ព័ត៌មានជាតិ
ផ្លូវកាត់ថ្មី ធ្វើដំណើរពីខេត្តក្រចេះដល់ខេត្តសៀមរាបកាន់តែឆាប់រហ័ស
ក្នុងគម្រោងស្ថាបនាស្ពានឆ្លងទន្លេនៅខេត្តក្រចេះ ក៏មានលើកពីគម្រោងស្ថាបនាផ្លូវមួយខ្សែថ្មីតភ្ជាប់ពីគម្រោងស្ពានខេត្តក្រចេះមកខេត្តកំពង់ធំ និងអាចធ្វើដំណើរបន្តរហូតដល់ខេត្តសៀមរាប។
ក្នុងថ្ងៃបិទប្រកាសកិច្ចប្រជុំកំពូលអាស៊ាន ប្រមុខរដ្ឋាភិបាលសម្តេចតេជោ ហ៊ុន សែន បានប្រកាសពីគម្រោងស្ថាបនាស្ពានឆ្លងទន្លេនៅខេត្តក្រចេះដែលជាសមិទ្ធផលថ្មីមួយទៀត ដែលគ្រោងបើកការដ្ឋានសាងសង់ក្នុងពេលឆាប់ៗខាងមុខនេះ។ ជាមួយគ្នានេះ សម្តេចតេជោនាយករដ្ឋមន្ត្រីក៏បានលើកពីការស្ថាបនាផ្លូវពីខេត្តក្រចេះមកខេត្តកំពង់ធំភ្ជាប់ពីគម្រោងស្ពានខេត្តក្រចេះបន្តរហូតដល់ខេត្តសៀមរាបដែលនឹងសម្រួលការធ្វើដំណើរកាន់តែឆាប់រហ័ស។
មន្រ្តីក្រសួងសាធារណការនិងដឹកជញ្ជូនខេត្តក្រចេះក៏ធ្លាប់បញ្ជាក់ពីគម្រោងស្ថាបនាផ្លូវជាតិថ្មីនេះ ដែលគ្រោងបើកការដ្ឋានស្របពេលគម្រោងស្ថាបនាស្ពាននៅខេត្តក្រចេះ។
លោក សាំង ប៊ុនថេង ប្រធានមន្ទីរសាធារណការនិងដឹកជញ្ជូនខេត្តក្រចេះប្រាប់កម្ពុជាថ្មីកន្លងទៅថា ផ្លូវជាតិថ្មីនេះគឺផ្លូវ លេខ ៦០ បេ។ ផ្លូវនេះក្រុមវិស្វករចិនបានចុះសិក្សា ហើយគ្រោងដំណើរការស្ថាបនាស្របពេលជាមួយគម្រោងស្ពាននៅខេត្តក្រចេះ។
តាមការសិក្សាផ្លូវជាតិ ៦០បេ សាងសង់តភ្ជាប់ពីការដ្ឋានស្ពានខេត្តក្រចេះកាត់តាមស្រុកព្រែកប្រសព្វ រហូតដល់កំពង់ថ្មខេត្តកំពង់ធំ ដែលមានប្រវែងជាង ១៣០ គីឡូម៉ែត្រ។
គម្រោងស្ថាបនាផ្លូវមួយខ្សែនេះនឹងរួមចំណែកជួយដល់ការអភិវឌ្ឍខេត្តក្រចេះ សម្រួលការធ្វើដំណើររបស់ភ្ញៀវទេសចរពីតំបន់ភាគកណ្ដាលមកតំបន់ភាគឦសាន ដែលនឹងរុញកំណើនការអភិវឌ្ឍន៍ និងលើកស្ទួយជីវភាពពលរដ្ឋក្នុងមូលដ្ឋាន៕
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព