ព័ត៌មានជាតិ
ភរិយាឯកឧត្តម ហ៊ុន ម៉ាណែត លោកជំទាវ ពេជ ចន្ទមុន្នី រៀនចប់ថ្នាក់បណ្ឌិតនៅអង់គ្លេស
ឯកឧត្តមបណ្ឌិត ហ៊ុន ម៉ាណែត កូនប្រុសច្បងរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី។ ឯកឧត្តមបណ្ឌិត ហ៊ុន ម៉ាណែត មានចំណងអាពាហ៍ពិពាហ៍ជាមួយលោកជំទាវ ពេជ ចន្ទមុន្នី និងមានបុត្រចំនួន ៣រូប។
ឯកឧត្តមបណ្ឌិត ហ៊ុន ម៉ាណែត គឺជាអតីតនិស្សិតកម្ពុជាដំបូងគេដែលបានសិក្សានៅសាលាបណ្ឌិតសភាយោធា West Point សហរដ្ឋអាមេរិក។ ក្រៅពីសញ្ញាបត្រផ្នែកយោធា ឯកឧត្តម ក៏មានសញ្ញាបត្រអនុបណ្ឌិតសេដ្ឋកិច្ច នៅសាកលវិទ្យាល័យ New York សហរដ្ឋអាមេរិក និងបានបញ្ចប់សញ្ញាបត្របណ្ឌិតសេដ្ឋកិច្ច នៅសាកលវិទ្យាល័យ Bristol ចក្រភពអង់គ្លេស នៅឆ្នាំ២០០៨។
ឧត្តមភរិយារបស់ឯកឧត្តមគឺលោកជំទាវ ពេជ ចន្ទមុន្នី ជាអតីតនិស្សិតសិក្សាថ្នាក់បរិញ្ញាបត្រឱសថនៅសាកលវិទ្យាល័យវិទ្យាសាស្ត្រសុខាភិបាល រាជធានីភ្នំពេញ ខណៈលោកជំទាវក៏បានបញ្ចប់សញ្ញាបត្រអនុបណ្ឌិតផ្នែកសុខភាពសាធារណៈ នៅសាកលវិទ្យាល័យ Boston សហរដ្ឋអាមេរិក និងសញ្ញាបត្របណ្ឌិតឱសថសាស្ត្រ នៅសាកលវិទ្យាល័យ London ចក្រភពអង់គ្លេស ផងដែរ។
បច្ចុប្បន្ននេះ លោកជំទាវ ពេជ ចន្ទមុន្នី មានតួនាទីជាអនុប្រធានក្រុមប្រឹក្សាភិបាលនៃសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) ដែលសមាគមគ្រូពេទ្យនេះបានបង្កើតឡើងក្រោមគំនិតផ្ដួចផ្ដើមរបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ដើម្បីបេសកកម្មការងារមនុស្សធម៌ និងការលើកកម្ពស់សុខុមាលភាពរបស់ប្រជាជនកម្ពុជា។
ក្នុងនាមជាអនុប្រធានក្រុមប្រឹក្សាភិបាល លោកជំទាវ ពេជ ចន្ទមុន្នី បានយកចិត្តទុកខ្ពស់ ហើយតែងតែដឹកនាំក្រុមគ្រូពេទ្យដោយផ្ទាល់ ដើម្បីចុះពិនិត្យព្យាបាលជំងឺដោយឥតគិតថ្លៃជូនប្រជាពលរដ្ឋនៅទូទាំងប្រទេស។
អំឡុងពេលនៃការរាតត្បាតដ៏សាហាវជំងឺកូវីដ១៩ លោកជំទាវ ពេជ ចន្ទមុន្នី ក៏បានទទួលភារកិច្ចជាប្រធានដឹកនាំក្រុមគ្រូពេទ្យសម្ដេចតេជោប្រឆាំងកូវីដ១៩ ដែលកាលណោះ លោកជំទាវ បានចុះបំពេញការងារនេះដោយផ្ទាល់នៅទីតាំង និងមន្ទីរពេទ្យព្យាបាលអ្នកជំងឺទាំងថ្ងៃទាំងយប់ មិនគិតពីការនឿយហត់។
ក្រៅពីនេះ លោកជំទាវ ក៏មានតួនាទីមួយចំនួនទៀតដូចជា ឧត្តមទីប្រឹក្សានៃកាយរឹទ្ធិជាតិកម្ពុជា ស្នងការសមាគមកាយឫទ្ធិនារីកម្ពុជា រួមទាំងការងារសង្គម និងមនុស្សធម៌ផ្សេងៗជាច្រើនទៀត ផងដែរ។
គួរជម្រាបដែរថា លោកជំទាវ ពេជ ចន្ទមុន្នី គឺជាកូនស្រីរបស់ឯកឧត្តម ពេជ សោភ័ន រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការក្រសួងការងារ និងបណ្តុះបណ្តាលវិជ្ជាជីវៈ៕
ដោយ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង