Connect with us

ព័ត៌មានជាតិ

ឧកញ៉ា សួរ វីរៈ ​៖ វិស័យពីរនឹងរីកចម្រើនខ្លាំង​នៅក្នុងរយៈពេល ៥ឆ្នាំទៀត

បានផុស

នៅ

អ្នកជំនួញតែងតែមើលឃើញពីឱកាសការងារ និងការវិនិយោគ បានទូលំទូលាយជាងអ្នកធ្វើការធម្មតា និងមាន​ចក្ខុវិស័យវែងឆ្ងាយ។ តួយ៉ាងលោកឧកញ៉ា សួរ វីរៈ អគ្គនាយកក្រុមហ៊ុនវីរៈប៊ុនថាំ បានមើលឃើញថា នៅក្នុង​រយៈពេល៥ឆ្នាំ ខាងមុខ វិស័យពីរ នឹងមានការរីកចម្រើនខ្លាំង រួមចំណែកជួយសេដ្ឋកិច្ចសង្គម នៅកម្ពុជា។ វិស័យទាំងពីរនោះ គឺវិស័យកសិកម្ម និងទេសចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថាបនិកក្រុមហ៊ុនដឹកជញ្ជូនដ៏ធំប្រចាំកម្ពុជា រូបនេះ បានវែកញែកដូច្នេះថា នៅពេលដែលប្រទេសជឿនលឿន ហេដ្ឋារចនាសម្ព័ន្ធផ្លូវថ្នល់ល្អ អាចជួយក្នុងវិស័យកសិកម្មបានច្រើន ដូចជា ងាយស្រួលក្នុងការដឹកជញ្ជូន ចែកចាយ​ទៅតំបន់នានា បានលឿន ការចំណាយធ្លាក់ចុះ និងចំណេញពេលវេលា។ ដូច្នេះ នៅពេលវិស័យដឹកជញ្ជូន មានគ្រប់​គ្រាន់ បានល្អទាន់ពេលវេលា វិស័យកសិកម្មជាវិស័យដែលអាចជួយសេដ្ឋកិច្ចប្រជាជនខ្មែរច្រើន។

ដោយឡែក វិស័យទេសចរណ៍ ក៏បានជួយរូមចំណែកក្នុងសេដ្ឋកិច្ចសង្គម និងគ្រួសារយ៉ាងសំខាន់ផងដែរ។ លោកឧកញ៉ា បានលើកឡើងថា វិស័យទេសចរណ៍ នៅពេលដែលហេដ្ឋារចនាសម្ព័ន្ធយើងល្អ សេវាកម្ម និងការយល់ដឹង​របស់​ពលរដ្ឋកាន់​តែប្រសើរ តម្លៃក៏ឡើងទៅតាមនោះដែរ។

លោកឧកញ៉ា សួរ វីរៈ បានសង្កត់ធ្ងន់ថា ការដឹកជញ្ជូនកាន់តែល្អប្រសើរ វិស័យពីរកសិកម្ម និងទេសចរណ៍ គឺជាវិស័យ​ចម្បងដ៏សំខាន់សម្រាប់អនាគត។

សម្តេចតេជោ នាយករដ្ឋមន្ត្រី ក៏ធ្លាប់បានបានលើកឡើងថា កសិកម្មគឺជាវិស័យអាទិភាពដែលធានាដល់សន្តិសុខស្បៀង អាហាររូបត្ថម្ភ និងការនាំចេញ។ ដើម្បីបង្កើនផលិតភាព និងការប្រកួតប្រជែងបន្ថែមទៀត ត្រូវគិតគូរលើហេដ្ឋារចនា​សម្ព័ន្ធរូបវន្ត ប្រព័ន្ធធារាសាស្ត្រ ការដឹកជញ្ជូន និងភស្តុភារ ឥណទានកសិកម្ម ការស្រាវជ្រាវ និងអភិវឌ្ឍគ្រាប់ពូជថ្មី ការផ្សព្វផ្សាយបច្ចេកទេសកសិកម្មទំនើបជាដើម។

រាជរដ្ឋាភិបាល បានដាក់ចេញនូវគោលនយោបាយ និងយុទ្ធសាស្ត្រ ដើម្បីអភិវឌ្ឍវិស័យកសិកម្មទៅជាវិស័យទំនើប និងប្រកួត​ប្រជែង ដើម្បីគាំទ្រកំណើនសេដ្ឋកិច្ចជាតិ ដោយលើកកម្ពស់ជីវភាពរបស់កសិករ និងរួមចំណែកក្នុងការសម្រេច​បាននូវថានៈជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងចំណូលខ្ពស់នៅឆ្នាំ២០៥០។

ចំណែកវិស័យទេសចរណ៍ ក៏កំពុងតែមានសម្ទុះកើនឡើងគួរកត់សម្គាល់ផងដែរ។ របាយការណ៍របស់ក្រសួងទេសចរណ៍ បានបង្ហាញថា រៀងរាល់សប្តាហ៍ មានភ្ញៀវទេសចរចេញកម្សាន្តកើនឡើងជាលំដាប់ ទៅតាមទីតាំងទេសចរណ៍នានា នៅទូរទាំងប្រទេស។

មន្រ្តីជាន់ខ្ពស់រដ្ឋាភិបាលបានមើលឃើញថា កំណើនភ្ញៀវទេសចរអន្តរជាតិចាប់ផ្ដើមកើនឡើងវិញ នៅក្នុងឆ្នាំ២០២២នេះ​ដោយរំពឹងថា នៅឆ្នាំ២០២៨ខាងមុខ កម្ពុជានឹងទាក់ទាញភ្ញៀវទេសចរអន្តរជាតិប្រមាណ៧,៥លាននាក់ និងភ្ញៀវទេសចរ​ផ្ទៃក្នុងរង្វង់ ១៦លាននាក់។ នេះក៏ដូចការប្រមើលមើលរបស់លោកឧកញ៉ា សួរ វីវៈ ផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម