ព័ត៌មានជាតិ
ទូតអង់គ្លេស ៖ កម្ពុជាត្រូវការជំនាញថ្មី និងទំនើបជាងមុនដើម្បីបន្តអភិវឌ្ឍន៍ប្រទេសកាន់តែរីកចម្រើន
លោក Dominic Williams អគ្គរដ្ឋទូតចក្រភពអង់គ្លេស ប្រចាំប្រទេសកម្ពុជាបានថ្លែងថា កម្ពុជាបានអភិវឌ្ឍពីប្រទេសដែលមានប្រាក់ចំណូលទាប ទៅកាន់ប្រទេសដែលមានប្រាក់ចំណូលមធ្យម។ដូចនេះកម្ពុជាត្រូវការជំនាញថ្មី និងទំនើបជាងមុនដើម្បីបន្តបានការរីកចម្រើន។
នៅក្នុងសេចក្តីប្រកាសព័ត៌មានស្តីពីពិធីសម្ពោធជាផ្លូវការព្រឹត្តិការណ៍សន្និបាតបញ្ញវន្តពិភពលោកលើកទី ៨ ចុះថ្ងៃទី២២វិច្ឆិកានេះ អគ្គរដ្ឋទូតចក្រភពអង់គ្លេសបានបន្តថា ជំនាញដែលសិស្សនិស្សិតកម្ពុជាទៅសិក្សានៅបរទេសហើយយកត្រឡប់មកប្រទេសវិញ ពិតជាមានសារៈសំខាន់ ក្នុងការអភិវឌ្ឍន៍ប្រទេសឲ្យកាន់តែប្រសើរឡើង ខណៈដែលកម្ពុជាអភិវឌ្ឍពីប្រទេសដែលមានប្រាក់ចំណូលទាប ទៅកាន់ប្រទេសដែលមានប្រាក់ចំណូលមធ្យម ប្រជាជន និងប្រទេសត្រូវការជំនាញថ្មី និងទំនើបជាងមុនដើម្បីបន្តបានការរីកចម្រើន និងជោគជ័យក្នុងសេដ្ឋកិច្ចពិភពលោក។
ចំណែក លោក W. Patrick Murphy អគ្គរដ្ឋទូតសហរដ្ឋអាមេរិកប្រចាំប្រទេសកម្ពុជា បានមើលឃើញស្រដៀងនេះដែរថា សិស្សនិស្សិតកម្ពុជាដែលមានឱកាសទៅបន្តការសិក្សានៅបរទេស ពិតជាបាន នាំត្រឡប់មកវិញនូវជំនាញ និងទស្សនវិស័យ ដែលនេះជាស្នូលនៃការអភិវឌ្ឍន៍ប្រទេស។
អគ្គរដ្ឋទូតបានបន្តទៀតថា « មិនថាអ្នកជ្រើសសិក្សានៅទីណាទេ តម្លៃនៃការអប់រំបានបង្កើតឱកាសដ៏មហាសាល វាជួយយើងឲ្យមានការអភិវឌ្ឍន៍ និងរស់នៅប្រកបដោយ សន្តិភាព សុវត្ថិភាព និងវិបុលភាព»។
ព្រឹត្តិការណ៍សន្និបាតបញ្ញវន្តពិភពលោកដ៏ធំប្រចាំឆ្នាំនេះ មានសិស្សនិស្សិត និងអាណាព្យាបាលប្រមាណជាង ១៥០០ នាក់បានចូលរួម ដែលកម្មវិធីនេះរួមមាន ពិព័រណ៍ការសិក្សានៅបរទេស និងអាជីព ដែលរំលេចឲ្យឃើញពីសារៈសំខាន់នូវការបង្កើនទំនាក់ទំនងក្នុងសន្និសីទបញ្ញវន្តពិភពលោកទាំងមូល។ កម្មវិធីផ្តល់ឲ្យអ្នកចូលរួមនូវឱកាសក្នុងការកសាងបណ្តាញការងារ បង្កើតភាពជាដៃគូ និងអបអរសាទរចំពោះភាពរីកចម្រើននៃការអប់រំអន្តរជាតិ នៅកម្រិតបុគ្គល កម្រិតស្ថាប័ន និងកម្រិតជាតិ។
លោកភារៈ ធារី ស្ថានទូតអូស្ត្រាលី Andreas Zurbrugg បានកោតសរសើរស្ថាប័នអប់រំ IDP Education លើកិច្ចខិតខំប្រឹងប្រែង និងភាពជោគជ័យក្នុង ដំណើររាល់កិច្ចការតាមប្រព័ន្ធអ៊ីនធឺណិតអំឡុងពេលជំងឺរាតត្បាត និងការបើកឲ្យសិស្សានុសិស្សចូលរៀនក្នុងថ្នាក់ឡើងវិញបានយ៉ាងជោគជ័យ។
លោកក៏បានបន្ថែមទៀតថា ការតាំងពិព័រណ៍នេះបង្ហាញពីភាពស៊ីជម្រៅ និងទូលំទូលាយនៃឱកាសអប់រំជុំវិញពិភពលោក រួមទាំងអ្វីដែលអូស្ត្រាលីផ្តល់ជូនផងដែរ។ វាគឺជាវេទិកាដ៏ល្អបំផុតមួយសម្រាប់ប្រជាជនកម្ពុជាដែលកំពុងស្វែងរកឱកាសទៅសិក្សានៅបរទេស។
លោក ម៉ៅ ស្រេង នាយកស្ថាប័នអប់រំ IDP ប្រចាំនៅប្រទេសកម្ពុជា បានថ្លែងថាព្រឹត្តិការណ៍សន្និបាតបញ្ញវន្តពិភពលោកដ៏ធំប្រចាំឆ្នាំនេះ ឆ្លុះបញ្ចាំងពីឥទ្ធិពលយ៉ាងសំខាន់ដែលអតីតសិស្ស និស្សិតមានលើការអភិវឌ្ឍធនធានមនុស្ស និងជំនាញសម្រាប់ប្រទេសកម្ពុជា ហើយព្រឹត្តិការណ៍នេះក៏ទទួលស្គាល់ការរួមចំណែករបស់ពួកគេនៅក្នុងវិស័យ និងជួររដ្ឋាភិបាល។ឆ្នាំនេះ ពួកយើងប្រារព្ធខួបអបអរសាទរនូវសេវាកម្មដាក់សិស្សឲ្យទៅសិក្សានៅក្រៅប្រទេស និងការចូលរួមចំណែកអភិវឌ្ឍធនធានមនុស្ស ជាពិសេសទៅលើវិស័យអប់រំនៅបរទេស និងភាសាអង់គ្លេស។
លោកបានបន្ថែមថា ស្ថាប័នអប់រំ IDP Education ដោយមានការគាំទ្ររបស់លោកអ្នក និងបន្តបេសកកម្មរបស់យើង ក្នុងការភ្ជាប់សិស្សានុសិស្សឲ្យទទួលបានឱកាសសិក្សាប្រកបដោយគុណភាព និងលើកកម្ពស់គុណភាពធនធានមនុស្ស ព្រមទាំងពង្រឹងឲ្យមានអ្នកដឹកនាំជំនាន់ក្រោយ តាមរយៈការអប់រំអន្តរជាតិ៕
ដោយ ៖ សំអឿន
តម្លៃប្រេងសាំងហក់ឡើងវិញ ១០០ រៀល ក្នុង១ លីត្រ
រសៀលនេះក្រុមខ្លាំងប៉ះគ្នាដណ្ដើមពិន្ទុ ជើងឯកនារីស្វាយរៀងខាប់
ឡាវ ត្រូវប៉ាន់ពីការនាំចេញដំឡូងមីទៅកាន់ទីផ្សារ ចិន នៅដើមឆ្នាំនេះ
សមាគមទម្លាក់ការព្យាករណ៍ ទិន្នផលផលិតកម្មអំបិលក្រោម ១០ ម៉ឺនតោន ដោយសារអាកាសធាតុ
តួឯករឿង “កូនពស់កេងកង” ទទួលមរណភាពភាពយប់មិញ ក្រោយរងជំងឺសើស្បែកធ្ងន់ធ្ងរអស់ ៥ ឆ្នាំ
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ