញៀវទេសចរជាតិ និងអន្តរជាតិមកលេងកម្សាន្តលំហែនៅតាមមាត់សមុទ្រឆ្នេរខេត្តកែបឱ្យកាន់តែច្រើនបន្ថែមទៀត និងផ្តល់គុណប្រយោជន៍សម្រាប់ខេត្តកែបទាំងមូល។

លោក ទិន បេន មេឃុំអង្កោល បានឱ្យដឹងថា គម្រោងដែលគេសាងសង់ផ្លូវនៅប្របមាត់សមុទ្រនេះ ដែលស្ថិតនៅក្នុងអនុគម្រោងទាំង៣ ក្រោមឥណទានរបស់ធនាគារអភិវឌ្ឍន៍អាស៊ី ដែលបានចំណាយនៅក្នុងទំហំទឹកប្រាក់ ៣០ លានដុល្លា ក្នុងនោះរួមមានទីលានកប់សំរាមតាមបែបស្តង់ដារ ទើបបានបញ្ចប់ការសាងសង់ និងគម្រោងកំពង់ផែទេសចរណ៍កោះទន្សាយ៕

អត្ថបទ៖ សឹង រ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម