ព័ត៌មានជាតិ

លម្អិតឃាតកម្ម មុនសម្លាប់យុវតី ១៨ ឆ្នាំ ជនល្មើសប្រើល្បិចឲ្យក្មេងប្រុសម្នាក់អាយុ ១០ ឆ្នាំទៅទិញបារី

បានផុស

៥ years មុន

នៅ

ថ្ងៃអង្គារ ៥ មករា ២០២១

ដោយ

កណ្តាល៖ ករណីឃាតកម្មនៅក្រុងតាខ្មៅខេត្តកណ្តាល កាលពីថ្ងៃទី០៥ ខែមករា ឆ្នាំ២០២១ វេលាម៉ោង០៧និង១០នាទីព្រឹក ជនល្មើសត្រូវបានសមត្ថកិច្ចស្រាវជ្រាវឃាត់ខ្លួនបានភ្លាមៗ។

ជនរងគ្រោះមានឈ្មោះ ផេង បញ្ញា ភេទស្រី អាយុ១៨ឆ្នាំ ជនជាតិខ្មែរ មុខរបរសិស្ស ស្នាក់នៅភូមិ-សង្កាត់កើតហេតុ។ ជនសង្ស័យឈ្មោះ ទូច សុជាតិ ហៅម៉ាប់ ភេទប្រុស អាយុ៤១ឆ្នាំ ជនជាតិខ្មែរ ស្នាក់នៅភូមិសង្កាត់កើតហេតុ មុខរបរមិនពិតប្រាកដ ឃាត់ខ្លួន ។

សមត្ថកិច្ចបានឲ្យដឹងថា មុនពេលកើតហេតុ វេលាម៉ោងប្រហែល៦និង៣០នាទី ព្រឹក ថ្ងៃទី០៥ ខែមករា ឆ្នាំ២០២០ ក្រុមគ្រួសាររបស់ជនរងគ្រោះមានឪពុកម្តាយ និងប្អូនប្រុស បាននាំគ្នាចេញទៅធ្វើការអស់ នៅសល់តែជនរងគ្រោះ និងប្អូនប្រុសម្នាក់ឈ្មោះ ផេង រិនណារ៉ុង អាយុ១០ឆ្នាំ នៅបន្ទប់ជួល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់មកជនរងគ្រោះបានប្រើប្អូនប្រុស ឱ្យជិះកង់ទៅទិញបាយស្រូបយកមកហូបទាំងអស់គ្នា។ នៅពេលទិញបាយរួចប្អូនប្រុសក៏យកបាយមកឱ្យជនរងគ្រោះវិញ ក៏ឃើញជនរងគ្រោះនៅក្នុងបន្ទប់តែពីរនាក់ជាមួយជនសង្ស័យ។ ពេលនោះជនរងគ្រោះបានប្រាប់ប្អូនថា កុំអាលទាន់ចូល ចំណែកជនសង្ស័យក៏បានប្រើប្អូនជនរងគ្រោះឱ្យទៅទិញបារីសេកចំនួន៥០០រៀល។ ក្រោយពេលទិញបារីរួចហើយ ប្អូនប្រុសជនរងគ្រោះត្រឡប់មកវិញក៏ឃើញជនសង្ស័យឈរនៅផ្លូវចូលមុខផ្ទះជួល រួចហើយប្អូនជនរងគ្រោះក៏បានហុចបារីឱ្យ រួចក៏ចូលទៅមើលក្នុងបន្ទប់ក៏ឃើញជនរងគ្រោះដេកលើឥដ្ឋមានឈាមពេញលើទ្រូង ក៏បានស្រែកហៅជនសង្ស័យឱ្យមកជួយមើល ហើយជនសង្ស័យក៏បានស្រែកហៅអ្នកជិតខាងឱ្យមកជួយមើលទៀត បន្ទាប់មកជនសង្ស័យក៏បានលើកបីសពយកទៅពេទ្យតែម្តង។

តាមចម្លើយជនសង្ស័យបានឆ្លើយសារភាព ពិតជាបានយកកាំបិតចុងស្រួចដងជ័រ ពណ៌ខ្មៅ ចាក់សម្លាប់ជនរងគ្រោះជាច្រើនកាំបិតលើដើមទ្រូង និងពោះបណ្តាយឱ្យដេកស្លាប់ក្នុងថ្លុកឈាមប្រាកដមែន។

ជនសង្ស័យបានបន្តថា ធ្លាប់ចាប់រំលោភជនរងគ្រោះ ហើយជនរងគ្រោះមានបំណងចង់ប្រាប់ដល់ម្តាយឱ្យបានដឹង និងថ្ងៃកើតហេតុចង់រំលោភម្តងទៀត តែជនរងគ្រោះមិនព្រម។

បច្ចុប្បន្ន ជនសង្ស័យកំពុងឃាត់ខ្លួននៅការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកណ្តាល កសាងសំណុំរឿងចាត់ការតាមនីតិវិធី ៕

Related Topics:ឃាតកម្ម

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា