ព័ត៌មានជាតិ
អត្តសញ្ញាណប័ណ្ណ សៀវភៅស្នាក់នៅ សៀវភៅគ្រួសារ សំបុត្រកំណើត អាចបញ្ជាក់គ្រប់ខណ្ឌបានទេ?
មានឯកសារអត្តសញ្ញាណកម្មចំនួន ៤ ដែលពលរដ្ឋរស់នៅរាជធានីភ្នំពេញជាទូទៅតែងតែយកទៅបញ្ជាក់ពីអាជ្ញាធរតាមខណ្ឌ ដើម្បីមានសុពលភាពប្រើប្រាស់ជាផ្លូវការ។
បើតាមមន្រ្តីខណ្ឌចំការមនមួយរូបបានឲ្យកម្ពុជាថ្មីដឹងថា ឯកសារសំខាន់ៗចំនួន ៤ ដូចជាអត្តសញ្ញាណប័ណ្ណ សៀវភៅស្នាក់នៅ សៀវភៅគ្រួសារ និងសំបុត្រកំណើត តែងតែទទួលបានការស្នើសុំបញ្ជាក់ជាប្រចាំនិងច្រើនជាងគេជារៀងរាល់ថ្ងៃ។
មន្រ្តីរូបនេះបានបញ្ជាក់ថា អត្តសញ្ញាណប័ណ្ណ សៀវភៅស្នាក់នៅ និងសៀវភៅគ្រួសារ អាចយកទៅបញ្ជាក់បាននៅគ្រប់ខណ្ឌទាំង ១៤ ក្នុងរាជធានីភ្នំពេញ លើកលែងតែសំបុត្រកំណើតត្រូវបញ្ជាក់នៅមូលដ្ឋានកំណើតរបស់ខ្លួន។
«ឧទាហរណ៍បើយើងចុះសំបុត្រកំណើតនៅខណ្ឌចំការមន ត្រូវតែយកទៅបញ្ជាក់នៅមូលដ្ឋានខណ្ឌចំការមនមិនអាចយកមកបញ្ជាក់នៅខណ្ឌផ្សេងបាននោះទេ«។
មន្រ្តីរូបនេះសង្កេតឃើញជាញឹកញាប់ដែលពលរដ្ឋបានយកសំបុត្រកំណើតមកបញ្ជាក់ខុសមូលដ្ឋាននាំឲ្យខាតពេល ដោយសារអាជ្ញាធរមិនអាចបញ្ជាក់ជូនបាន។
លោកបន្តទៀតថា ពេលយកអត្តសញ្ញាណប័ណ្ណ សៀវភៅស្នាក់នៅ និងសៀវភៅគ្រួសារ យកទៅបញ្ជាក់ត្រូវថតចម្លង (អាច ៥ ទៅ ១០ សន្លឹកតាមតម្រូវការប្រើប្រាស់ជាក់ស្ដែង) រួមទាំងត្រូវភ្ជាប់ឯកសារដើមទៅជាមួយ។ ដោយឡែកសំបុត្រកំណើតវិញមិនចាំបាច់ថតចម្លងទេ ភ្ជាប់តែច្បាប់ដើមទៅជាមួយហើយត្រូវបំពេញពាក្យស្នើសុំរួចមន្ត្រីនឹងចេញចុងសន្លឹកដើម្បីមកទទួលតាមពេលវេលាដែលកំណត់៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ