ព័ត៌មានជាតិ
សម្ដេចតេជោ លើកឡើងអំពីមូលហេតុ ដែលមេដឹកនាំពិភពលោក មកប្រជុំនៅកម្ពុជា
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ានចំនួន ៣លើករួចមកហើយនោះ បានលើកឡើងអំពីមូលហេតុ ដែលមេដឹកនាំអាស៊ាន និងមេដឹកនាំពិភពលោក មកចូលរួមកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនៅកម្ពុជា នាឆ្នាំ ២០២២នេះ។
សម្តេចតេជោ ហ៊ុន សែន បានថ្លែងក្នុងអញ្ជើញធ្វើសន្និសីទសារព័ត៌មាន ស្ដីពី លទ្ធផលនៃកិច្ចប្រជុំកំពូលអាស៊ានលើកទី ៤០-៤១ និងកិច្ចប្រជុំកំពូលពាក់ព័ន្ធ នៅល្ងាចថ្ងៃទី ១៣ ខែវិច្ឆិកានេះថា ដោយសារតែប្រទេសកម្ពុជា មានសន្តិភាព និងគ្មានអំពើភេរវកម្មនោះ ទើបធ្វើឲ្យមេដឹកនាំពិភពលោក ហ៊ានមកចូលរួមកិច្ចប្រជុំនាពេលនេះ។ ម្យ៉ាងទៀត ក៏ដោយសារតែកម្ពុជា អាចគ្រប់គ្រងជំងឺកូវីដ-១៩ បានផងដែរ។
សម្ដេចតេជោ ហ៊ុន សែន បានថ្លែងយ៉ាងដូច្នេះថា «បញ្ហាវាមិនមែនជាបទពិសោធន៍ទេ តែត្រូវធ្វើជាក់ស្ដែង…ជាក់ស្ដែងនោះវានៅកន្លែងណាទើបគេមក ទីមួយត្រូវតែធានាសន្តិភាពឲ្យបាន វាមិនដែលនរណាគេមកប្រជុំហើយ នៅក្រោមគ្រាប់ផ្លោងទេ កុំឆ្ងល់ពេក ចឹងសន្តិភាពនៅតែជាបញ្ហាចំបងនៅទីនេះ ត្រូវតែធានាឲ្យច្បាស់នូវសន្តិភាព សម្រាប់មេដឹកនាំ»។
សម្ដេចតេជោ ហ៊ុន សែន បានលើកឡើងបន្តថា សម្រាប់សន្តិភាពមិនមានសង្រ្គាមនោះ គឺជារឿងមួយហើយ តែសន្តិភាពដែលគ្មានភេរវកម្ម ការបាញ់ប្រហារ គឺសំខាន់ណាស់សម្រាប់ប្រមុខរដ្ឋ-ប្រមុខរដ្ឋាភិបាលរបស់បណ្ដាប្រទេសនានា ដែលបានមកដល់ប្រទេសកម្ពុជា ដើម្បីចូលរួមកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ ឆ្នាំ ២០២២ នេះ។
បើតាមសម្ដេចតេជោ ហ៊ុន សែន ចំណុចមួយទៀត ដែលធ្វើឲ្យមេដឹកនាំអាស៊ាន និងមេដឹកនាំពិភពលោកផ្សេងទៀត មកចូលរួមកិច្ចប្រជុំនៅកម្ពុជានាពេលនេះ គឺដោយសារតែកម្ពុជាបានគ្រប់គ្រងនូវការឆ្លងរាលដាលជំងឺកូវីដ-១៩ បានយ៉ាងជោគជ័យ ដោយមេដឹកនាំទាំងនោះ មិនមានភាពភ័យខ្លាចថា ឆ្លងជំងឺកូវីដ-១៩ នោះទេ៕
អត្ថបទ៖ ឃួន សុភ័ក្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង